L-implimentazzjoni ta’ approċċi ta’ eċċellenza vokazzjonali tidher bi prominenza fl-aġenda politika kumplessiva tal-UE għall-ħiliet u għall-Edukazzjoni u t-Taħriġ Vokazzjonali (VET). L-Aġenda għall-Ħiliet għall-Ewropa, iż-Żona Ewropea tal-Edukazzjoni, ir-Rakkomandazzjoni tal-Kunsill tal-2020 dwar il-VET¹ , kif ukoll id-Dikjarazzjoni ta’ Osnabrück² , ilkoll jinkludu referenzi ċari ħafna għall-eċċellenza vokazzjonali bħala forza mexxejja għar-riformi fis-settur tal-VET. 

L-inizjattiva dwar iċ-Ċentri ta’ Eċċellenza Vokazzjonali (CoVE) għandha l-għan li twieġeb għal din il-prijorità ta’ politika li tappoġġa r-riformi fis-settur tal-VET, li jiżguraw ħiliet u kompetenzi ta’ kwalità għolja li jwasslu għal impjiegi ta’ kwalità u għal opportunitajiet tul il-karriera, li jissodisfaw il-ħtiġijiet ta’ ekonomija innovattiva, inklużiva u sostenibbli³ . L-inizjattiva CoVE tappoġġa wkoll l-implimentazzjoni tal-Patt Ekoloġiku Ewropew, il-Komunikazzjoni dwar l-attrazzjoni tal-Ħiliet u t-Talent u l-Istrateġiji Industrijali u tal-SMEs il-ġodda, peress li l-ħiliet huma kruċjali għas-suċċess tagħhom,kif ukoll il-Komunikazzjoni dwar il-mobbiltà tal-ħiliet u tat-talenti adottata fl-2023⁴ , il-Pjan ta’ Azzjoni dwar in-nuqqas ta’ ħaddiema u ħiliet, u r-Rakkomandazzjoni tal-Kunsill “Ewropa Attiva”⁵ . 

Il-CoVEs joperaw f’kuntest lokali partikolari, u joħolqu ekosistemi tal-ħiliet għall-innovazzjoni, l-iżvilupp reġjonali, u l-inklużjoni soċjali, filwaqt li jaħdmu mal-CoVEs f’pajjiżi oħrajn permezz ta’ networks kollaborattivi internazzjonali. Jistabbilixxu approċċ minn isfel għal fuq għall-eċċellenza vokazzjonali li jinvolvi firxa wiesgħa ta’ partijiet ikkonċernati lokali u li jippermetti lill-istituzzjonijiet tal-VET jadattaw malajr il-provvista tal-ħiliet għall-ħtiġijiet ekonomiċi u soċjali li qegħdin jevolvu. 

Dawn jipprovdu opportunitajiet għat-taħriġ inizjali taż-żgħażagħ kif ukoll għat-tkomplija tat-titjib tal-ħiliet u t-taħriġ mill-ġdid tal-adulti, permezz ta’ offerta flessibbli u f’waqtha ta’ taħriġ li tissodisfa l-ħtiġijiet ta’ suq tax-xogħol dinamiku, fil-kuntest tat-tranżizzjonijiet ekoloġiċi u diġitali. Jaġixxu bħala katalisti għall-iżvilupp u għall-innovazzjoni tan-negozji lokali, billi jaħdmu mill-qrib mal-kumpaniji (b’mod partikolari l-SMEs) fuq proġetti tar-riċerka applikata, joħolqu ċentri tal-għarfien u l-innovazzjoni, kif ukoll jappoġġaw l-inizjattivi intraprenditorjali tal-istudenti tagħhom.

In-networks għandhom l-għan ta’ “konverġenza ’l fuq” tal-eċċellenza tal-VET. Dawn se jkunu miftuħa għall-involviment ta’ pajjiżi b’sistemi ta’ eċċellenza vokazzjonali żviluppati sew, kif ukoll dawk fil-proċess tal-iżvilupp ta’ approċċi simili, immirati lejn l-esplorazzjoni tal-potenzjal sħiħ tal-istituzzjonijiet tal-VET biex jaqdu rwol proattiv fl-appoġġ tat-tkabbir u l-innovazzjoni.

Din l-inizjattiva tintroduċi dimensjoni Ewropea għall-eċċellenza vokazzjonali billi tappoġġa l-implimentazzjoni tal-politika u tal-azzjonijiet tal-VET tal-UE maqbulin mal-Istati Membri, mas-sħab soċjali u mal-fornituri tal-VET.

Il-kunċett ta’ eċċellenza vokazzjonali propost hawnhekk huwa kkaratterizzat minn approċċ olistiku ċċentrat fuq l-istudent li fih il-VET: 

• huwa parti integrata mill-ekosistemi <strong>tal-ħiliet</strong>⁶ ,li jikkontribwixxu għall-iżvilupp reġjonali⁷ , għall-innovazzjoni⁸ , għall-istrateġiji ta’ speċjalizzazzjoni intelliġenti⁹ u ta’ raggruppamenti¹⁰ , kif ukoll għal ktajjen ta’ valur speċifiċi u għall-ekosistemi industrijali;
• huwa parti mit-triangoli <strong>tal-għarfien</strong>¹¹ , billi jaħdem mill-qrib ma’ setturi oħrajn tal-edukazzjoni u t-taħriġ, mal-komunità xjentifika, u man-negozju;
• jippermetti lill-istudenti jiksbu kemm kompetenzi vokazzjonali (speċifiċi għall-impjieg) kif ukoll kompetenzi <strong>ewlenin</strong>¹² permezz ta’ provvista ta’ kwalità għolja sostnuta minn assigurazzjoni tal-kwalità;
• jibni forom innovattivi ta’ <strong>sħubijiet</strong>¹³ mad-dinja tax-xogħol, u huma appoġġati mill-iżvilupp professjonali kontinwu tal-persunal tat-tagħlim u t-taħriġ, pedagoġiji innovattivi, mobbiltà tal-istudenti u tal-persunal u strateġiji ta’ internazzjonalizzazzjoni tal-VET.

Din l-azzjoni tappoġġa l-istabbiliment u l-iżvilupp gradwali ta’ networks kollaborattivi internazzjonali ta’ Ċentri ta’ Eċċellenza Vokazzjonali. Iċ-Ċentri ta’ Eċċellenza Vokazzjonali għandhom l-għan li jilħqu l-objettivi li ġejjin:

• li jiġu żgurati ħiliet ta’ kwalità għolja permezz ta’ dispożizzjonijiet flessibbli u ċċentrati fuq l-istudenti tal-VET li jwasslu għal impjiegi ta’ kwalità u opportunitajiet tul il-karriera, li jirrispondu malajr għall-ħtiġijiet ta’ ekonomija innovattiva, inklużiva u sostenibbli kif ukoll għall-ħtiġijiet tas-soċjetà;
• li jappoġġaw u jaġixxu bħala xprunaturi għall-iżvilupp lokali u reġjonali, l-innovazzjoni u l-inklużjoni soċjali fil-kuntest tat-tranżizzjonijiet ekoloġiċi u diġitali;
• li jikkontribwixxi għal konverġenza ’l fuq dwar l-eċċellenza tal-VET, biex tiżdied il-kwalità tal-VET fil-livell tas-sistema f’aktar u aktar pajjiżi;
• li jiġi żgurat li l-outputs u r-riżultati jintużaw u jkollhom impatt lil hinn mill-organizzazzjonijiet sħab tal-proġett u lil hinn mill-perjodu tal-proġett.

Iċ-Ċentri ta’ Eċċellenza Vokazzjonali joperaw f’żewġ livelli:

1. Fil-livell nazzjonali, li jinvolvi firxa wiesgħa ta’ partijiet ikkonċernati lokali li joħolqu ekosistemi tal-ħiliet għall-innovazzjoni lokali, l-iżvilupp reġjonali, u l-inklużjoni soċjali, filwaqt li jaħdem mal-CoVEs f’pajjiżi oħrajn permezz ta’ networks kollaborattivi internazzjonali.
2. Fil-livell internazzjonali li jgħaqqad flimkien il-CoVEs li għandhom interess komuni:

• f’setturi speċifiċi¹⁴ jew ekosistemi industrijali¹⁵ ;
• f’approċċi innovattivi sabiex jiġu indirizzati l-isfidi ekonomiċi u tas-soċjetà (eż. it-tibdil fil-klima, id-diġitalizzazzjoni, l-intelliġenza artifiċjali, l-għanijiet ta’ żvilupp sostenibbli¹⁶ , l-integrazzjoni tal-migranti u ta’ gruppi żvantaġġati, it-titjib tal-ħiliet tal-persuni b’livelli baxxi ta’ kwalifiki, eċċ.); jew
• f’approċċi innovattivi sabiex jittejbu s-sensibilizzazzjoni, il-kwalità u l-effettività tas-CoVEs eżistenti.

In-networks se jlaqqgħu flimkien il-CoVEs eżistenti, jew jiżviluppaw il-mudell ta’ Eċċellenza Vokazzjonali billi jgħaqqdu s-sħab minn diversi pajjiżi, li jkun beħsiebhom jiżviluppaw Eċċellenza Vokazzjonali fil-kuntest lokali tagħhom permezz ta’ kooperazzjoni internazzjonali. Dawn jistgħu jikkontribwixxu, eż. għall-fażi tat-twettiq tal-inizjattiva tal-Bauhaus Ewropea l-Ġdida¹⁷ billi jikkollaboraw mal-komunitajiet involuti fit-trasformazzjonijiet lokali mrawma mill-inizjattiva.

Is-CoVEs jiksbu l-objettivi tagħhom billi jiġbru flimkien u jaħdmu mill-qrib ma’ sett ta’ sħab lokali/reġjonali bħal fornituri tal-VET inizjali u kontinwi, istituzzjonijiet tal-edukazzjoni għolja li jinkludu universitajiet tax-xjenzi applikati u politekniki, istituzzjonijiet tar-riċerka, parks tax-xjenza, aġenziji tal-innovazzjoni, kumpaniji, impjegaturi oħrajn, kmamar u l-assoċjazzjonijiet tagħhom, sħab soċjali, intrapriżi soċjali, kunsilli tal-ħiliet settorjali, assoċjazzjonijiet professjonali/settorjali, awtoritajiet nazzjonali u reġjonali u aġenziji tal-iżvilupp, servizzi tal-impjiegi, awtoritajiet tal-kwalifiki, organizzazzjonijiet tal-inklużjoni soċjali u tar-riintegrazzjoni, eċċ.

Għalhekk, din is-sejħa se tappoġġa proġetti li jlaqqgħu flimkien sħab lokali jew reġjonali minn diversi pajjiżi li jiżviluppaw sett ta’ attivitajiet taħt tliet raggruppamenti; 1) It-tagħlim u l-apprendiment, 2) Il-kooperazzjoni u s-sħubijiet, u 3) Il-governanza u l-Finanzjament.

Is-CoVEs huma meħtieġa li japplikaw strumenti u għodod madwar l-UE kollha¹⁸ kull meta jkun rilevanti.

Dawn iridu jinkludu t-tfassil ta’ pjan ta’ azzjoni fit-tul għall-introduzzjoni progressiva tar-riżultati tanġibbli tal-proġett wara li jkun intemm il-proġett. Dan il-pjan għandu jkun ibbażat fuq sħubijiet sostnuti bejn fornituri tal-edukazzjoni u t-taħriġ u atturi tas-suq tax-xogħol ewlenin fil-livell xieraq. Għandu jinkludi l-identifikazzjoni ta’ strutturi xierqa ta’ governanza, kif ukoll pjanijiet għall-iskalabbiltà u s-sostenibbiltà finanzjarja. 

Filwaqt li l-inizjattiva CoVE tal-Erasmus+ tippromwovi dimensjoni Ewropea għall-Eċċellenza tal-VET, il-politika tal-UE dwar l-Eċċellenza tal-VET għandha wkoll dimensjoni internazzjonali, appoġġata mill-Fondazzjoni Ewropea għat-Taħriġ (ETF). L-ETF żviluppat għodda ta’ awtovalutazzjoni (ISATCOVE), kunċett għal tikketta għall-eċċellenza, u qed tipprovdi servizzi ta’ appoġġ lil organizzazzjonijiet interessati fl-eċċellenza vokazzjonali. 

Biex tara l-lista ta’ CoVEs diġà ffinanzjati, jekk jogħġbok iċċekkja l-Portal għall-Finanzjament u għall-Offerti tal-UE. Skedi informattivi għall-proġetti ffinanzjati huma disponibbli wkoll fuq is-sit web tad-DĠ Impjiegi, Affarijiet Soċjali u Inklużjoni¹⁹ .

Sabiex ikunu eliġibbli għal għotja tal-Erasmus+, il-proposti tal-proġett għaċ-Ċentri ta’ Eċċellenza Vokazzjonali iridu jikkonformaw mal-kriterji li ġejjin:

Organizzazzjonijiet parteċipanti eliġibbli (min jista’ japplika?)

Sabiex ikunu eliġibbli, l-applikanti (benefiċjarji u entitajiet affiljati, jekk applikabbli) jeħtiġilhom:

• ikunu entitajiet ġuridiċi (korpi pubbliċi jew privati);
• ikunu stabbiliti f’wieħed mill-pajjiżi eliġibbli, jiġifieri Stat Membru tal-UE jew pajjiż terz assoċjat mal-Programm);
• ikunu attivi fil-qasam tal-edukazzjoni u t-taħriġ vokazzjonali jew fid-dinja tax-xogħol.

L-organizzazzjonijiet attivi fil-qasam tal-edukazzjoni u t-taħriġ vokazzjonali jew fid-dinja tax-xogħol minn pajjiżi terzi mhux assoċjati mal-Programm fir-Reġjuni 1 sa 3 jistgħu jipparteċipaw ukoll - bħala benefiċjarju jew entità affiljata- iżda mhux bħala koordinatur. Organizzazzjonijiet minn pajjiżi terzi oħra mhux assoċjati mal-Programm jistgħu jipparteċipaw bħala sħab assoċjati.

Eċċezzjoni: l-organizzazzjonijiet mill-Belarussja (ir-Reġjun 2) ma humiex eliġibbli biex jipparteċipaw f’din l-azzjoni.

L-organizzazzjonijiet parteċipanti jistgħu jkunu, pereżempju (lista mhux eżawrjenti):

• Fornituri tal-VET
• Organizzazzjonijiet rappreżentattivi ta’ fornituri tal-VET
• Kumpaniji, industrija, impjegaturi oħrajn jew organizzazzjonijiet rappreżentattivi tas-settur
• Awtoritajiet nazzjonali/reġjonali tal-kwalifiki
• Istituti tar-riċerka
• Aġenziji tal-innovazzjoni
• Awtoritajiet għall-iżvilupp reġjonali
• Organizzazzjonijiet internazzjonali attivi fil-qasam tal-VET.

Kompożizzjoni tal-konsorzju (numru u profil tal-organizzazzjonijiet parteċipanti)

Is-sħubija trid tinkludi mill-inqas tmien applikanti (benefiċjarji) minn minimu ta’ erba’ Stati Membri tal-UE jew pajjiżi terzi assoċjati mal-Programm.

Kull Stat Membru tal-UE jew pajjiż terz assoċjat mal-Programm irid jinkludi:

1. mill-inqas intrapriża waħda, industrija, impjegaturi oħrajn jew organizzazzjoni rappreżentattiva tas-settur, u
2. mill-inqas fornitur wieħed tal-edukazzjoni u t-taħriġ vokazzjonali (fil-livell sekondarju u/jew terzjarju).

L-entitajiet affiljati u s-sħab assoċjati ma jgħoddux f’din il-konfigurazzjoni minima tal-konsorzju. Dawn ma jistgħux ikunu l-organizzazzjoni ta’ koordinazzjoni.

L-organizzazzjoni ta’ koordinazzjoni jeħtiġilha tkun minn Stat Membru tal-UE jew minn pajjiż terz assoċjat mal-Programm.

Organizzazzjonijiet minn pajjiżi terzi eliġibbli mhux assoċjati mal-Programm mir-reġjuni 1 sa 3 jistgħu jipparteċipaw ukoll bħala benefiċjarji jew entitajiet affiljati, sal-punt li jintwera li l-parteċipazzjoni tagħhom iġġib valur miżjud essenzjali għall-proġett.

Eċċezzjoni: l-organizzazzjonijiet mill-Belarussja (ir-Reġjun 2) ma humiex eliġibbli biex jipparteċipaw f’din l-azzjoni.

Attivitajiet eliġibbli

L-applikant jeħtieġlu jindirizza tliet raggruppamenti ta’ attivitajiet (billi jipprovdi dettalji dwar l-azzjonijiet konkreti u r-riżultati tanġibbli). Għal kull raggruppament, irid jintgħażel numru minimu ta’ attivitajiet mil-lista ta’ hawn taħt:

• mill-inqas erba’ attivitajiet elenkati taħt Raggruppament 1 – Tagħlim u apprendiment,
• mill-inqas tliet attivitajiet elenkati taħt Raggruppament 2 – Kooperazzjoni u sħubija, u
• mill-inqas 2 attivitajiet elenkati taħt Raggruppament 3 – Governanza u finanzjament.

Ir-Raggruppamenti huma deskritti hawn taħt fit-taqsima “Stabbiliment ta’ proġett”.

L-attivitajiet ta’ edukazzjoni u taħriġ vokazzjonali, fi kwalunkwe livell tal-QEK minn 3 sa 8, inkluż il-livell sekondarju għoli, il-livell postsekondarju mhux terzjarju kif ukoll il-livell terzjarju (eż. Universitajiet ta’ xjenzi applikati, istituti Politekniċi, eċċ.) huma eliġibbli. Madankollu, l-applikazzjonijiet ma jistgħux jinkludu biss attivitajiet immirati lejn studenti fil-livell terzjarju; jekk jiffokaw fuq il-VET fil-livell postsekondarju (il-livelli tal-QEK minn 6 sa 8) iridu jinkludu mill-inqas livell wieħed ieħor ta’ kwalifika tal-VET bejn il-livelli tal-QEK minn 3 sa 5, kif ukoll komponent qawwi ta’ apprendiment imsejjes fuq ix-xogħol.

Post ġeografiku (post tal-attivitajiet)

L-attivitajiet iridu jsiru fi kwalunkwe pajjiż eliġibbli (ara l-Parti A ta’ din il-Gwida)

Durata tal-proġett

Normalment il-proġetti idumu 48 xahar (jistgħu jsiru estensjonijiet, jekk ikunu ġġustifikati kif xieraq u permezz ta’ emenda tal-ftehim ta’ għotja).

Fejn napplika?

Lill-Aġenzija Eżekuttiva Ewropea għall-Edukazzjoni u għall-Kultura (EACEA) permezz tal-Portal għall-Finanzjament u għall-Offerti tal-UE.

ID tas-Sejħa: ERASMUS-EDU-2025-PEX-COVE.

Qabel ma tapplika, jekk jogħġbok ara l-FAQs rilevanti fl-FTOP.

Meta napplika?

L-applikanti jridu jissottomettu l-applikazzjoni tagħhom għall-għotja sal-11 ta’ Ġunju fil-17:00:00 (ħin ta’ Brussell).

L-organizzazzjonijiet applikanti se jiġu vvalutati skont il-kriterji tal-esklużjoni u tal-għażla rilevanti. Għal aktar informazzjoni jekk jogħġbok ikkonsulta l-Parti C ta’ din il-Gwida.

Is-CoVEs huma kkaratterizzati mill-adozzjoni ta’ approċċ sistemiku li permezz tiegħu l-istituzzjonijiet tal-VET jikkontribwixxu b’mod attiv għall-ħolqien konġunt ta’ “ekosistemi tal-ħiliet”, flimkien ma’ firxa wiesgħa ta’ sħab lokali/reġjonali oħrajn. Il-COVEs huma mistennija jmorru ferm lil hinn mis-sempliċi provvista ta’ kwalifika vokazzjonali ta’ kwalità. 

Hawn taħt, aħna nippreżentaw lista ta’ attivitajiet tipiċi pprovduti mis-CoVEs. Il-proġetti se jilħqu l-objettivi tagħhom billi jibnu fuq taħlita ta’ dawn l-attivitajiet (il-punti huma eżempji indikattivi ta’ azzjonijiet possibbli taħt kull attività)²⁰ .

Deskrizzjoni tar-Raggruppamenti:

Raggruppament 1 – Tagħlim u apprendiment

Attività 1. Jipprovdu lin-nies b’ ħiliet rilevanti għas-suq tax-xogħol billi:

• l-antiċipazzjoni tal-ħtiġijiet ta’ ħiliet futuri bl-użu ta’ mezzi effettivi biex jiġu identifikati malajr il-ħtiġijiet tas-suq tax-xogħol li qed jinbidlu²¹ , u t-tqabbil tal-provvista tal-ħiliet mal-opportunitajiet ta’ impjieg, filwaqt li jitqies ukoll ix-xogħol imwettaq mill-Pjan ta’ Azzjoni Settorjali²² meta rilevanti u disponibbli;
• jiffukaw kemm fuq il-ħiliet tekniċi kif ukoll fuq il-kompetenzi ewlenin ;²³
• inklużi l-ħiliet meħtieġa għat-tranżizzjonijiet ekoloġiċi  u diġitali .²⁴

Attività 2. L-insegwiment ta’ apprendiment tul il-ħajja u approċċ inklużiv fil-VET billi:

• l-iżgurar ta’ opportunitajiet ta’ apprendiment għal persuni ta’ kull età u sfond soċjoekonomiku;²⁵
• permezz tal-ikkombinar tal-offerti ta’ kwalifiki tal-VET inizjali u ta’ taħriġ kontinwugħat-titjib tal-ħiliet u għat-taħriġ mill-ġdid li jkunu informati mill-informazzjoni dwar il-ħiliet;²⁶
• l-għoti ta’ programmi tal-VET ta’ livell ogħla, l-iżvilupp ta’ perkorsi flessibbli, u ta’ mekkaniżmi ta’ kooperazzjoni bejn l-istituzzjonijiet tal-VET u l-istituzzjonijiet tal-edukazzjoni għolja.²⁷

Attività 3. L-iżvilupp ta’ kurrikuli u kwalifiki tal-VET, li jippermettu l-flessibbiltà u l-individwalizzazzjoni tat-twassil billi:

• jiġu żviluppati pjanijiet jew perkorsi ta’ apprendiment individwali²⁸  għal kull student²⁹ , inkluż għall-adulti;
• L-integrazzjoni tal-mobbiltà internazzjonali tal-istudenti³⁰ fil-kurrikuli, l-iżgurar tal-validazzjoni u r-rikonoxximent tal-eżiti tal-apprendiment miksuba barra mill-pajjiż;
• it-tfassil ta’ kwalifiki li jintegraw komponenti kemm ta’ apprendiment imsejjes fl-iskola kif ukoll ta’ apprendiment imsejjes fuq ix-xogħol;³¹
• l-iżvilupp ta’ Profili Vokazzjonali Ewlenin Ewropej³² , li jikkontribwixxu għall-mobbiltà tal-istudenti u tal-ħaddiema, filwaqt li jiżguraw ir-rikonoxximent tagħha, kif ukoll it-trasparenza, il-fehim u l-portabbiltà tal-eżiti tal-apprendiment;³³
• L-iżvilupp u/jew l-użu ta’ mikrokredenzjali malajr;³⁴ sabiex jiġi rrikonoxxut l-eżitu ta’ opportunitajiet ta’ apprendiment għal żmien qasir adattati għal soċjetà u għal suq tax-xogħol li qed jinbidlu
• l-użu  tal-Kredenzjali Diġitali Ewropej għall-Apprendiment, li jippermettu l-awtentikazzjoni, il-validazzjoni u r-rikonoxximent faċli tal-kredenzjali ta’ kwalunkwe daqs, għamla jew forma;
• il-bini fuq il-Pjanijiet ta’ Azzjoni fejn rilevanti u disponibbli.

Attività 4. L-iżvilupp ta’ materjali u metodoloġiji innovattivi ta’ tagħlim u apprendiment iċċentrati fuq l-istudent billi:

• jinkludu apprendiment interdixxiplinari, ibbażat fuq proġetti, ibbażat fuq il-kompetenzi, “Fabbriki tal-apprendiment”,  </span><a href="https://publications.jrc.ec.europa.eu/repository/bitstream/JRC117481/makerspaces_2034_education.pdf" target="_blank" class=" eac-external-link"><span lang="MT">makerspaces</span><span>³⁵  u edukazzjoni pożittiva;³⁶
• l-użu ta’ oqfsa ta’ kompetenza Ewropej³⁷ u ta’ għodod derivattivi bħal DigComp³⁸ , EntreComp³⁹ , FreenComp, LifeComp⁴⁰ , GreenComp⁴¹ SELFIE WBL⁴² , Ittestja l-ħiliet diġitali tiegħek⁴³ , u ċ-Ċertifikat Ewropew tal-Ħiliet Diġitali;⁴⁴
• l-isfruttar ta’ tagħmir tat-tagħlim u ta’ teknoloġiji diġitali innovattivi bħal MOOCs, simulaturi, realtà virtwali u awmentata, intelliġenza artifiċjali, kemm għal apprendiment ibbażat fl-iskola kif ukoll għal apprendiment ibbażat fuq ix-xogħol;
• it-trawwim tal-eċċellenza <strong>tal-istudenti</strong>⁴⁵ permezz ta’ azzjonijiet li jinċentivaw lill-istudenti tal-VET biex jesploraw l-innovazzjoni u l-potenzjal <strong>kreattiv</strong>⁴⁶ tagħhom, li jwassal għal ċiklu virtuż ta’ benefiċċji għall-istudenti, għall-għalliema/għall-ħarrieġa u għall-istituzzjoni tal-VET li jistgħu jintegraw l-aħjar prattiki fil-programmi regolari.⁴⁷

Attività 5. L-investiment fl-iżvilupp professjonali inizjali u kontinwu tal-għalliema u tal-ħarrieġa⁴⁸

• Għall-ħiliet pedagoġiċi, tekniċi, ekoloġiċi u diġitali inklużi dawk meħtieġa għall-apprendiment online u mill-bogħod
• L-integrazzjoni tal-mobbiltà tal-għalliema u tal-ħarrieġa fl-istrateġiji tat-tagħlim, tal-iżvilupp u tal-internazzjonalizzazzjoni⁴⁹
• L-appoġġ għall-implimentazzjoni ta’ kultura ta’ kwalità bbażata fuq sistemi ta’ ġestjoni definiti⁵⁰

Attività 6. L-istabbiliment ta’ mekkaniżmi b’saħħithom għall-assigurazzjoni tal-kwalità

• Fuq il-bażi ta’ għodod u ta’ strumenti Ewropej bħall-EQAVET
• Il-ħidma fuq iċ-ċertifikazzjoni tal-fornituri tal-edukazzjoni u tat-taħriġ abbażi ta’ standards żviluppati minn organizzazzjonijiet tal-istandards nazzjonali u/jew internazzjonali rilevanti  - eż. ISO 21001 jew l-EFQM (ara wkoll it-tikketta tal-EVTA għall-Eċċellenza fil-VET)

Attività 7. L-istabbiliment ta’ ċirkwiti effettivi ta’ feedback u ta’ sistemi effettivi ta’ stħarriġ dwar is-sitwazzjoni tal-gradwati 

• L-istabbiliment ta’ proċeduri, ta’ mekkaniżmi u ta’ strumenti għal feedback u għal rieżami effettivi bħala parti minn proċess ta’ apprendiment strateġiku fl-organizzazzjoni tal-VET, biex jiġi appoġġat l-iżvilupp ta’ provvista ta’ kwalità għolja‑ u jittejbu l-opportunitajiet għall-istudenti
• L-abilitazzjoni tal-adattament f’waqtu tal-provvista ta’ apprendiment ibbażat fuq sistemi effettivi ta’ stħarriġ dwar is-sitwazzjoni tal-gradwati⁵¹

Attività 8. Il-provvista ta’ servizzi ta’ gwida

• L-iżgurar ta’ gwida ta’ kwalità⁵² kemm għaż-żgħażagħ kif ukoll għall-adulti biex jiġu appoġġati l-karriera u l-għażliet ta’ edukazzjoni u ta’ taħriġ tagħhom, kif ukoll il-parteċipazzjoni tagħhom fl-apprendiment tul il-ħajja
• L-għoti ta’ appoġġ imfassal apposta lil persuni b’vulnerabbiltajiet
• L-għoti tal-possibbiltà għall-adulti biex ikunu jistgħu jagħmlu użu mill-intitolamenti tagħhom għat-taħriġ

Attività 9. L-għoti ta’ validazzjoni tal-apprendiment preċedenti

• L-għoti ta’ validazzjoni tal-ħiliet, irrispettivament minn kif inkisbu, inkluż barra mill-edukazzjoni u t-taħriġ formali: fuq il-post tax-xogħol, fid-dar jew f’attivitajiet volontarji⁵³ , bħala bażi għall-għoti ta’ taħriġ personalizzat

Raggruppament 2 – Kooperazzjoni u sħubijiet

Attività 10. L-istabbiliment ta’ sħubijiet bejn in-negozji u l-edukazzjoni

• It-trawwim ta’ relazzjonijiet ta’ benefiċċju reċiproku mas-settur tan-negozju billi jiġu fformati sħubijiet fit-tul bejn in-negozji u l-edukazzjoni, inkluż għall-innovazzjoni u għall-antiċipazzjoni tal-ħiliet
• Naħdmu flimkien biex nirrevedu u naġġornaw kontinwament il-kurrikuli biex niżguraw ir-rilevanza tagħha għall-ħtiġijiet tal-istudenti u tas-suq tax-xogħol, b’mod partikolari għall-apprendiment imsejjes fuq ix-xogħol u l-apprendisti, f’konformità mal-Qafas Ewropew dwar Apprendistati ta’ Kwalità u Effettivi u l-bini ta’ sinerġiji mal-Alleanza Ewropea għall-Apprendistati⁵⁴
• L-appoġġ lill-kumpaniji, lill-impjegaturi oħrajn u b’mod partikolari lill-SMEs b’taħriġ imfassal apposta għat-titjib tal-ħiliet u għat-taħriġ mill‑ġdid
• Il-kooperazzjoni mas-Servizzi Pubbliċi tal-Impjiegi u mas-soċjetà ċivili biex jittejbu l-ħiliet u għat-taħriġ mill-ġdid tal-persuni qiegħda u inattivi
• L-appoġġ għall-kooperazzjoni bbażata fuq is-settur u dik reġjonali, inkluż is-sħubija fil-Patt għall-Ħiliet⁵⁵ , u l-ħolqien ta’ sinerġiji mal-Pjan ta’ Azzjoni Settorjali, kif rilevanti u disponibbli.
• L-għoti ta’ appoġġ tekniku, ta’ valutazzjoni tal-ħtiġijiet tal-ħiliet, ta’ għodod u ta’ metodoloġiji lill-SMEs
• L-organizzazzjoni ta’ apprendiment imsejjes fuq ix-xogħol, apprendistati, u opportunitajiet ta’ internships għall-istudenti, il-kondiviżjoni tat-tagħmir, kif ukoll skambji ta’ għalliema u ħarrieġa bejn il-kumpaniji u ċ-ċentri tal-VET⁵⁶

Attività 11. Ir-Riċerka applikata u l-Innovazzjoni

• Il-ħidma flimkien mal-kumpaniji, b’mod partikolari l-SMEs dwar proġetti ta’ riċerka applikata⁵⁷  li jinvolvu studenti u persunal tal-VET
• L-użu jew il-ħolqien konġunt ta’ ċentri ta’ innovazzjoni u ta’ċentri ta’ diffużjoni tat-teknoloġija⁵⁸  sabiex jiġi appoġġat il-proċess ta’ innovazzjoni tal-SMEs bl-involviment tal-istudenti u tal-persunal tal-VET
• Il-kontribut għall-ħolqien u għat-tixrid ta’ għarfien ġdid⁵⁹

Attività 12. L-internazzjonalizzazzjoni tal-VET u l-mobbiltà barra mill-pajjiż

• L-iżvilupp ta’ ppjanar strateġiku għall-attivitajiet internazzjonali, marbut mill-qrib mal-iżvilupp tal-istituzzjoni tal-VET, u l-kwalità tal-prattiki tat-tagħlim u tal-apprendiment⁶⁰
• Il-ħolqien ta’ strutturi ta’ appoġġ u ta’ miżuri sabiex titrawwem u tiġi żgurata l-kwalità tal-esperjenzi tal-mobbiltà tal-VET (inkluża l-mobbiltà virtwali) fost is-sħab fin-network CoVE f’konformità mal-Istandards ta’ Kwalità tal-Erasmus⁶¹
• It-tnedija ta’ inizjattivi sabiex jiġu mmobilizzati l-istudenti, l-għalliema u l-ħarrieġa (inklużi l-ħarrieġa fil-kumpaniji), kif ukoll l-esperti, sabiex jittieħed vantaġġ mill-opportunitajiet offruti mill-programm Erasmus+ (Ka1) sabiex ikunu involuti f’mobbiltà barra mill-pajjiż

Attività 13. It-trawwim ta’ ħiliet u inizjattivi intraprenditorjali

• L-iżvilupp ta’ kultura intraprenditorjali fi ħdan l-organizzazzjonijiet tal-VET⁶² inklużi mexxejja, persunal, għalliema u ħarrieġa kif ukoll studenti⁶³
• Il-ħidma mas-sħab lokali sabiex jiġu żviluppati l-ħiliet u l-attitudnijiet intraprenditorjali tal-istudenti li jwieġbu għall-isfidi reali tad-dinja
• L-għoti jew il-ħolqien ta’ rabtiet ma’ inkubaturi tan-negozju lokali għall-istudenti tal-VET biex jiżviluppaw l-inizjattivi ta’⁶⁴  intraprenditorija tagħhom

Attività 14. Iż-żieda tal-attraenza tal-VET 

• Permezz tat-tnedija u tal-parteċipazzjoni attiva f’kampanji u attivitajiet ta’ komunikazzjoni⁶⁵ , immirati biex iżidu l-attraenza tal-VET
• L-għoti ta’ informazzjoni dwar l-opportunitajiet ta’ xogħol permezz tal-VET u l-attirar taż-żgħażagħ u tal-adulti (inklużi l-istudenti fl-iskejjel primarji u sekondarji) għall-perkorsi ta’ apprendiment tal-VET
• It-twaqqif ta’ Kampus internazzjonali tal-VET jew kampijiet <strong>tas-sajf</strong>⁶⁶ immirati lejn l-istudenti, l-għalliema u l-ħarrieġa, il-mexxejja fl-istituzzjonijiet tal-VET, it-Trade unions, kif ukoll għal persuni li qegħdin iqisu għażliet futuri ta’ studju vokazzjonali. Dawn jistgħu jiffokaw fuq oqsma, prodotti jew servizzi okkupazzjonali speċifiċi, kif ukoll fuq sfidi kumplessi ta’ importanza ekonomika u tas-soċjetà

Attività 15. Kompetizzjonijiet tal-ħiliet

• It-trawwim tal-parteċipazzjoni tal-istudenti f’kompetizzjonijiet settorjali, nazzjonali u internazzjonali tal-ħiliet, immirati sabiex iżidu l-attraenza u l-eċċellenza fil-VET (eż. il-kompetizzjonijiet World Skills u/jew EuroSkills). Jekk jogħġbok innota li l-premjijiet ma humiex kost eliġibbli fil-baġit.

Raggruppament 3 – Governanza u finanzjament

Attività 16. L-awtonomija u l-governanza effettiva tal-VET

• L-iżvilupp tal-kapaċità tal-fornituri tal-VET li jieħdu deċiżjonijiet, b’mod indipendenti u b’responsabbiltà, dwar kwistjonijiet edukattivi, organizzazzjonali, finanzjarji, relatati mal-persunal u kwistjonijiet oħrajn, fis-segwitu ta’ attività mwettqa fi ħdan il-kamp ta’ applikazzjoni definit mir-regoli u r-regolamenti nazzjonali⁶⁷
• L-involviment tal-partijiet ikkonċernati rilevanti, b’mod partikolari l-kumpaniji, il-kmamar, l-assoċjazzjonijiet professjonali u settorjali, it-trade unions, l-awtoritajiet nazzjonali u reġjonali u s-sħab soċjali, inklużi r-rappreżentanti tal-istudenti, fil-governanza tas-sistemi tal-VET

Attività 17. Approċċ strateġiku għall-iżvilupp u għall-governanza tal-ħiliet

• L-involviment attiv fis-sistemi nazzjonali u reġjonali ta’ governanza tal-ħiliet
• Il-kontribut b’perspettiva ta’ ħiliet għat-tfassil tal-politika soċjali u dwar l-impjiegi fil-livell lokali, reġjonali, nazzjonali u Ewropew

Attività 18. Il-ħolqien konġunt ta’ ekosistemi tal-ħiliet

• Il-mobilizzazzjoni ta’ sħab ekonomiċi u soċjali rilevanti kif ukoll ta’ istituzzjonijiet edukattivi u ta’ taħriġ oħrajn biex jinvolvu jew joħolqu ekosistemi tal-ħiliet lokali mmirati lejn l-appoġġ tal-innovazzjoni, l-istrateġiji ta’ speċjalizzazzjoni intelliġenti, ir-raggruppamenti, u s-setturi u l-ktajjen tal-valur (ekosistemi industrijali)
• L-abilitazzjoni tal-ekosistemi tal-ħiliet lokali tikkontribwixxi biex jiġi attirat l-investiment barrani⁶⁸ , billi tiġi żgurata l-provvista f’waqtha tal-ħiliet għall-kumpaniji li jinvestu lokalment
• L-involviment ma’ proġetti oħra tal-CoVEs ta’ Erasmus+, b’mod partikolari permezz tal-Komunità ta’ Prattika⁶⁹ taċ-Ċentri ta’ Eċċellenza Vokazzjonali, permezz tal-kondiviżjoni tal-esperjenzi u r-riżultati, u b’hekk jingħata kontribut għall-impatt usa’ tal-inizjattiva CoVE

Attività 19. L-iżvilupp ta’ mudelli finanzjarji sostenibbli

• Il-kombinament tal-finanzjament pubbliku u privat⁷⁰ , kif ukoll tal-attivitajiet li jiġġeneraw l-introjtu, u l-isfruttar bis-sħiħ tal-iskemi ta’ finanzjament ibbażati fuq il-prestazzjoni (jekk rilevanti)

Attività 20. Użu sħiħ mill-istrumenti finanzjarji nazzjonali u tal-UE

• Dawn jistgħu jinkludu l-appoġġ ta’ azzjonijiet ta’ edukazzjoni u taħriġ, il-mobbiltà tal-istudenti u tal-persunal, l-attivitajiet ta’ riċerka applikata, l-investimenti fl-infrastruttura għall-immodernizzar taċ-ċentri tal-VET b’tagħmir avvanzat, l-implimentazzjoni ta’ sistemi ta’ ġestjoni sabiex jiġu żgurati l-eċċellenza u s-sostenibbiltà tal-organizzazzjonijiet tal-VET u s-servizzi li jipprovdu.

Il-proġett irid jidentifika u jispjega b’mod ċar l-għażla ta’ kull waħda mill-attivitajiet magħżula fil-formola tal-applikazzjoni, u jiddeskrivi kif ix-xogħol li għandu jitwettaq permezz ta’ dawk l-attivitajiet se jikkontribwixxi b’mod konkret għall-pakketti ta’ ħidma rilevanti, u bl-objettivi ġenerali tal-proġett.

L-istabbiliment u l-iżvilupp gradwali tan-networks Ewropej ta’ Ċentri ta’ Eċċellenza Vokazzjonali huma mistennija jżidu r-rispons tas-sistemi tal-VET biex jadattaw il-provvista tal-ħiliet għall-ħtiġijiet ekonomiċi u soċjali li qed jevolvu, filwaqt li jiġi żgurat li l-VET ikun fuq quddiem nett biex jipprovdi soluzzjonijiet għall-isfidi li jirriżultaw mill-ħtiġijiet tal-ħiliet li qed jinbidlu malajr.

Billi jifformaw parti essenzjali mit-“triangolu tal-għarfien” – il-proġetti għandhom irawmu l-kollaborazzjoni bejn in-negozji, l-edukazzjoni u r-riċerka – u jaqdu rwol fundamentali fil-provvista ta’ ħiliet li jappoġġaw l-innovazzjoni u l-ispeċjalizzazzjoni intelliġenti, iċ-Ċentri ta’ Eċċellenza Vokazzjonali huma mistennija jiżguraw ħiliet u kompetenzi ta’ kwalità għolja li jwasslu għal impjiegi ta’ kwalità u opportunitajiet tul il-karriera, li jissodisfaw il-ħtiġijiet ta’ ekonomija innovattiva, inklużiva u sostenibbli. 

Permezz tat-tixrid wiesa’ tal-eżiti tal-proġetti fil-livelli tranżnazzjonali, nazzjonali u/jew reġjonali u l-iżvilupp ta’ pjan ta’ azzjoni fuq perjodu ta’ żmien twil għall-implimentazzjoni progressiva tar-riżultati tanġibbli tal-proġett, filwaqt li jitqiesu l-istrateġiji ta’ speċjalizzazzjoni intelliġenti u dawk ta’ żvilupp nazzjonali u reġjonali, il-proġetti individwali huma mistennija jinvolvu lill-partijiet ikkonċernati rilevanti fi ħdan l-organizzazzjonijiet parteċipanti u barra minnhom u jiżguraw impatt fit-tul wara l-ħajja tal-proġett. 

Il-kriterji għall-għoti li ġejjin japplikaw:

Rilevanza tal-proġett (punteġġ massimu ta’ 35 punt)

• Ħolqa għall-politika: il-proposta turi kif in-network ta’ kooperazzjoni tranżnazzjonali ta’ Ċentri ta’ Eċċellenza Vokazzjonali se jikkontribwixxi biex jintlaħqu l-għanijiet tal-prijoritajiet ta’ politika koperti mir-Rakkomandazzjoni tal-Kunsill dwar il-VET għall-kompetittività sostenibbli, il-ġustizzja soċjali u r-reżiljenza⁷¹ , kif ukoll id-Dikjarazzjoni ta’ Osnabrück⁷² ;
• Il-Valuri tal-UE: il-proposta hija rilevanti għar-rispett u l-promozzjoni ta’ valuri kondiviżi tal-UE, bħar-rispett għad-dinjità tal-bniedem, il-libertà, id-demokrazija, l-ugwaljanza, l-istat tad-dritt u r-rispett għad-drittijiet tal-bniedem, kif ukoll il-ġlieda kontra kwalunkwe tip ta’ diskriminazzjoni.
• Konsistenza: kemm il-proposta tindirizza l-objettivi tas-sejħa, l-objettivi huma ddefiniti b’mod ċar, realistiċi u jindirizzaw kwistjonijiet rilevanti għall-organizzazzjonijiet parteċipanti; kemm il-proposta tagħti analiżi adegwata tal-ħtiġijiet;
• Innovazzjoni: il-proposta tqis metodi u tekniki tal-ogħla livell, u twassal għal riżultati u soluzzjonijiet innovattivi għall-qasam tagħha b’mod ġenerali, jew għall-kuntest ġeografiku li fih jiġi implimentat il-proġett (eż. il-kontenut; l-outputs prodotti, il-metodi ta’ ħidma applikati, l-organizzazzjonijiet u l-persuni involuti jew immirati);
• Dimensjoni reġjonali: il-proposta turi l-kontribut tagħha għall-istrateġiji ta’ żvilupp reġjonali u ta’ speċjalizzazzjoni intelliġenti, abbażi tal-identifikazzjoni tal-isfidi lokali/reġjonali f’kull wieħed mill-pajjiżi parteċipanti;
• Kooperazzjoni u sħubijiet: kemm il-proposta tidentifika u tinvolvi b’mod adegwat l-aktar sħab rilevanti, li huma neċessarji biex jintlaħqu l-objettivi tal-proġett, u tispjega kif se tistabbilixxi relazzjonijiet b’saħħithom u dejjiema fil-livelli kemm lokali kif ukoll tranżnazzjonali, bejn il-komunità tal-VET u n-negozji (jistgħu jiġu rrappreżentati minn kmamar jew minn assoċjazzjonijiet), li fihom l-interazzjonijiet ikunu reċiproċi u ta’ benefiċċju għal xulxin;
• Valur miżjud Ewropew: il-proposta turi b’mod ċar il-valur miżjud fil-livelli individwali (student u/jew persunal), istituzzjonali u sistemiċi, iġġenerat permezz ta’ riżultati li jkunu diffiċli li jinkisbu mis-sħab li jaġixxu mingħajr il-kooperazzjoni Ewropea;
• Internazzjonalizzazzjoni: il-proposta turi l-kontribuzzjoni tagħha għad-dimensjoni internazzjonali tal-eċċellenza tal-VET, inkluż l-iżvilupp ta’ strateġiji biex titrawwem il-mobbiltà tranżnazzjonali tal-VET għall-istudenti u għall-persunal, kif ukoll sħubijiet sostenibbli;
• Ħiliet diġitali: kemm il-proposta tipprevedi attivitajiet relatati mal-iżvilupp ta’ ħiliet diġitali (eż. antiċipazzjoni tal-ħiliet, kurrikuli innovattivi u metodoloġiji tat-tagħlim, gwida, eċċ.) relatati mal-iżvilupp tal-ħiliet diġitali;
• Ħiliet ekoloġiċi: kemm il-proposta tipprevedi attivitajiet (eż. antiċipazzjoni tal-ħiliet, kurrikuli innovattivi u metodoloġiji tat-tagħlim, gwida, eċċ.) marbuta mat-tranżizzjoni għal ekonomija ċirkolari u ekoloġika;
• Dimensjoni soċjali: il-proposta tinkludi tħassib orizzontali fid-diversi azzjonijiet biex tiġi indirizzata d-diversità u jiġu promossi l-valuri komuni, l-ugwaljanza, inkluża l-ugwaljanza bejn il-ġeneri, u n-nondiskriminazzjoni u l-inklużjoni soċjali, inkluż għal persuni bi bżonnijiet speċjali/b’inqas opportunitajiet.

Kwalità tat-tfassil u l-implimentazzjoni tal-proġett (punteġġ massimu ta’ 25 punt)

• Koerenza: it-tfassil kumplessiv tal-proġett jiżgura konsistenza bejn l-objettivi tal-proġett u l-attivitajiet. Il-proposta tippreżenta sett koerenti u komprensiv ta’ attivitajiet u servizzi xierqa biex tissodisfa l-ħtiġijiet identifikati u twassal għar-riżultati mistennija;
• Attivitajiet: Il-ħidma li għandha titwettaq taħt kull waħda mill-attivitajiet magħżula mit-tliet raggruppamenti hija deskritta b’mod ċar f’termini tal-eżiti/tar-riżultati tanġibbli mistennija tagħhom, tal-kontribut konkret tagħhom għall-pakketti ta’ ħidma rilevanti u għall-objettivi ġenerali tal-proġett;
• Metodoloġija: il-kwalità u l-fattibbiltà tal-metodoloġija proposta u l-adegwatezza tagħha għall-produzzjoni tar-riżultati mistennija;
• Ġestjoni: il-koordinatur juri ġestjoni ta’ kwalità għolja, il-kapaċità li jikkoordina n-networks tranżnazzjonali u tmexxija f’ambjent kumpless, u jistabbilixxi arranġamenti sodi ta’ ġestjoni. L-iskedi ta’ żmien, l-organizzazzjoni, il-kompiti u r-responsabbiltajiet huma ddefiniti sew u realistiċi.  Jiġi ddefinit sett ċar ta’ Indikaturi Ewlenin tal-Prestazzjoni, u skeda ta’ żmien għall-valutazzjoni u l-kisba tagħhom;
• Baġit: il-baġit jipprevedi r-riżorsi meħtieġa għas-suċċess, la huwa sopravalutat u lanqas sottovalutat; il-proposta hija kosteffettiva u talloka riżorsi xierqa għal kull attività;
• Pjan ta’ ħidma: il-kwalità u l-effettività tal-pjan ta’ ħidma, inkluż sa fejn ir-riżorsi assenjati għall-pakketti ta’ ħidma huma konformi mal-objettivi u r-riżultati tanġibbli tagħhom; inkluż sa fejn ir-riżorsi assenjati għall-pakketti ta’ ħidma huma konformi mal-objettivi u r-riżultati tanġibbli tagħhom;
• Kontroll tal-kwalità: il-miżuri ta’ kontroll (l-evalwazzjoni kontinwa tal-kwalità, ir-rieżamijiet bejn il-pari, l-attivitajiet ta’ valutazzjoni komparattiva, eċċ.) u l-indikaturi tal-kwalità jiżguraw li l-implimentazzjoni tal-proġett hija ta’ kwalità għolja. L-isfidi/ir-riskji tal-proġett huma identifikati b’mod ċar u l-azzjonijiet ta’ mitigazzjoni huma indirizzati kif suppost. Il-proċessi tar-rieżami espert huma ppjanati bħala parti integrali tal-proġett. Dawn il-proċessi jinkludu valutazzjoni esterna indipendenti f’nofs it-terminu u fl-aħħar tal-proġett;
• Jekk il-proġett jinkludi attivitajiet ta’ mobbiltà (għall-istudenti u/jew għall-persunal):
  • Il-kwalità tal-arranġamenti prattiċi, il-ġestjoni u l-modalitajiet ta’ appoġġ;
  • Kemm dawn l-attivitajiet huma xierqa għall-miri tal-proġett u jinvolvu n-numru xieraq ta’ parteċipanti;
  • Il-kwalità tal-arranġamenti għar-rikonoxximent u l-validazzjoni tal-eżiti tal-apprendiment tal-parteċipanti, b’konformità mal-għodod u l-prinċipji Ewropej ta’ trasparenza u ta’ rikonoxximent.

Kwalità tas-sħubija u tal-arranġamenti ta’ kooperazzjoni (punteġġ massimu ta’ 20 punt)

• Konfigurazzjoni: il-proġett jinvolvi taħlita xierqa ta’ organizzazzjonijiet parteċipanti komplementari bil-profil, il-kompetenzi, l-esperjenza u l-għarfien espert meħtieġ biex jitlestew b’suċċess l-aspetti kollha tal-proġett; ir-rwol ta’ kull sieħeb huwa identifikat b’mod ċar, u l-valur miżjud tiegħu spjegat;
• Konverġenza ’l fuq: kemm is-sħubija tlaqqa’ flimkien organizzazzjonijiet attivi fil-qasam tal-edukazzjoni u t-taħriġ vokazzjonali, jew fid-dinja tax-xogħol, li jinsabu fi stadji differenti tal-iżvilupp ta’ approċċi ta’ eċċellenza vokazzjonali, u tippermetti skambju bla xkiel u effettiv ta’ għarfien espert u għarfien fost dawk is-sħab;
• Dimensjoni ġeografika: kemm is-sħubija tinkludi sħab rilevanti minn reġjuni ġeografiċi differenti, kif ukoll sa fejn l-applikant ikun immotiva l-kompożizzjoni ġeografika tas-sħubija u wera r-rilevanza tiegħu għall-kisba tal-objettivi tal-CoVEs; kif ukoll kemm is-sħubija tinkludi firxa wiesgħa u xierqa ta’ atturi rilevanti fil-livell lokali u reġjonali, inklużi l-awtoritajiet pubbliċi sa fejn ikun possibbli;
• Involviment ta’ pajjiżi terzi mhux assoċjati mal-Programm: jekk ikun applikabbli, l-involviment ta’ organizzazzjonijiet parteċipanti minn pajjiżi terzi mhux assoċjati mal-Programm iġib valur miżjud essenzjali għall-proġett;
• Kollaborazzjoni: it-teħid ta’ deċiżjonijiet u l-komunikazzjoni bejn l-organizzazzjonijiet parteċipanti, il-parteċipanti u kwalunkwe parti interessata rilevanti oħra huma deskritti b’mod ċar u raġonevoli fid-dettall (bħal: in-numru u l-ħin tal-laqgħat, il-konfigurazzjoni tal-gruppi, id-deskrizzjoni tal-għanijiet u l-kisbiet mistennija, eċċ.) u murija fiċ-ċart/kalendarju Gantt tal-proġett.

Impatt (punteġġ massimu ta’ 20 punt)

• Sfruttament: il-proposta turi kif l-eżiti tal-proġett se jintużaw mis-sħab u minn partijiet ikkonċernati oħrajn. Tipprovdi mezzi biex jitkejjel l-isfruttament matul il-ħajja tal-proġett u wara;
• il-proposta tipprovdi pjan ċar għat-tixrid tar-riżultati, u tinkludi miri xierqa, attivitajiet, twaqqit rilevanti, għodod u mezzi biex jiġi żgurat li r-riżultati u l-benefiċċji jitqassmu b’mod effettiv lill-partijiet ikkonċernati, dawk li jfasslu l-politika, lill-professjonisti ta’ gwida, lill-intrapriżi, lill-istudenti żgħażagħ, eċċ. matul u wara l-ħajja tal-proġett;
• Impatt: il-proposta turi l-impatt potenzjali tal-proġett:
  • Fuq il-parteċipanti u l-organizzazzjonijiet parteċipanti matul u wara l-ħajja tal-proġett;
  • Barra mill-organizzazzjonijiet u mill-individwi li jipparteċipaw direttament fil-proġett, kif ukoll il-potenzjal tiegħu għall-integrazzjoni fl-iżvilupp tal-ħiliet tal-VET reġjonali, nazzjonali u/jew Ewropew.
• Il-proposta tinkludi miżuri kif ukoll miri u indikaturi ddefiniti b’mod ċar biex timmonitorja l-progress u tivvaluta l-impatt mistenni (fuq perjodu qasir u twil);
• Sostenibbiltà: il-proposta tispjega kif il-CoVE se tiġi żviluppata aktar; il-proposta tinkludi pjan ta’ azzjoni fit-tul għall-introduzzjoni progressiva ta’ riżultati tanġibbli tal-proġetti u sħubijiet sostnuti bejn il-fornituri tal-edukazzjoni u t-taħriġ u l-partijiet ikkonċernati ewlenin tal-industrija fil-livell xieraq;  il-pjan stabbilit jinkludi l-identifikazzjoni ta’ strutturi ta’ governanza xierqa, kif ukoll pjanijiet għall-iskalabbiltà u s-sostenibbiltà finanzjarja, inkluża l-identifikazzjoni ta’ riżorsi finanzjarji (Ewropej, nazzjonali u privati) biex jiġi żgurat li r-riżultati u l-benefiċċji miksuba jkollhom sostenibbiltà fit-tul.

Sabiex jitqiesu għall-finanzjament, l-applikazzjonijiet iridu jġibu tal-inqas 75 punt (minn total ta’ 100 punt), filwaqt li jitqies ukoll il-punteġġ minimu meħtieġ għal kull wieħed mill-erba’ kriterji għall-għoti: minimu ta’ 18-il punt għall-kategorija “Rilevanza tal-proġett”; minimu ta’ 13-il punt għall-“Kwalità tat-tfassil u l-implimentazzjoni tal-proġett” u 11-il punt għall-kategoriji ta’ “Kwalità tas-sħubija u tal-arranġamenti ta’ kooperazzjoni” u “impatt”. 

Il-proposti ex aequo se jiġu stabbiliti skont il-punteġġi li ngħataw għall-kriterju tal-għoti “Rilevanza”. Meta dawn il-punteġġi jkunu ugwali, il-prijorità se tkun ibbażata fuq il-punteġġi tagħhom għall-kriterju “Kwalità tat-tfassil u l-implimentazzjoni tal-proġett”. Meta dawn il-punteġġi jkunu ugwali, il-prijorità tkun ibbażata fuq il-punteġġi tagħhom għall-kriterju “Impatt”.

Jekk dan ma jippermettix li tiġi ddeterminata l-prijorità, tista’ ssir prijoritizzazzjoni ulterjuri billi jitqies il-portafoll tal-proġett ġenerali u l-ħolqien ta’ sinerġiji pożittivi bejn il-proġetti, jew fatturi oħrajn relatati mal-objettivi tas-sejħa. Dawn il-fatturi se jiġu ddokumentati fir-rapport tal-bord. 

Fil-limiti tal-oqfsa legali nazzjonali u Ewropej eżistenti, ir-riżultati għandhom ikunu disponibbli bħala riżorsi edukattivi miftuħa (OER) kif ukoll fuq pjattaformi rilevanti, professjonali, settorjali jew tal-awtoritajiet kompetenti. Il-proposta se tiddeskrivi kif id-data, il-materjali, id-dokumenti u l-attività tal-media awdjoviżiva u soċjali prodotti se jkunu disponibbli bla ħlas u kif se jiġu promossi permezz ta’ liċenzji miftuħa, u ma tinkludix limitazzjonijiet sproporzjonati.

Siġill ta’ Eċċellenza

Il-proposti tal-proġetti evalwati ’l fuq mil-limiti tal-kwalità, b’punteġġ totali ta’ 75 jew ogħla, iżda li ma jistgħux jiġu ffinanzjati taħt Erasmus+ minħabba n-nuqqas ta’ baġit disponibbli taħt din is-sejħa għal proposti, jistgħu jingħataw ċertifikat tas-Siġill ta’ Eċċellenza bħala xhieda tal-kwalità tal-proposti u sabiex jiġi ffaċilitat il-finanzjament alternattiv tagħhom fil-livell nazzjonali jew reġjonali. 

Is-Siġill ta’ Eċċellenza huwa ċertifikat ta’ tikketta ta’ kwalità mogħti lil proposti ta’ proġetti ta’ kwalità li ma jistgħux jiġu ffinanzjati fil-qafas tal-Erasmus+ minħabba fondi insuffiċjenti⁷³ . It-tikketta tirrikonoxxi l-kwalità tal-proposta u tiffaċilita t-tfittxija għal finanzjament alternattiv. Il-korpi ta’ finanzjament fil-livell nazzjonali jew reġjonali jistgħu jiddeċiedu li jiffinanzjaw direttament il-proposta tal-proġett tad-detentur tas-Siġill abbażi tal-proċess ta’ evalwazzjoni ta’ kwalità għolja mwettaq mill-esperti indipendenti tal-Kummissjoni, mingħajr ma jwettqu proċess ta’ evalwazzjoni sħiħ ġdid. L-għoti tas-Siġill ta’ Eċċellenza jista’ jiffaċilita wkoll il-finanzjament alternattiv mill-Fond Ewropew għall-Iżvilupp Reġjonali (FEŻR) jew mill-Fond Soċjali Ewropew Plus (FSE+),⁷⁴ . 

L-applikanti għandhom jiġu mgħarrfin li l-għoti ta’ ċertifikat tas-Siġill ta’ Eċċellenza ma jipprovdix garanzija għal finanzjament alternattiv awtomatiku, peress li d-deċiżjoni li potenzjalment jiġu ffinanzjati l-proposti tal-proġetti tad-detenturi tas-Siġill hija kompletament diskrezzjonali għall-Awtoritajiet ta’ Ġestjoni tal-fondi tal-Politika ta’ koeżjoni, skont il-FEŻR jew il-FSE+, jew korpi oħrajn ta’ finanzjament fil-livell nazzjonali u reġjonali.  

Jekk l-applikant jipprovdi awtorizzazzjoni minn qabel fil-formola tal-applikazzjoni, id-data tal-proposta tal-proġett tad-detenturi tas-Siġill tista’ tiġi kondiviża mal-Awtoritajiet ta’ Ġestjoni tal-fondi tal-Politika ta’ koeżjoni u ma’ korpi oħrajn ta’ finanzjament potenzjalment interessati fil-livell nazzjonali jew reġjonali permezz tal-Aġenziji Nazzjonali, b’rispett sħiħ tar-regoli li jirregolaw il-kunfidenzjalità tal-proposta u l-protezzjoni tad-data personali. 

Din l-azzjoni ssegwi mudell ta’ finanzjament ta’ somma f’daqqa. L-ammont tal-kontribuzzjoni ta’ somma unika f’daqqa se jiġi ddeterminat għal kull għotja abbażi tal-baġit stmat tal-azzjoni proposta mill-applikant. L-ammont se jiġi stabbilit mill-awtorità tal-għoti abbażi tal-baġit stmat tal-proġett, ir-riżultat tal-evalwazzjoni u rata ta’ finanzjament ta’ 80 %.

Appoġġ finanzjarju lil partijiet terzi fil-forma ta’ għotjiet jew premjijiet ma huwiex permess.

Il-kostijiet għall-verifiki finanzjarji mhumiex permessi.

Il-kostijiet tal-voluntiera huma permessi. Dawn għandhom jieħdu l-forma ta’ kostijiet unitarji kif iddefiniti fid-Deċiżjoni tal-Kummissjoni dwar il-kostijiet unitarji għall-voluntiera⁷⁵  

Il-kostijiet unitarji tal-SMEs għas-sidien tal-SMEs huma permessi. Dawn għandhom jieħdu l-forma ta’ kostijiet unitarji kif iddefiniti fid-Deċiżjoni tal-Kummissjoni dwar il-kostijiet unitarji għas-sidien tal-SMEs.⁷⁶

Il-pakkett ta’ ħidma rilevanti għandu jinkludi l-kostijiet għal mill-inqas laqgħa annwali waħda (rappreżentant wieħed minn kull sieħeb sħiħ tal-proġett) organizzata jew rakkomandata mill-Kummissjoni Ewropea/l-Aġenzija Eżekuttiva Ewropea għall-Edukazzjoni u għall-Kultura għall-iskambju ta’ prattiki tajbin u għall-apprendiment reċiproku bejn iċ-Ċentri ta’ Eċċellenza Vokazzjonali.

L-applikanti jeħtiġilhom jimlew tabella tal-baġit dettaljata skont il-formola tal-applikazzjoni, filwaqt li jqisu l-punti li ġejjin: 

1. Il-baġit għandu jkun dettaljat kif meħtieġ mill-benefiċjarju/i u organizzat f’pakketti ta’ ħidma koerenti (pereżempju maqsum f’“ġestjoni tal-proġetti”, “taħriġ”, “organizzazzjoni tal-avvenimenti”, “preparazzjoni u implimentazzjoni tal-mobbiltà”, “komunikazzjoni u tixrid”, “assigurazzjoni tal-kwalità”, eċċ.);
2. Il-proposta trid tiddeskrivi l-attivitajiet koperti minn kull pakkett ta’ ħidma;
3. Fil-proposta tagħhom, l-applikanti jeħtiġilhom jipprovdu tqassim tal-kostijiet stmati li juru s-sehem għal kull pakkett ta’ ħidma (u, fi ħdan kull pakkett ta’ ħidma, is-sehem assenjat lil kull benefiċjarju u entità affiljata);
4. Il-kostijiet deskritti jistgħu jkopru l-kostijiet tal-persunal, il-kostijiet tal-ivvjaġġar u tas-sussistenza, il-kostijiet tat-tagħmir u tas-subkuntrattar kif ukoll kostijiet oħrajn (bħat-tixrid tal-informazzjoni, il-pubblikazzjoni jew it-traduzzjoni).

Il-proposti se jiġu evalwati skont il-proċeduri ta’ evalwazzjoni standard bl-għajnuna tal-esperti interni u/jew esterni. L-esperti se jivvalutaw il-kwalità tal-proposti skont ir-rekwiżiti definiti fis-sejħa u l-impatt, mistenni, il-kwalità u l-effiċjenza tal-azzjoni.

Wara l-evalwazzjoni tal-proposta, l-uffiċjal tal-awtorizzazzjoni se jistabbilixxi l-ammont tas-somma f’daqqa, filwaqt li jqis is-sejbiet tal-valutazzjoni mwettqa. 

Il-parametri tal-għotja (l-ammont massimu tal-għotja, ir-rata ta’ finanzjament, il-kostijiet totali eliġibbli, eċċ.) se jiġu stabbiliti fil-Ftehim ta’ Għotja. Jekk jogħġbok irreferi għall-Parti C ta’ din il-Gwida tal-Programm, it-taqsima “Kostijiet diretti eliġibbli”. 

Il-kisbiet tal-proġett se jiġu evalwati fuq l-eżiti mwettqa. Din l-iskema ta’ finanzjament se tippermetti li ssir enfasi fuq l-outputs aktar milli fuq l-inputs, u b’hekk titqiegħed enfasi fuq il-kwalità u l-livell tal-kisba ta’ objettivi li jistgħu jitkejlu.

Aktar dettalji huma deskritti fil-mudell tal-Ftehim ta’ Għotja disponibbli fil-Portal għall-Finanzjament u għall-Offerti tal-UE.

Footnote

1. https://eur-lex.europa.eu/legal-content/MT/TXT/?uri=CELEX%3A32020H1202%2801%29 ↩ back
2. https://www.cedefop.europa.eu/files/osnabrueck_declaration_eu2020.pdf ↩ back
3. Ara l-fuljett dwar  il-ħiliet tal-VET  g ħal-lum u għall-futur ↩ back
4. https://commission.europa.eu / publications/communication-skills-and-talent-mobility_mt ↩ back
5. https://eur-lex.europa.eu/legal-content/MT/TXT/?uri=C E LEX:32018H0502(01) ↩ back
6. L-ekosistemi tal-ħiliet  huma ddefiniti bħala formazzjonijiet reġjonali jew settorjali soċjali li fihom il-kapaċità umana hija żviluppata u użata għal skopijiet produttivi (Finegold 1999). L-elementi bażiċi tagħhom huma l-ambjenti tan-negozju u l-mudelli tan-negozju assoċjati, l-oqfsa istituzzjonali/ta’ politika, il-modi ta’ kif jiġu involuti l-ħaddiema, l-istruttura tal-impjiegi, kif ukoll il-livell ta’ ħiliet u sistemi għall-formazzjoni tagħhom ( Buchanan et al. 2001 ).  Ara  A guide to the skill ecosystem approach to workforce development ↩ back
7. Il-Politika tal-Iżvilupp Reġjonali  —  L-iżvilupp reġjonali  huwa terminu wiesa’ iżda dan jista’ jitqies bħala sforz ġenerali biex jitnaqqsu d-disparitajiet reġjonali billi jiġu appoġġati l-attivitajiet ekonomiċi (tal-impjiegi u tal-ġenerazzjoni tal-ġid) fir-reġjuni. ↩ back
8. Innovazzjoni  hija l-implimentazzjoni ta’ prodott (oġġett jew servizz) ġdid jew imtejjeb b’mod sinifikanti, jew proċess, metodu ġdid ta’ kummerċjalizzazzjoni, jew metodu organizzazzjonali ġdid fil-prattiki tan-negozju, fl-organizzazzjoni tal-post tax-xogħol jew fir-relazzjonijiet esterni. ↩ back
9. L-Ispeċjalizzazzjoni Intelliġenti  hija approċċ ibbażat fuq il-post ikkaratterizzat mill-identifikazzjoni ta’ oqsma strateġiċi għal intervent ibbażat kemm fuq l-analiżi tal-punti b’saħħithom u fuq il-potenzjal tal-ekonomija kif ukoll fuq Proċess ta’ Skoperta Intraprenditorjali b’involviment wiesa’ tal-partijiet ikkonċernati. Din tħares ’il barra u tħaddan viżjoni wiesgħa tal-innovazzjoni. ↩ back
10. Ir- raggruppamenti  industrijali huma gruppi ta’ intrapriżi speċjalizzati, spiss SMEs, u atturi ta’ appoġġ relatati oħrajn li jikkooperaw mill-qrib f’post speċifiku. Hemm madwar 3,000 raggruppament speċjalizzat fl-Ewropa. Il-politika industrijali mġedda tal-UE tirrikonoxxi r-raggruppamenti bħala għodda b’saħħitha biex tappoġġa l-innovazzjoni industrijali. Ara l- Pjattaforma Ewropea għall-Kollaborazzjoni bejn ir-Raggruppamenti  (ECCP). ↩ back
11. Ara Education in the knowledge triangle ↩ back
12. Kif iddefiniti fir- Rakkomandazzjoni tal-Kunsill tat-22 ta’ Mejju 2018 dwar il-kompetenzi ewlenin  għall-apprendiment tul il-ħajja ↩ back
13. Ara l-ħidma tal-ETF dwar  Public-Private Partnerships for inclusive skills development ↩ back
14. Ara pereżempju s- Sħubija Ewropea għall-Innovazzjoni agrikola (EIP-AGRI)  li taħdem sabiex trawwem biedja u forestrija kompetittivi u sostenibbli. ↩ back
15. Ara l-14-il ekosistema industrijali kif deskritti fil- Komunikazzjoni tal-Kummissjoni dwar l-Aġġornament tal-Istrateġija Industrijali l-Ġdida tal-2020 , kif ukoll l-SWD(2021) 351,  Rapport Annwali dwar is-Suq Uniku għall-2021 ↩ back
16. Ara d-Dikjarazzjoni ta’ Berlin dwar l- Edukazzjoni għall-SDG ↩ back
17. https://new-european-bauhaus.europa.eu/index_mt ↩ back
18. Bħall-QEK, l-EQAVET, ir-Rakkomandazzjoni tal-Kunsill dwar Qafas Ewropew għall-Apprendistati ta’ Kwalità Effettivi, ir-Rakkomandazzjoni tal-Kunsill dwar il-kompetenzi ewlenin, eċċ. ↩ back
19. httpsb’//ec.europa.eu/social/BlobServlet?docId=25692&langId=en ;  https://ec.europa.eu/social/BlobServlet?docId=25693&langId=en ;  https://ec.europa.eu/social/BlobServlet?docId=26252&langId=en ; https://ec.europa.eu/social/BlobServlet?docId=26951&langId=en ↩ back
20. Jistgħu jkunu kkomplementati wkoll b’attivitajiet oħrajn miftiehma bejn is-sħab. ↩ back
21. Ara l-ħidma tas-Cedefop dwar il- Ħiliet għas-suq tax-xogħol , u t- Tqabbil tal-ħiliet ↩ back
22. https://ec.europa.eu/social/main.jsp?catId=1415&langId=mt ↩ back
23. Kif iddefiniti fir- Rakkomandazzjoni tal-Kunsill tat-22 ta’ Mejju 2018 dwar il-kompetenzi ewlenin għall-apprendiment tul il-ħajja ↩ back
24. Ara l-pubblikazzjonijiet tas-Cedefop dwar “ Digital, greener and more resilient ” u dwar “ The green employment and skills transformation ” kif ukoll l- ESCO   taxonomy of skills for the green transition . ↩ back
25. Gwida tal-ILO dwar kif   it-TVET u l-iżvilupp tal-ħiliet ikunu inklużivi għal kulħadd ↩ back
26. Filwaqt li ssir elaborazzjoni fuq għodod eżistenti ta’      Informazzjoni dwar il-Ħiliet      bħal dawk ipprovduti bl- għodda OVATE  tas-Cedefop, u inizjattivi oħrajn dwar il-Ħiliet immirati lejn it-twettiq ta’ taħriġ rilevanti għas-suq tax-xogħol (eż. il- Patt għall-Ħiliet      u l-Pjanijiet ta’ Azzjoni Settorjali) ↩ back
27. Ara  Process model for the cooperation between VET and HE institutions  u l-istudju li ħiereġ tal-OECD dwar “Pathways to Professions: Understanding higher vocational and professional tertiary education systems”. ↩ back
28. Ara Michele Schweisfurtha f’ Learner-Centred Education in International Perspective ↩ back
29. Ara l- eżempju      tal-Finlandja. ↩ back
30. Inkluża l-“internazzjonalizzazzjoni d-dar”, definita bħala “integrazzjoni bi skop ta’ dimensjonijiet internazzjonali u interkulturali fil-kurrikulu formali u informali għall-istudenti kollha f’ambjenti ta’ apprendiment domestiku”.  Ara Beelen & Jones , 2015 ↩ back
31. Ara l-pubblikazzjoni tal-ETF “A handbook for policy makers and social partners” on  Work based learning ↩ back
32. Il-Profili Vokazzjonali Ewlenin Ewropej jiddeskrivu settijiet ta’ eżiti ewlenin tal-apprendiment li jikkorrispondu għal profili okkupazzjonali li huma komuni u rilevanti għall-programmi nazzjonali tal-VET madwar il-pajjiżi tal-UE f’oqsma okkupazzjonali/vokazzjonali speċifiċi. ↩ back
33. Ara l-istudju tas-Cedefop dwar  Comparing Vocational Education and Training Qualifications ↩ back
34. https://eur-lex.europa.eu/legal-content/MT/TXT/?uri=CELEX%3A32022H0627%2802%29&qid=1656349729862 ↩ back
35. Il-makerspaces huma spazji tax-xogħol kollaborattivi għat-twettiq, l-apprendiment, l-esplorazzjoni u l-kondiviżjoni (ara r-rapport tal-JRC) ↩ back
36. Ara  The state of positive education  u  IPEN International positive education network ↩ back
37. Ara d-dokument ta’ Margherita Bacigalupo dwar  Competence frameworks as orienteering tools ↩ back
38. Il- Qafas Ewropew ta’ Kompetenza Diġitali ↩ back
39. EntreComp      Il-qafas ta’ kompetenza għall-intraprenditorija ↩ back
40. Il- qafas Ewropew għall-aspetti personali, soċjali u ta’ apprendiment biex wieħed jitgħallem kompetenza ewlenija ↩ back
41. Ara  l- Qafas Ewropew ta’ Kompetenza dwar is-Sostenibbiltà , “GreenComp”, u  Greening Technical and Vocational Education and Training:  A Practical Guide for Institutions      tal-UNESCO-UNEVOC ↩ back
42. L-informazzjoni kollha dwar SELFIE għall-Apprendiment ibbażat fuq ix-Xogħol   online ↩ back
43. Ara   Ittestja l-ħiliet diġitali tiegħek  | Europass ↩ back
44. L-EDSC hija azzjoni prevista fil- Pjan ta’ Azzjoni għall-Edukazzjoni Diġitali ↩ back
45. Ara l-eżempju tal- inizjattiva Netherlandiża dwar l-Eċċellenza tal-MBO ↩ back
46. Il-JRC studja  kif titrawwem il-kreattività fl-LLL  inkluż fil-VET ↩ back
47. Pereżempju, ara t-Tabella 3 fl-istudju tal-JRC “Creativity – a transversal skill for lifelong learning”. ↩ back
48. Ara  l- ħidma tas-Cedefop dwar l-iżvilupp professjonali tal-għalliema u tal-ħarrieġa ↩ back
49. Ara l- konklużjonijiet tal-Kunsill  dwar it-tisħiħ tal-mobbiltà tal-għalliema u tal-ħarrieġa, b’mod partikolari l-mobbiltà Ewropea, matul l-edukazzjoni u t-taħriġ inizjali u kontinwi tagħhom ↩ back
50. Ara wkoll l-inizjattiva tal-UE dwar l- Akkademji tal-Għalliema ↩ back
51. Ara  Tracking Learning and Career Paths of VET  graduates to improve quality of VET provision,  Mapping of VET graduate tracking measures , kif ukoll      Mapping the state of graduate tracking policies and practices , u r- Rakkomandazzjoni tal-Kunsill      dwar il-monitoraġġ tal-perkors tal-gradwati ↩ back
52. Ara      n-Network Euroguidance , ir- Riżoluzzjoni tal-Kunsill  dwar it-titjib tar-rwol tal-iggwidar tul il-ħajja fl-istrateġiji ta’ tagħlim tul il-ħajja, il-pubblikazzjoni dwar  l-investiment fil-gwida għall-karriera , kif ukoll il-ħidma tas-Cedefop dwar  il-Gwida Tul il-Ħajja ↩ back
53. Ara x-xogħol tas-Cedefop dwar il- Validazzjoni tal-apprendiment mhux formali u informali , kif ukoll ir- Rakkomandazzjoni tal-Kunsill  dwar il-validazzjoni tal-apprendiment mhux formali u informali ↩ back
54. L-Alleanza Ewropea għall-Apprendistati - Impjiegi, Affarijiet Soċjali u Inklużjoni - Il-Kummissjoni Ewropea (europa.eu) ↩ back
55. Ara l- Patt għall-Ħiliet ↩ back
56. Jistgħu jinkludu l-istabbiliment u l-operat ta’ Alleanzi tat-Taħriġ (ara  l-mudell Awstrijak ) u ċentri ta’ Taħriġ bejn il-Kumpaniji ITCs (ara   l-mudell Ġermaniż ) .  Ara wkoll l- eżempju Netherlandiż dwar is-sħubijiet bejn in-Negozji u l-Edukazzjoni fis-settur tal-ICT ↩ back
57. Ara l-eżempju tal-Kulleġġi u tal-istituti Kanadiżi li jagħmlu użu minn      riċerka applikata biex isaħħu l-kapaċità tagħhom li jinnovaw u jisfruttaw ir-rabtiet b’saħħithom tagħhom mal-industrija u l-komunità, u l-pubblikazzjoni tal-NCVER dwar Developing VET applied research : passi lejn it-tisħiħ tar-rwol tal-VET fis-sistema tal-innovazzjoni kif ukoll   l-SMEs u t-TAFEs li jikkollaboraw permezz ta’ riċerka applikata għat-tkabbir ↩ back
58. Ara l-eżempju minn Fraunhofer dwar  it-trasferiment tal-għarfien mir-riċerka tal-istituti għal kumpaniji privati ↩ back
59. Ara l- politika ta’ valorizzazzjoni tal-UE : biex ir-riżultati tar-riċerka jaħdmu għas-soċjetà u r- Rakkomandazzjoni tal-Kummissjoni dwar Kodiċi ta’ Prattika dwar il-kokreazzjoni bejn l-industrija u d-dinja akkademika għall-valorizzazzjoni tal-għarfien ↩ back
60. Ara  GO-international – A practical guide on strategic internationalisation in VET ↩ back
61. Ara   l-Erasmus Quality Standards  - mobility projects - VET, adults, schools, and models for  Mobility and learning agreements ↩ back
62. Ara l-gwida prattika tal-UNESCO-UNEVOC  Entrepreneurial learning for TVET institutions ↩ back
63. Ara EntreComp : il-qafas ta’ kompetenza għall-intraprenditorija. Ara  JA Europe  dwar it-tħejjija tan-nies għax-xogħol u għall-intraprenditorija ↩ back
64. Ara r-rapport finali dwar  Entrepreneurship in Vocational Education and Training , l-eżempju tal- pjan ta’ azzjoni nazzjonali tal-Awstrija  għall-edukazzjoni dwar l-intraprenditorija, u  A guide for fostering entrepreneurship education ↩ back
65. Ara l-eżempju   tas-Sommer der Berufsausbildung  tal-Ġermanja ↩ back
66. Ara l-eżempju ta’  Kamp tas-Sajf , ta’  Kamp tat-Teknoloġija , u ta’  Kamp tas-Sajf għat-tfal b’diżabilità . ↩ back
67. Il-kunsiderazzjoni tal-awtonomija tal-ġestjoni pedagoġika, finanzjarja u operazzjonali, allinjata ma’ mekkaniżmi effettivi ta’ responsabbiltà. Ara wkoll GEORG SPÖTTL f’ Autonomy of (Vocational) Schools as an Answer to Structural Changes ↩ back
68. Ara l- eżempji  tal-Kanada u ta’ Singapore ↩ back
69. Ara Community of Practice Centres of Vocational Excellence (copcoves.eu) ↩ back
70. Ara l- OECD Education GPS , u l- Funding Mechanisms for Financing Vocational Training:  An Analytical Framework ↩ back
71. https://eur-lex.europa.eu/legal-content/MT/TXT/PDF/?uri=uriserv:OJ.C_.2020.417.01.0001.01.MLT ↩ back
72. https://www.cedefop.europa.eu/files/osnabrueck_declaration_eu2020.pdf ↩ back
73. L-Artikolu 32(3) tar-Regolament tal-Erasmus+ (UE) 2021/817 ↩ back
74. L-Artikolu 73(4) tar-Regolament dwar Dispożizzjonijiet Komuni (RDK) (UE) 2021/1060, EUR-Lex - 32021R1060 - MT- EUR-Lex (europa.eu) . ↩ back
75. https://ec.europa.eu/info/funding-tenders/opportunities/docs/2021-2027/common/guidance/unit-cost-decision-volunteers_en.pdf ↩ back
76. unit-cost-decision-sme-owners-natural-persons_en.pdf (europa.eu) ↩ back