Tá cur chun feidhme cur chuige maidir le barr feabhais gairme lárnach i gclár oibre foriomlán beartais an Aontais le haghaidh scileanna agus Gairmoideachais agus Gairmoiliúna (VET). Maidir leis an gClár Oibre Eorpach do Scileanna Nua, an Limistéar Eorpach Oideachais, an Moladh ón gComhairle, 2020, maidir le Gairmoideachas agus Gairmoiliúint¹ , chomh maith le Dearbhú Osnabrück² , tá tagairtí soiléire iontu ar fad don Bharr Feabhais Gairme mar spreagadh d’athchóirithe in earnáil an ghairmoideachais agus na gairmoiliúna. 

Is é is aidhm don tionscnamh maidir le hIonaid Barr Feabhais Gairme freagairt don tosaíocht beartais seo a thacaíonn le hathchóirithe in earnáil an ghairmoideachais agus na gairmoiliúna, lena gcinnteofar scileanna agus inniúlachtaí ardcháilíochta as a dtagann fostaíocht ardcháilíochta agus deiseanna ar feadh na gairme lena gcomhlíontar riachtanais geilleagair nuálaigh, chuimsithigh agus inbhuanaithe³ . Le tionscnamh an Ionaid Barr Feabhais Gairme, tacaítear freisin leis an gComhaontú Glas don Eoraip, leis an Straitéis Dhigiteach nua, leis an Teachtaireacht maidir le Scileanna agus Tallanna a mhealladh, agus leis an Straitéis Thionsclaíoch nua agus an leis an Straitéis FBM nua a cur chun feidhme, toisc go bhfuil scileanna ríthábhachtach chun go n‑éireoidh leo,mar aon leis an Teachtaireacht maidir le soghluaisteacht scileanna agus tallainne a glacadh in 2023⁴ ,an Plean Gníomhaíochta maidir le ganntanas saothair agus ganntanas scileanna, agus an Moladh ón gComhairle ‘An Eoraip ag</span> Bogadh’⁵ . 

Oibríonn ionaid barr feabhais gairme i gcomhthéacs áitiúil áirithe, ag cruthú éiceachórais scileanna don nuálaíocht, don fhorbairt réigiúnach agus don chuimsiú sóisialta, agus iad ag obair le hionaid barr feabhais gairme i dtíortha eile trí líonraí comhoibríocha idirnáisiúnta. Bunaítear leo cur chuige ón mbun aníos i leith barr feabhais gairme ina bhfuil raon leathan páirtithe leasmhara áitiúla rannpháirteach ag cur ar chumas institiúidí gairmoideachais agus gairmoiliúna an soláthar scileanna a chur in oiriúint go gasta chun freastal ar riachtanais eacnamaíocha agus shóisialta athraitheacha. 

Soláthraíonn siad deiseanna le haghaidh oiliúint tosaigh a chur ar dhaoine óga chomh maith le leanúint le huas‑sciliú agus athsciliú daoine fásta, trí oiliúint atá solúbtha agus tráthúil a chur ar fáil lena bhfreastalaítear ar riachtanais margaidh soláthair atá dinimiciúil, i gcomhthéacs na n‑aistrithe glasa agus digiteacha chomh maith. Gníomhaíonn siad mar spreagthóirí d’fhorbairt agus do nuálaíocht ghnó áitiúil, trí obair dhlúth a dhéanamh le cuideachtaí (FBManna go háirithe) ar thionscadail taighde fheidhmigh, ag cruthú mol eolais agus nuálaíochta, chomh maith le tacaíocht a thabhairt do thionscnaimh fiontraíochta a bhfoghlaimeoirí.

Tá ná líonraí ag díriú ar ‘cóineasú aníos’ maidir le barr feabhais an ghairmoideachais agus na gairmoiliúna. Féadfaidh tíortha ag a bhfuil córais barr feabhais gairme dea‑fhorbartha páirt a ghlacadh iontu, chomh maith leis na tíortha sin ina bhfuil cineálacha chuige comhchosúla á bhforbairt faoi láthair, arb é is aidhm dóibh fiosrú a dhéanamh ar lánacmhainneacht institiúidí gairmoideachais agus gairmoiliúna chun ról réamhghníomhach a ghlacadh chun tacú leis an bhfás agus leis an nuálaíocht.

Cuireann an tionscnamh sin éirim Eorpach leis an mbarr feabhais gairme trí thacaíocht a thabhairt do chur chun feidhme bheartais agus ghníomhaíochtaí an Aontais maidir le gairmoideachas agus gairmoiliúint, ar beartais agus gníomhaíochtaí iad a chomhaontaítear le Ballstáit, comhpháirtithe sóisialta agus soláthraithe gairmoideachais agus gairmoiliúna.

Saintréith de choincheap an bharr feabhais gairme atá beartaithe anseo is ea cur chuige iomlánaíoch dírithe ar an bhfoghlaimeoir ina bhfuil an gairmoideachas agus an ghairmoiliúint: 

• Ina gcuid chomhtháite d’<strong>éiceachórais</strong> <strong>scileanna</strong>⁶ , ina gcuireann siad leis an bhforbairt réigiúnach⁷ , nuálaíocht⁸ , speisialú cliste⁹ agus straitéisí braislí¹⁰ , chomh maith le slabhraí luacha sonracha agus éiceachórais thionsclaíocha;
• ina gcuid de <strong>thriantáin an</strong> <strong>eolais</strong>¹¹ , ag obair go dlúth le hearnálacha oideachais agus oiliúna eile, le pobal na heolaíochta, agus le gnólachtaí;
• ag cur ar chumas foghlaimeoirí inniúlachtaí gairme (post‑sonrach) chomh maith le  <strong>príomhinniúlachtaí</strong>¹² a shealbhú trí sholáthar ardcháilíochta a bhfuil dearbhú ardcháilíochta mar bhonn taca faoi;
• ag cruthú <strong>cineálacha nuálacha</strong> <strong>comhpháirtíochtaí</strong>¹³ le saol na hoibre, agus a dtacóidh forbairt ghairmiúil leanúnach na mball foirne teagaisc agus oiliúna, oideolaíochtaí nuálacha, agus straitéisí soghluaisteachta foghlaimeoirí agus ball foirne agus idirnáisiúnaithe gairmoideachais agus gairmoiliúna leis.

Leis an ngníomhaíocht seo, tacaítear le líonraí idirnáisiúnta comhair d’Ionaid Barr Feabhais Gairme a bhunú agus a fhorbairt de réir a chéile. Tá sé d’aidhm ag na hIonaid Barr Feabhais Gairme na cuspóirí seo a leanas a bhaint amach:

• scileanna ardcháilíochta a chinntiú trí sholáthairtí gairmoideachais agus gairmoiliúna atá solúbtha agus dírithe ar an bhfoghlaimeoir as a dtagann fostaíocht ardcháilíochta agus deiseanna ar feadh na gairme, lena bhfreagrófar go tapa do riachtanais geilleagair atá nuálach, cuimsitheach inbhuanaithe, agus do riachtanais na sochaí chomh maith;
• tacú leis an bhforbairt áitiúil agus réigiúnach, leis an nuálaíocht agus leis an gcuimsiú sóisialta agus gníomhú mar spreagadh do na nithe sin i gcomhthéacs an aistrithe ghlais agus an aistrithe dhigitigh;
• rannchuidiú leis an gcóineasú aníos maidir le barr feabhais an ghairmoideachais agus na gairmoiliúna, chun cáilíocht an ghairmoideachais agus na gairmoiliúna a mhéadú ar leibhéal an chórais i níos mó agus níos mó tíortha;
• cinntiú go gcuirfear aschuir agus torthaí in úsáid agus go mbeidh tionchar acu lasmuigh d’eagraíochtaí comhpháirtíochta an tionscadail agus tar éis thréimhse an tionscadail.

Feidhmíonn Ionaid Barr Feabhais Gairme ar dhá leibhéal:

1. Ar an leibhéal náisiúnta agus réimse leathan páirtithe leasmhara áitiúla rannpháirteach, ag cruthú éiceachórais scileanna don nuálaíocht áitiúil, don fhorbairt réigiúnach agus don chuimsiú sóisialta, agus ag obair le hionaid barr feabhais gairme i dtíortha eile trí líonraí comhoibríocha idirnáisiúnta.
2. Ar an leibhéal idirnáisiúnta ag tabhairt ionaid barr feabhais gairme le chéile, ionaid ag a bhfuil leas coiteann sna nithe a leanas:

• earnálacha sonracha¹⁴ nó éiceachórais thionsclaíocha¹⁵ ;
• cineálacha cur chuige nuálacha chun dul i ngleic le dúshláin eacnamaíocha agus shochaíocha (mar shampla, an t‑athrú aeráide, digiteáil, intleacht shaorga, spriocanna forbartha inbhuanaithe¹⁶ , lánpháirtiú imirceach agus grúpaí faoi mhíbhuntáiste, uas‑sciliú daoine a bhfuil leibhéal íseal cáilíochtaí acu, srl.); nó
• cur chuige nuálach chun for‑rochtain, cáilíocht agus éifeachtacht ionad barr feabhais gairme a mhéadú.

Tabharfaidh na líonraí ionaid barr feabhais gairme atá ann cheana le chéile, nó forbróidh siad samhail an Bharr Feabhais Gairme trí chomhpháirtithe ó thíortha éagsúla a nascadh, ar comhpháirtithe iad a bhfuil sé beartaithe acu an Barr Feabhais Gairme a fhorbairt ina gcomhthéacsanna áitiúla le comhar idirnáisiúnta. D’fhéadfaidís cur leis an gcéim soláthair den tionscnamh Bauhaus Eorpach Nua¹⁷ mar shampla trí obair a dhéanamh i gcomhar leis na pobail atá páirteach sna claochluithe áitiúla a chothaítear leis an tionscnamh.

Baineann ionaid barr feabhais gairme a gcuspóirí amach trí chomhpháirtithe áitiúla/réigiúnacha a thabhairt le chéile agus obair a dhéanamh go dlúth leo, cuir i gcás soláthraithe gairmoideachais agus gairmoiliúna tosaigh agus leanúnaí, institiúidí ardoideachais lena n‑áirítear ollscoileanna eolaíochtaí feidhmiúla agus polaiteicnicí, institiúidí taighde, páirceanna eolaíochta, gníomhaireachtaí nuálaíochta, cuideachtaí, fostóirí eile, comhlachais agus na cumainn a ghabhann leo, comhpháirtithe sóisialta, fiontair shóisialta, comhairlí um scileanna earnála, comhlachais ghairmiúla/earnála, údaráis náisiúnta agus réigiúnacha agus gníomhaireachtaí forbartha, seirbhísí fostaíochta, údaráis cáilíochtaí, eagraíochtaí cuimsithe sóisialta agus athimeasctha, srl.

Leis an nglao seo, tacófar le tionscadail a thugann le chéile comhpháirtithe áitiúla nó réigiúnacha ó thíortha éagsúla a fhorbraíonn tacar gníomhaíochtaí faoi thrí bhraisle; 1) Teagasc agus foghlaim, 2) Comhar agus comhpháirtíochtaí, agus 3) Rialachas agus maoiniú.

Éilítear ar ionaid barr feabhais gairme ionstraimí agus uirlisí ar fud an Aontais¹⁸ a chur i bhfeidhm aon uair is ábhartha.

Ní mór dóibh plean gníomhaíochta fhadtéarmaigh a chuimsiú le haghaidh rolladh amach céimneach tháirgí insoláthartha an tionscadail nuair a bheidh deireadh tagtha leis an tionscadal. Beidh an plean sin bunaithe ar chomhpháirtíochtaí leanúnacha idir soláthraithe oideachais agus oiliúna agus príomh-ghníomhaithe sa mhargadh saothair ar an leibhéal iomchuí. Ba cheart a áireamh ann sainaithint struchtúr rialachais iomchuí, mar aon le pleananna le haghaidh inscálaitheachta agus inbhuanaitheacht airgeadais. 

Cé gurb amhlaidh a chuirtear éirim Eorpach chun cinn i leith Barr Feabhais Gairmoideachais agus Gairmoiliúna le tionscnamh Erasmus+ i leith Ionad Barr Feabhais Gairme, baineann éirim idirnáisiúnta le beartas an Aontais maidir le Barr Feabhais Gairmoideachais agus Gairmoiliúna freisin, rud lena dtacaíonn an Foras Eorpach Oiliúna (ETF). D’fhorbair ETF uirlis féinmheasúnaithe (ISATCOVE), ar coincheap le haghaidh lipéad barr feabhais atá inti, agus tá seirbhísí tacaíochta á soláthar ag an bhForas d’eagraíochtaí a bhfuil suim acu i mbarr feabhais gairme. 

Chun an liosta d’ionaid barr feabhais gairme a maoiníodh cheana féin a fheiceáil, seiceáil Tairseach an Aontais um Dheiseanna Cistiúcháin & Tairisceana. Tá bileoga fíricí maidir leis na tionscadail maoinithe ar fáil freisin ar shuíomh gréasáin AS um Fhostaíocht, um Ghnóthaí Sóisialta agus um Uilechuimsitheacht¹⁹ .

Chun bheith incháilithe le haghaidh deontas Erasmus+, ní mór do thograí tionscadail le haghaidh Ionaid Barr Feabhais Gairme na critéir seo a leanas a chomhlíonadh:

Eagraíochtaí rannpháirteacha incháilithe (Cé atá in ann iarratas a dhéanamh?)

Chun bheith incháilithe, ní mór do na hiarratasóirí (tairbhithe agus eintitis chleamhnaithe, más infheidhme):

• a bheith ina n‑eintitis dhlítheanacha (comhlachtaí poiblí nó príobháideacha);
• a bheith bunaithe i gceann de na tíortha incháilithe, is é sin, Ballstát den Aontas Eorpach nó tríú tír atá comhlachaithe leis an gClár);
• a bheith gníomhach i réimse an ghairmoideachais agus na gairmoiliúna nó sa saol oibre.

Eagraíochtaí atá gníomhach i réimse an ghairmoideachais agus na gairmoiliúna nó i saol na hoibre ó thríú tíortha nach bhfuil comhlachaithe leis an gClár i Réigiúin 1-3, féadfaidh siad páirt a ghlacadh freisin - mar thairbhí nó mar eintiteas cleamhnaithe- ach ní féidir déanamh amhlaidh mar chomhordaitheoir. Féadfaidh eagraíochtaí ó thríú tíortha eile nach bhfuil comhlachaithe leis an gClár a bheith rannpháirteach mar chomhpháirtithe comhlachaithe.

Eisceacht: níl eagraíochtaí ón mBealarúis (Réigiún 2) incháilithe chun páirt a ghlacadh sa ghníomhaíocht seo.

Mar shampla, is féidir le heagraíochtaí rannpháirteacha a bheith ina (liosta neamhchuimsitheach):

• Soláthraithe gairmoideachais agus gairmoiliúna
• Eagraíochtaí ionadaíocha ar sholáthraithe gairmoideachais agus gairmoiliúna
• Cuideachtaí, an tionscal, fostóirí nó eagraíochtaí ionadaíocha earnála eile
• Údaráis cáilíochtaí náisiúnta/réigiúnacha
• Institiúidí taighde
• Gníomhaireachtaí nuálaíochta
• Údaráis forbartha réigiúnaí
• Eagraíochtaí idirnáisiúnta atá gníomhach sa réimse gairmoideachais agus gairmoiliúna.

Comhdhéanamh cuibhreannais (Líon agus próifíl na n‑eagraíochtaí rannpháirteacha)

Ní mór a chuimsiú leis an gcomhpháirtíocht ocht n‑iarratasóir (tairbhithe) ó cheithre cinn de Bhallstáit den Aontas nó tríú tíortha atá comhlachaithe leis an gClár ar a laghad.

Ní mór an méid a leanas a bheith i ngach Ballstát den Aontas nó aon tríú tír atá comhlachaithe leis an gClár:

1. aon fhiontar, tionscal, eagraíocht fostóirí eile nó eagraíocht atá ionadaíoch don earnáil ar a laghad, agus
2. soláthraí gairmoideachais agus gairmoiliúna amháin ar a laghad (ar an meánleibhéal agus/nó ar an leibhéal treasach).

Ní chuirtear eintitis chleamhnaithe ná comhpháirtithe comhlachaithe san áireamh sa chumraíocht íosta seo den chuibhreannas. Ní féidir leo a bheith ar an eagraíocht chomhordúcháin.

Ní mór an eagraíocht chomhordúcháin a bheith ó Bhallstát den Aontas nó ó thríú tír atá comhlachaithe leis an gClár.

Eagraíochtaí ó thríú tíortha incháilithe nach bhfuil comhlachaithe leis an gClár ó réigiúin 1 go 3, is féidir leo a bheith rannpháirteach freisin mar thairbhithe nó mar eintitis chleamhnaithe, a mhéid a léirítear go gcuireann a rannpháirtíocht breisluach fíor-riachtanach leis an tionscadal.

Eisceacht: níl eagraíochtaí ón mBealarúis (Réigiún 2) incháilithe chun páirt a ghlacadh sa ghníomhaíocht seo.

Gníomhaíochtaí incháilithe

Ní mór don iarratasóir aghaidh a thabhairt ar thrí bhraisle gníomhaíochtaí (ag tabhairt mionsonraí maidir leis na gníomhaíochtaí agus na táirgí insoláthartha coincréiteacha). Maidir le gach braisle, ní mór íosmhéid gníomhaíochtaí a roghnú ón liosta thíos:

• ceithre ghníomhaíocht ar a laghad faoi Bhraisle 1 – Teagasc agus foghlaim,
• trí ghníomhaíocht ar a laghad faoi Bhraisle 2 – Comhar agus comhpháirtíocht, agus
• 2 ghníomhaíocht ar a laghad faoi Bhraisle 3 – Rialachas agus maoiniú.

Tugtar tuairisc ar na Braislí thíos sa roinn ‘Tionscadal a bhunú’.

Tá gníomhaíochtaí gairmoideachais agus gairmoiliúna incháilithe, ar aon cheann de leibhéil EQF idir 3 agus 8, agus an leibhéal meánscoile uachtaraí, an leibhéal iar‑mheánscoile neamhthreasach mar aon leis an leibhéal treasach ina measc (mar shampla Ollscoileanna eolaíochtaí feidhmeacha, Institiúidí polaiteicnice, srl.). Mar sin féin, ní féidir ach gníomhaíochtaí ina ndírítear ar fhoghlaimeoirí ar an tríú leibhéal amháin a áireamh in iarratais; má dhíríonn siad ar ghairmoideachas agus gairmoiliúint ar an leibhéal iar-mheánscoile (leibhéil EQF idir 6 agus 8), ní mór dóibh leibhéal cáilíochta gairmoideachais agus gairmoiliúna amháin eile ar a laghad idir leibhéil EQF 3 agus 5 a chuimsiú, chomh maith le comhchuid láidir foghlama obairbhunaithe, a chur san áireamh.

Suíomh geografach (Ionad na ngníomhaíochtaí)

Ní mór na gníomhaíochtaí a reáchtáil in aon tír incháilithe (féach Cuid A den Treoir seo)

Fad an tionscadail

Ba cheart tréimhse 48 mí a bheith i gceist leis na tionscadail de ghnáth (is féidir síneadh a chur léi, má tá údar cuí leis agus sin a dhéanamh trí bhíthin leasaithe ar an gcomhaontú deontais).

Cén áit ar féidir iarratas a dhéanamh?

Chuig an nGníomhaireacht Feidhmiúcháin Eorpach um Oideachas agus Cultúr (EACEA) trí Thairseach an Aontais um Dheiseanna Cistiúcháin agus Tairisceana.

Uimhir aitheantais an Ghlao: ERASMUS-EDU-2025-PEX-COVE.

Roimh iarratas a dhéanamh, féach na Ceisteanna Coitianta ábhartha in TDCT.

Cathain is féidir iarratas a dhéanamh?

Ní mór d’iarratasóirí a niarratas ar dheontas a chur isteach faoin 11 Meitheamh ar 17:00:00 (am na Bruiséile).

Déanfar measúnú ar eagraíochtaí is iarratasóirí de réir na gcritéar eisiaimh agus roghnúcháin ábhartha. Chun breis eolais a fháil, féach Cuid C den Treoir seo.

Saintréith d’ionaid barr feabhais gairme is ea cur chuige córasach a ghlacadh trína rannchuidíonn institiúidí gairmoideachais agus gairmoiliúna go gníomhach le comhchruthú ‘éiceachóras scileanna’, chomh maith le réimse leathan comhpháirtithe áitiúla/réigiúnacha eile. Tá coinne leis go ndéanann ionaid barr feabhais gairme níos mó ná díreach gairmcháilíocht ardchaighdeáin a sholáthar. 

Cuirimid i láthair thíos liosta de ghnáthghníomhaíochtaí a chuireann ionaid barr feabhais gairme ar fáil. Bainfidh tionscadail a gcuspóirí amach trí roinnt de na gníomhaíochtaí sin a fhorbairt (is samplaí iad pointí urchair de ghníomhaíochtaí féideartha faoi gach gníomhaíocht)²⁰ .

Tuairisc ar na Braislí:

Braisle 1 – Teagasc agus foghlaim

Gníomhaíocht 1. Scileanna atá ábhartha don mhargadh saothair a thabhairt do dhaoine:

• Trí riachtanais scileanna sa todhchaí a thuar ag úsáid modhanna éifeachtacha chun riachtanais an mhargaidh shaothair a athraíonn go gasta a shainaithint²¹ , agus soláthar scileanna a mheaitseáil le deiseanna post, agus an obair atá ar siúl ag Treoirphlean Earnálach á cur san áireamh freisin²² , i gcás inarb ábhartha agus ina bhfuil fáil air;
• díriú ar scileanna teicniúla agus ar phríomhinniúlachtaí araon;²³
• Trí na scileanna is gá don chlaochlú glas agus don chlaochlú digiteacha chur san áireamh.²⁴

Gníomhaíocht 2. Cur chuige maidir le foghlaim ar feadh an tsaoil atá cuimsitheach sa ghairmoideachas agus gairmoiliúint:

• trína chinntiú go dtugtar deiseanna foghlama do dhaoine ar gach aois agus de gach cúlra soch‑eacnamaíoch;²⁵
• trí thairiscintí de cháilíocht tosaigh gairmoideachais agus gairmoiliúna agus oiliúint leanúnachle haghaidh uas‑sciliú agus athsciliú a bhfuil faisnéis scileanna mar bhonn faoi²⁶ a chur le chéile;
• ag cur cláir ardleibhéil ghairmoideachais agus ghairmoiliúna ar fáil, ag forbairt conairí solúbtha agus sásraí comhair idir institiúidí gairmoideachais agus gairmoiliúna agus institiúidí ardoideachais.²⁷

Gníomhaíocht 3. Curaclaim agus cáilíochtaí gairmoideachais agus gairmoiliúna a fhorbairt, trína gcumasaítear solúbthacht agus indibhidiúlú soláthair:

• trí phleananna²⁸  nó conairí foghlama aonair a fhorbairt do gach foghlaimeoir²⁹ , daoine fásta san áireamh;
• soghluaisteacht foghlaimeoirí idirnáisiúnta³⁰ a chomhtháthú sna curaclaim, ag cinntiú bhailíochtú agus aithint na dtorthaí foghlama a éilítear ar an gcoigríoch;
• cáilíochtaí a dhearadh lena gcomhtháthaítear comhpháirteanna foghlama scoilbhunaithe chomh maith le foghlaim obairbhunaithe³¹ ;
• próifílí Láir Gairme Eorpaigh³² a fhorbairt, trína rannchuidítear le soghluaisteacht foghlaimeoirí agus oibrithe, fad a chinntítear go n‑aithnítear an tsoghluaisteacht sin chomh maith le trédhearcacht, tuiscint agus inaistritheacht torthaí foghlama;³³
• </span><a href="https://education.ec.europa.eu/sites/default/files/2022-01/micro-credentials%20brochure%20updated.pdf" target="_blank" class=" eac-external-link"><span>micridhintiúir</span></a><span>³⁴ a fhorbairt agus/nó a úsáid chun toradh deiseanna foghlama gearra a aithint, ar deiseanna iad a chuirtear in oiriúint do shochaí agus margadh saothair a athraíonn go gasta;
• úsáid a bhaint as Dintiúir Dhigiteacha Eorpacha don Fhoghlaim, rud a chumasaíonn fíordheimhniú, bailíochtú agus aithint dintiúr d’aon mhéid, d’aon chruth nó d’aon fhoirm;
• ag tógáil ar na Treoirphleananna Earnála i gcás inarb ábhartha agus ina bhfuil siad ar fáil.

Gníomhaíocht 4. Teagasc nuálach dírithe ar an mac léinn agus ábhair foghlama agus modheolaíochtaí a fhorbairt tríd an méid seo a lenas a dhéanamh:

• foghlaim idirdhisciplíneach, tionscadalbhunaithe, inniúlachtbhunaithe, ‘</span><a href="https://www.springer.com/gp/book/9783319922607" target="_blank" class=" eac-external-link"><span>Monarchana foghlama</span></a><a href="https://publications.jrc.ec.europa.eu/repository/bitstream/JRC117481/makerspaces_2034_education.pdf" target="_blank" class=" eac-external-link"><span>spásanna déantóirí</span></a><span> ’,³⁵ agus oideachas dearfach³⁶ san áireamh;
• úsáid a bhaint as creataí inniúlachtaí³⁷ agus uirlisí díorthacha Eorpacha, mar shampla DigComp³⁸ , EntreComp³⁹ , FreenComp, LifeComp⁴⁰ , GreenComp⁴¹ , SELFIE WBL⁴² , Déan do scileanna digiteacha a thástáil⁴³ , agus Deimhniú Eorpach i ndáil le Scileanna Digiteacha;⁴⁴
• úsáid a bhaint as trealamh teagaisc nuálach agus teicneolaíochtaí digiteacha amhail MOOCanna, ionsamhlóirí, réaltacht fhíorúil agus réaltacht bhreisithe, intleacht shaorga, don fhoghlaim scoilbhunaithe chomh maith leis an bhfoghlaim obairbhunaithe;
• barr feabhais <strong>foghlaimeoirí</strong>⁴⁵  a chothú trí ghníomhaíochtaí lena spreagtar foghlaimeoirí i ngairmoideachas agus gairmoiliúint chun féachaint ar a gcumas nuálaíochta agus <strong>cruthaitheach</strong>⁴⁶ , as a dtagann sraith mhacánta de thairbhí do na foghlaimeoirí, na múinteoirí/na hoiliúnóirí agus don institiúid ghairmoideachais agus ghairmoiliúna lenar féidir dea‑chleachtais a lánpháirtiú i ngnáthchláir.⁴⁷

Gníomhaíocht 5. Infheistíocht a dhéanamh i bhforbairt ghairmiúil tosaigh agus leanúnach múinteoirí agus oiliúnóirí⁴⁸

• Le haghaidh scileanna oideolaíochta, teicniúla, glasa agus digiteacha, chomh maith leo siúd le haghaidh na foghlama ar líne agus na cianfhoghlama
• Soghluaisteacht múinteoirí agus oiliúnóirí a leabú i straitéisí foghlama, forbartha agus idirnáisiúnúcháin⁴⁹
• Tacaíocht a thabhairt do chur chun feidhme cultúir cáilíochta bunaithe ar chórais bainistíochta shainithe⁵⁰

Gníomhaíocht 6. Sásraí dearbhaithe cáilíochta láidre a bhunú

• Bunaithe ar uirlisí agus ionstraimí Eorpacha amhail EQAVET
• Obair a dhéanamh i dtreo deimhniúcháin soláthraithe oideachais agus oiliúna bunaithe ar chaighdeáin arna bhforbairt ag eagraíochtaí náisiúnta agus/nó idirnáisiúnta um chaighdeáin – mar shampla, ISO 21001 nó EFQM (féach freisin lipéad EVTA le haghaidh Barr Feabhais sa Ghairmoideachas agus sa Ghairmoiliúint)

Gníomhaíocht 7. Lúba aischothaithe éifeachtacha agus córais rianaithe céimithe a bhunú 

• Próisis, sásraí agus ionstraimí le haghaidh aiseolas agus athbhreithniú éifeachtach a chur ar bun mar chuid den phróiseas foghlama straitéisí san eagraíocht ghairmoideachais agus ghairmoiliúna, chun tacú le forbairt soláthair ardcháilíochta‑ agus chun deiseanna d’fhoghlaimeoirí a fheabhsú
• Cumasú oiriúnú tráthúil an tsoláthair foghlama bunaithe ar chórais rianaithe céimithe éifeachtacha⁵¹

Gníomhaíocht 8. Seirbhísí treoraíochta a chur ar fáil

• Treoraíocht⁵² ardcháilíochta a chinntiú do dhaoine óga agus do dhaoine fásta chun tacú lena roghanna gairme agus oideachais agus oiliúna, chomh maith lena rannpháirtíocht san fhoghlaim ar feadh an tsaoil
• Tacaíocht shaincheaptha a chur ar fáil do dhaoine a bhfuil leochaileachtaí acu
• Cur ar chumas daoine fásta úsáid a bhaint as na teidlíochtaí atá acu ar oiliúint

Gníomhaíocht 9. Bailíochtú maidir le réamhfhoghlaim a chur ar fáil

• Bailíochtú scileanna a chur ar fáil, beag beann ar an dóigh a sealbhaítear iad, lena gcuimsítear bealaí lasmuigh den oideachas foirmiúil agus den oiliúint fhoirmiúil: ag an obair, sa bhaile nó i ngníomhaíochtaí deonacha⁵³ , mar bhonn le haghaidh soláthar oiliúna pearsantaithe

Braisle 2 – Comhar agus comhpháirtíochtaí

Gníomhaíocht 10. Comhpháirtíochtaí gnó agus oideachais a bhunú

• Caidrimh chomhthairbheacha a chothú le hearnáil an ghnó trí chomhpháirtíochtaí fadtéarmacha idir an gnó agus an t‑oideachas a chruthú, nuálaíocht agus scileanna san áireamh
• Oibriú le chéile chun athbhreithniú agus nuashonrú leanúnach a dhéanamh ar churaclaim chun a chinntiú go mbíonn siad ábhartha do riachtanais an fhoghlaimeora agus an mhargaidh saothair, go háirithe don fhoghlaim obairbhunaithe agus do phrintísigh, i gcomhréir leis an gCreat Eorpach maidir le Printíseachtaí Ardchaighdeáin agus Éifeachtacha agus chun sineirgí leis an gComhghuaillíocht Eorpach do Phrintíseachtaí a thógáil⁵⁴
• Tacaíocht a thabhairt do chuideachtaí, d’fhostóirí eile agus go háirithe do FBManna trí oiliúint shaincheaptha don uas-sciliú agus athsciliú
• Comhar le Seirbhísí Fostaíochta poiblí agus an tsochaí shibhialta chun iad siúd atá dífhostaithe nó éighníomhach a uas‑sciliú agus a athsciliú
• Tacaíocht a thabhairt do chomhar earnáilbhunaithe agus réigiúnach, an Comhaontú um <strong>Scileanna</strong>⁵⁵ san áireamh, agus sineirgí a chruthú leis an Treoirphlean Earnálach, de réir mar is ábhartha agus mar atá sé ar fáil.
• Tacaíocht theicniúil, measúnú ar riachtanas scileanna, uirlisí agus modheolaíochtaí a thabhairt do FBManna
• Deiseanna foghlama obairbhunaithe, printíseachtaí, agus intéirneachtaí a eagrú d’fhoghlaimeoirí, trealamh a chomhroinnt, chomh maith le malartuithe múinteoirí agus oiliúnóirí idir cuideachtaí agus ionaid ghairmoideachais agus ghairmoiliúna⁵⁶

Gníomhaíocht 11. Taighde feidhmeach agus nuálaíocht

• Obair a dhéanamh in éineacht le cuideachtaí, FBManna go háirithe, maidir le tionscadailtaighde <strong>fheidhmigh</strong>⁵⁷ ina mbíonn foghlaimeoirí agus baill foirne ghairmoideachais agus ghairmoiliúna páirteach
• Úsáid a bhaint as moil nuálaíochta agusionaid scaipthe <strong>teicneolaíochta</strong>⁵⁸ nó iad a chomhchruthú chun tacú le próiseas nuálaíochta FBManna le rannpháirtíocht foghlaimeoirí agus ball foirne gairmoideachais agus gairmoiliúna
• Rannchuidiú le cruthú agus scaipeadh eolais nua⁵⁹

Gníomhaíocht 12. Idirnáisiúnú gairmoideachais agus gairmoiliúna agus soghluaisteacht ar an gcoigríoch

• Pleanáil straitéiseach a fhorbairt do ghníomhaíochtaí idirnáisiúnta, nasctha go dlúth le forbairt na hinstitiúide gairmoideachais agus gairmoiliúna, agus cáilíocht na gcleachtas teagaisc agus foghlama⁶⁰
• Struchtúir agus bearta tacaíochta a chruthú chun cáilíocht eispéireas soghluaisteachta gairmoideachais agus gairmoiliúna a chothú agus a chinntiú (soghluaisteacht fhíorúil san áireamh) i measc na gcomhpháirtithe sa líonra ionad barr feabhais gairme i gcomhréir le Caighdeáin Cháilíochta Erasmus⁶¹
• Tionscnaimh a sheoladh chun foghlaimeoirí, múinteoirí agus oiliúnóirí (oiliúnóirí ionchuideachta san áireamh), chomh maith le saineolaithe, a ghríosadh chun leas a bhaint as na deiseanna a chuirtear ar fáil sa chlár Erasmus+ (Ka1) chun páirt a ghlacadh sa tsoghluaisteacht ar an gcoigríoch

Gníomhaíocht 13. Scileanna agus tionscnaimh fiontraíochta a chothú

• Cultúr fiontraíochta a fhorbairt laistigh d’eagraíochtaí gairmoideachais agus gairmoiliúna⁶² , ag cuimsiú ceannairí, baill foirne, múinteoirí agus oiliúnóirí chomh maith le foghlaimeoirí⁶³
• Obair a dhéanamh le comhpháirtithe áitiúla chun scileanna agus meonta fiontraíochta foghlaimeoirí a fhorbairt a fhreagraíonn d’fhíordhúshláin
• Gorlanna gnó áitiúil a chur ar fáil nó nasc a dhéanamh leo d’fhoghlaimeoirí gairmoideachais agus gairmoiliúna chun a dtionscnaimh fiontraíochta⁶⁴  a fhorbairt

Gníomhaíocht 14. Tarraingteacht an ghairmoideachais agus na gairmoiliúna a mhéadú 

• Trí fheachtais agus gníomhaíochtaí⁶⁵ cumarsáide a sheoladh, agus trí bheith rannpháirteach go gníomhaíoch iontu, cinn atá dírithe ar tharraingteacht an ghairmoideachais agus na gairmoiliúna a mhéadú
• Eolas a chur ar fáil maidir le deiseanna post trí ghairmoideachas agus gairmoiliúint agus daoine óga agus daoine fásta (foghlaimeoirí i mbunscoileanna agus meánscoileanna san áireamh) a mhealladh chuig conairí foghlama gairmoideachais agus gairmoiliúna
• Campas nó campaí samhraidh gairmoideachais agus gairmoiliúna <strong>idirnáisiúnta</strong>⁶⁶ a chur ar bun, cinn atá dírithe ar fhoghlaimeoirí, múinteoirí agus oiliúnóirí, ceannairí in institiúidí gairmoideachais agus gairmoiliúna, ceardchumainn, chomh maith le daoine atá ag smaoineamh faoina roghanna staidéir gairme sa todhchaí. D’fhéadfaidís díriú ar réimsí, táirgí nó seirbhísí ceirde sonracha, chomh maith le dúshláin chasta a mbaineann tábhacht shochaíoch agus eacnamaíoch leo

Gníomhaíocht 15. Comórtais scileanna

• Rannpháirtíocht foghlaimeoirí i gcomórtais scileanna earnála, náisiúnta agus idirnáisiúnta a chothú, cinn atá dírithe ar tharraingteacht agus ar an mbarr feabhais sa ghairmoideachas agus gairmoiliúint a ardú (mar shampla, comórtais World Skills agus/nó EuroSkills). Tabhair do d’aire nach costas incháilithe sa bhuiséad iad duaiseanna.

Braisle 3 – Rialachas agus maoiniú

Gníomhaíocht 16. Neamhspleáchas agus rialachas éifeachtach gairmoideachais agus gairmoiliúna

• Forbairt a dhéanamh ar chumas soláthraithe gairmoideachais agus gairmoiliúna le cinntí a dhéanamh, go neamhspleách agus go freagrach, maidir le hábhair oideachasúla, eagraíochtúla, airgeadais, ábhair a bhaineann leis an bhfoireann nó ábhair eile, chun gníomhaíocht a dhéantar faoin raon feidhme a shainítear i rialacha agus rialacháin náisiúnta a bhaint amach⁶⁷
• Páirt a thabhairt do pháirtithe leasmhara ábhartha, go háirithe cuideachtaí, comhlachais, comhlachais ghairmiúla agus earnála, ceardchumainn, údaráis náisiúnta agus réigiúnacha agus comhpháirtithe sóisialta, ionadaithe foghlaimeoirí san áireamh, i rialú na gcóras gairmoideachais agus gairmoiliúna

Gníomhaíocht 17. Cur chuige straitéiseach maidir le forbairt scileanna agus rialachas

• Páirt ghníomhach a ghlacadh sna córais rialachais scileanna náisiúnta agus réigiúnacha
• Rannchuidiú ó pheirspictíocht scileanna maidir le déanamh beartas fostaíochta agus sóisialta ar an leibhéal áitiúil, réigiúnach, náisiúnta agus ar leibhéal na hEorpa

Gníomhaíocht 18. Éiceachórais scileanna a chomhchruthú

• Comhpháirtithe sóisialta agus eacnamaíocha ábhartha a spreagadh chomh maith le hinstitiúidí oideachais agus oiliúna chun páirt a ghlacadh in éiceachórais scileanna áitiúla, nó iad a chruthú, éiceachórais atá dírithe ar thacaíocht a thabhairt don nuálaíocht, straitéisí speisialaithe chliste, braislí agus earnálacha agus slabhraí luacha (éiceachórais thionsclaíocha)
• Éiceachórais scileanna áitiúla a chumasú ionas gur féidir leo cuidiú le mealladh na hinfheistíochta eachtraí⁶⁸ , trí sholáthar pras scileanna do chuideachtaí a dhéanann infheistíochtaí go háitiúil a chinntiú
• Dul i mbun plé le tionscadail eile a bhaineann le hIonaid Barr Feabhais Gairme Erasmus+, go háirithe trí Phobal Cleachtais⁶⁹ na nIonad Barr Feabhais Gairme, trí eispéiris agus torthaí a chomhroinnt, agus ar an gcaoi sin rannchuidiú le tionchar thionscnamh an Ionaid Barr Feabhais Gairme ar bhonn níos leithne 

Gníomhaíocht 19. Samhlacha airgeadais inbhuanaithe a fhorbairt

• Maoiniú poiblí agus príobháideach a chur le chéile⁷⁰ , chomh maith le gníomhaíochtaí giniúna ioncaim, agus leas iomlán a bhaint as scéimeanna maoinithe bunaithe ar fheidhmíocht (más ábhartha)

Gníomhaíocht 20. Úsáid iomlán a bhaint as ionstraimí airgeadais náisiúnta agus ionstraimí airgeadais an Aontais

• Féadfar a chuimsiú leo sin tacaíocht do ghníomhaíochtaí oideachais agus oiliúna, soghluaisteacht foghlaimeoirí agus ball foirne, gníomhaíochtaí taighde fheidhmigh, infheistíochtaí i mbonneagar chun ionaid ghairmoideachais agus ghairmoiliúna a nuachóiriú le trealamh ardleibhéil, cur chun feidhme córas bainistíochta chun barr feabhais agus inbhuanaitheacht eagraíochtaí gairmoideachais agus gairmoiliúna a dhearbhú, chomh maith leis na seirbhísí a sholáthraíonn siad.

Leis an tionscadal ní mór gach ceann de na gníomhaíochtaí atá roghnaithe a shainaithint agus a roghnú a mhíniú go soiléir ar an bhfoirm iarratais, agus tuairisc a thabhairt ar an gcaoi a mbeidh an obair atá le déanamh trí na gníomhaíochtaí sin ina rannchuidiú praiticiúil leis na pacáistí oibre ábhartha, agus le cuspóirí foriomlána an tionscadail.

Tá coinne leis go gcuirfidh bunú agus forbairt líonraí Eorpacha d’Ionaid Barr Feabhais Gairme de réir a chéile le freagrúlacht na gcóras gairmoideachais agus gairmoiliúna a mhéadú ar mhaithe leis an soláthar scileanna a oiriúnú do na hathruithe atá ag teacht ar riachtanais eacnamaíocha agus shóisialta, rud lena gcinnteofar go bhfuil an gairmoideachais agus an ghairmoiliúint chun tosaigh maidir le réitigh a sholáthar i leith na ndúshlán a bhaineann le hathruithe tapa atá ag teacht ar riachtanais ó thaobh scileanna de.

Trí chuid riachtanach den ‘triantán eolais’ a dhéanamh – rud ba cheart a chothú le tionscadail is ea an comhar idir gnólachtaí, an earnáil oideachais agus taighde – agus trí ról bunúsach a chomhlíonadh maidir le scileanna a sholáthar chun tacú leis an nuálaíocht agus leis an speisialtóireacht chliste, tá coinne leis go gcinnteofar scileanna agus inniúlachtaí ardcháilíochta leis na hIonaid Barr Feabhais Gairme, as a dtiocfaidh fostaíocht ardcháilíochta agus deiseanna ar feadh na gairme, lena bhfreastalófar ar riachtanais geilleagair atá nuálach, cuimsitheach agus inbhuanaithe. 

Trí scaipeadh forleathan na dtorthaí tionscadail ar an leibhéal trasnáisiúnta, náisiúnta agus/nó réigiúnach agus forbairt plean gníomhaíochta fhadtéarmaigh le haghaidh rolladh amach céimneach na dtáirgí insoláthartha ón tionscadal, agus straitéisí náisiúnta agus réigiúnacha um fhorbairt agus speisialtóireacht chliste á gcur san áireamh, tá coinne leis go rachaidh na tionscadail aonair i mbun plé le páirtithe leasmhara ábhartha laistigh de na heagraíochtaí rannpháirteacha agus lasmuigh díobh agus go gcinnteoidh siad tionchar marthanach tar éis shaolré an tionscadail. 

Tá feidhm ag na critéir dhámhachtana seo a leanas:

Ábharthacht an tionscadail (scór uasta 35 pointe)

• Nasc le beartas: léirítear leis an togra conas a rannchuideoidh an líonra comhair trasnáisiúnta d’Ionaid Barr Feabhais Gairme le spriocanna na dtosaíochtaí beartais a bhaint amach, ar spriocanna iad a chumhdaítear leis an Moladh ón gComhairle maidir leis an ngairmoideachas agus leis an ngairmoiliúint le haghaidh iomaíochas inbhuanaithe, cothroime shóisialta agus athléimneachta⁷¹ , chomh maith le Dearbhú Osnabrück⁷² ;
• Luachanna an Aontais: tá an togra ábhartha chun comhluachanna an Aontais a urramú agus a chur chun cinn, cuir i gcás meas ar dhínit an duine, an tsaoirse, an daonlathas, an comhionannas, smacht reachta agus meas ar chearta an duine, chomh maith le troid in aghaidh aon sórt idirdhealaithe.
• Comhsheasmhacht: a mhéid a thugtar aghaidh leis an togra ar chuspóirí an ghlao, sainítear na spriocanna go soiléir, tá siad réalaíoch, agus tugtar aghaidh leo ar shaincheisteanna atá ábhartha maidir leis na heagraíochtaí rannpháirteacha; a mhéid a sholáthraítear anailís leormhaith leis an togra ar riachtanais;
• Nuálaíocht: cuirtear modhanna agus teicnící úrscothacha san áireamh sa togra, agus tá mar thoradh air torthaí agus réitigh nuálacha le haghaidh a réimse go ginearálta, nó le haghaidh an chomhthéacs gheografaigh ina gcuirtear an tionscadal chun feidhme (mar shampla inneachar; na haschuir a táirgeadh, na modhanna oibre a cuireadh i bhfeidhm, na heagraíochtaí nó na daoine lena mbaineann nó atá spriocdhírithe);
• An éirim réigiúnach: léirítear leis an togra a rannchuidiú leis an bhforbairt réigiúnach agus straitéisí um speisialtóireacht chliste, bunaithe ar shainaithint na ndúshlán áitiúil/réigiúnach i ngach ceann de na tíortha rannpháirteacha;
• Comhar agus comhpháirtíochtaí: a mhéid a shainaithníonn an togra go leordhóthanach na comhpháirtithe is ábhartha, agus a thugann sé páirt dóibh, comhpháirtithe is gá chun cuspóirí an tionscadail a bhaint amach agus a mhéid a mhíníonn sé conas a bhunóidh sé caidrimh láidre mharthanacha ar an leibhéal áitiúil agus trasnáisiúnta araon, idir an pobal gairmoideachais agus gairmoiliúna agus gnólachtaí (ar féidir le comhlachais nó cumainn ionadaíocht a dhéanamh orthu), inar idirghníomhaíochtaí cómhalartacha iad na hidirghníomhaíochtaí agus iad tairbhiúil go frithpháirteach;
• Breisluach Eorpach: léirítear go soiléir leis an togra an breisluach ar leibhéal an duine aonair (foghlaimeoir agus/nó ball foirne), ar an leibhéal institiúideach agus sistéamach, a ghintear trí thorthaí a mbeadh sé deacair ar na comhpháirtithe iad a bhaint amach agus iad ag gníomhú gan comhar Eorpach;
• Idirnáisiúnú: léirítear leis an togra a rannchuidiú le héirim idirnáisiúnta bharr feabhais an ghairmoideachais agus na gairmoiliúna, forbairt straitéisí chun soghluaisteacht thrasnáisiúnta gairmoideachais agus gairmoiliúna foghlaimeoirí agus ball foirne a chothú san áireamh, chomh maith le comhpháirtíochtaí inbhuanaithe;
• Scileanna digiteacha: a mhéid a dhéantar foráil leis togra maidir le gníomhaíochtaí a bhaineann le forbairt scileanna digiteacha (mar shampla oirchill scileanna, curaclaim nuálacha agus modheolaíochtaí teagaisc, treoraíocht, srl.) a bhaineann le forbairt scileanna digiteacha;
• Scileanna glasa: a mhéid a dhéantar foráil leis an togra maidir le gníomhaíochtaí (mar shampla oirchill scileanna, curaclaim nuálacha agus modheolaíochtaí teagaisc, treoraíocht, srl.) atá nasctha leis an aistriú chuig geilleagar ciorclach agus glas;
• An éirim shóisialta: áirítear sa togra gné chothrománach ar fud na ngníomhaíochtaí éagsúla chun aghaidh a thabhairt ar an éagsúlacht agus chun go gcuirfear chun cinn luachanna comhroinnte, an comhionannas, lena n‑áirítear an comhionannas inscne, agus an neamh‑idirdhealú agus cuimsiú sóisialta, lena n‑áirítear le haghaidh daoine ag a bhfuil riachtanais speisialta/níos lú deiseanna.

Cáilíocht dhearadh agus chur chun feidhme an tionscadail (scór uasta 25 phointe)

• Comhleanúnachas: cinntítear leis an dearadh tionscadail foriomlán comhsheasmhacht idir cuspóirí agus gníomhaíochtaí an tionscadail. Cuirtear i láthair sa togra tacar comhleanúnach cuimsitheach gníomhaíochtaí agus seirbhísí iomchuí chun freastal ar na riachtanais shainaitheanta agus chun na torthaí a bhfuil coinne leo;
• Gníomhaíochtaí: Tuairiscítear go soiléir an obair atá le déanamh faoi gach ceann de na gníomhaíochtaí roghnaithe ó na trí bhraisle i dtéarmaí a dtorthaí/dtáirgí insoláthartha measta, a rannchuidiú praiticiúil i ndáil le pacáistí oibre ábhartha, agus cuspóirí foriomlána an tionscadail;
• Modheolaíocht: cáilíocht agus indéantacht na modheolaíochta atá beartaithe agus a iomchuí atá sé chun na torthaí a bhfuil coinne leo a bhaint amach;
• Bainistíocht: léiríonn an comhordaitheoir bainistíocht ardcháilíochta, an cumas chun líonraí trasnáisiúnta a chomhordú agus ceannaireacht i dtimpeallacht chasta, agus bunaíonn an comhordaitheoir socruithe láidre bainistíochta. Sainítear amlínte, eagrú, cúraimí agus freagrachtaí go soiléir agus tá siad réalaíoch. Sainmhínítear tacar soiléir príomhtháscairí feidhmíochta, agus amlíne chun iad a mheasúnú agus a bhaint amach;
• Buiséad: déantar foráil sa bhuiséad maidir le hacmhainní iomchuí a bhfuil gá leo chun go n‑éireodh leis an tionscadal, ní dhéantar rómheastachán ar an mbuiséad ná ní mheastar faoina luach é; tá an togra costéifeachtach agus leithdháiltear acmhainní iomchuí ar gach gníomhaíocht leis;
• Plean oibre: cáilíocht and éifeachtacht an phlean oibre, lena n‑áirítear a mhéid atá na hacmhainní atá sannta do phacáistí oibre i gcomhréir lena gcuspóirí agus lena dtáirgí insoláthartha; tá céimeanna iomchuí ann maidir le hullmhú, cur chun feidhme, faireachán, saothrú, meastóireacht agus scaipeadh;
• Rialú cáilíochta: le bearta rialaithe (meastóireacht leanúnach ar cháilíocht, piarmheasúnuithe, gníomhaíochtaí tagarmharcála, srl.) agus táscairí cáilíochta, cinntítear go bhfuil ardcháilíocht ag baint le cur chun cinn an tionscadail. Sainaithnítear dúshláin/rioscaí an tionscadail go soiléir agus téitear i ngleic le bearta maolaithe go hiomchuí. Beartaítear próisis athbhreithnithe shaineolaigh mar chuid lárnach den tionscadal. Leis na próisis sin áirítear measúnú seachtrach neamhspleách i lár téarma agus deireadh an tionscadail;
• Má áirítear gníomhaíochtaí soghluaisteachta (le haghaidh foghlaimeoirí agus/nó baill foirne) leis an tionscadal:
  • Cáilíocht na socruithe praiticiúla, an bhainistithe agus na módúlachtaí tacaíochta;
  • A mhéid atá na gníomhaíochtaí sin iomchuí do chuspóirí an tionscadail agus a mhéid a bheidh an líon iomchuí rannpháirtithe páirteach iontu;
  • Cáilíocht na socruithe chun torthaí foghlama na rannpháirtithe a aithint agus a bhailíochtú, i gcomhréir le huirlisí agus prionsabail trédhearcachta agus aitheantais Eorpacha.

Cáilíocht na comhpháirtíochta agus na socruithe comhair (scór uasta 20 pointe)

• Cumraíocht: mar chuid den togra tá meascán iomchuí d’eagraíochtaí rannpháirteacha comhlántacha ag a bhfuil an phróifíl, na hinniúlachtaí, an taithí agus an saineolas is gá chun gach gné den tionscadal a chur i gcrích go rathúil; sainaithnítear ról gach comhpháirtí go soiléir, agus mínítear a bhreisluach;
• Cóineasú aníos: a mhéid a thugtar le chéile leis an gcomhpháirtíocht eagraíochtaí atá gníomhach i réimse an ghairmoideachais agus na gairmoiliúna, nó i saol na hoibre, atá ag céimeanna éagsúla d’fhorbairt cineálacha cur chuige maidir le barr feabhais gairme, agus lena gcumasaítear malartú rianúil agus éifeachtach saineolais agus eolais i measc na gcomhpháirtithe sin;
• Éirim gheografach: a mhéid a áirítear leis an gcomhpháirtíocht comhpháirtithe ábhartha ó réigiúin gheografacha éagsúla, chomh maith lena mhéid a spreag an t‑iarratasóir comhdhéanamh geografach na comhpháirtíochta agus a léirigh sé a ábharthacht maidir le baint amach chuspóirí na nIonad Barr Feabhais Gairme; mar aon lena mhéid a chuimsítear leis an gcomhpháirtíocht raon leathan iomchuí gníomhaithe ábhartha ar an leibhéal áitiúil agus réigiúnach, agus údaráis phoiblí san áireamh a mhéid is féidir;
• Rannpháirtíocht tríú tíortha nach bhfuil comhlachaithe leis an gClár: más infheidhme, tugann rannpháirtíocht eagraíochtaí rannpháirteacha ó thríú tíortha nach bhfuil comhlachaithe leis an gClár breisluach fíor‑riachtanach don tionscda;
• Comhar: tugtar tuairisc mhionsonraithe shoiléir réasúnach ar an gcinnteoireacht agus ar an gcumarsáid idir na heagraíochtaí rannpháirteacha, na rannpháirtithe agus aon pháirtí leasmhar ábhartha eile (cuir i gcás: líon agus uainiú na gcruinnithe, cumraíocht na ngrúpaí, tuairisc ar na haidhmeanna agus ar na héachtaí lena bhfuil coinne, srl.) agus léirítear iad i gcairt/amlíne Gantt an tionscadail.

Tionchar (scór uasta 20 pointe)

• Saothrú: léirítear leis an togra conas a úsáidfidh na comhpháirtithe agus páirtithe leasmhara eile torthaí an tionscadail seo. Foráiltear ann modhanna chun an saothrú a thomhas laistigh de shaolré an tionscadail agus ina dhiaidh sin;
• Scaipeadh: leis an togra soláthraítear plean soiléir maidir le scaipeadh na dtorthaí, agus áirítear spriocanna, gníomhaíochtaí iomchuí, uainiú, uirlisí agus bealaí ábhartha lena chinntiú go ndéanfar na torthaí agus na tairbhí a scaipeadh go héifeachtach ar pháirtithe leasmhara, lucht ceaptha beartas, gairmithe treoraíochta, fiontair, foghlaimeoirí óga, srl. laistigh de shaolré an tionscadail agus ina dhiaidh sin; léirítear freisin leis an togra na comhpháirtithe a bheidh freagrach as an scaipeadh;
• Tionchar: léirítear leis an togra tionchar féideartha an tionscadail:
  • Ar rannpháirtithe agus eagraíochtaí rannpháirteacha le linn shaolré an tionscadail agus ina dhiaidh sin;
  • Lasmuigh de na heagraíochtaí agus daoine aonair atá go díreach rannpháirteach sa tionscadal, chomh maith leis an bhféidearthacht maidir le cuíchóiriú go forbairt scileanna gairmoideachais agus gairmoiliúna réigiúnach, náisiúnta agus/nó Eorpach.
• Áirítear sa togra seo bearta chomh maith le spriocanna agus táscairí atá sainithe go soiléir chun monatóireacht a dhéanamh ar an dul chun cinn agus measúnú a dhéanamh ar an tionchar measta (sa ghearrthéarma agus san fhadtéarma);
• Inbhuanaitheacht: mínítear leis an togra conas a dhéanfar forbairt bhreise ar an Ionad Barr Feabhais Gairme; cuimsítear leis an togra plean gníomhaíochta fadtéarmach chun táirgí insoláthartha an tionscadail a rolladh amach de réir a chéile agus comhpháirtíochtaí leanúnacha idir soláthraithe oideachais agus oiliúna agus príomhpháirtithe leasmhara tionscail ar an leibhéal iomchuí;  cuimsítear leis an bplean bunaithe sainaithint struchtúr rialachais iomchuí, mar aon le pleananna le haghaidh inscálaitheachta agus inbhuanaitheacht airgeadais, lena n‑áirítear sainaithint acmhainní airgeadais (Eorpacha, náisiúnta agus príobháideacha) chun a chinntiú go mbeidh na torthaí agus na tairbhí a bhainfear amach inbhuanaithe san fhadtéarma.

Le bheith incháilithe ar mhaoiniú, ní mór d’iarratais 75 pointe ar a laghad a ghnóthú (as 100 pointe ar an iomlán), agus an scór pas riachtanach le haghaidh gach ceann de na ceithre chritéar dámhachtana á chur san áireamh freisin: ar a laghad 18 bpointe le haghaidh na catagóire ‘Ábharthacht an tionscadail’; ar a laghad 13 phointe le haghaidh ‘Cáilíocht dhearadh agus chur chun feidhme an tionscadail’ agus 11 phointe le haghaidh na gcatagóirí ‘Cáilíocht na comhpháirtíochta agus na socruithe comhair’ agus ‘tionchar’. 

Bunófar na tograí ex aequo de réir na scór a ndámhfar orthu le haghaidh an chritéir dámhachtana ‘Ábharthacht’. Nuair a bheidh na scóir sin comhionann, beidh tosaíocht bunaithe ar a scóir le haghaidh an chritéir ‘Cáilíocht dhearadh agus chur chun feidhme an tionscadail’. Nuair a bheidh na scóir sin comhionann, beidh tosaíocht bunaithe ar a scóir le haghaidh an chritéir ‘Tionchar’.

Mura bhfágann sé sin go mbeifear in ann an tosaíocht a chinneadh, féadfar tosaíocht bhreise a chur in ord trí phunann fhoriomlán an tionscadail a mheas agus trí shinéirgí dearfacha a chruthú idir tionscadail, nó tosca eile a bhaineann le cuspóirí an ghlao. Déanfar na tosca sin a dhoiciméadú sa tuarascáil phainéil. 

Laistigh de theorainneacha na gcreataí dlíthiúla náisiúnta agus Eorpacha atá ann cheana, ba cheart torthaí a chur ar fáil mar acmhainní oscailte oideachais (AOO) agus ar ardáin ábhartha na n‑údarás gairmiúil, earnála nó inniúil chomh maith. Maidir leis na sonraí, na hábhair, na doiciméid agus na gníomhaíochtaí closamhairc agus ar na meáin shóisialta a tháirgfear, tabharfar tuairisc sa togra ar conas a chuirfear ar fáil iad gan srian agus conas a chuirfear chun cinn iad trí cheadúnais oscailte, agus gan teorainneacha díréireacha ann.

An Séala Barr Feabhais

Maidir leis na tograí tionscadail, a ndearnadh meastóireacht orthu agus a bhí os cionn na dtairseach cáilíochta, le scór iomlán a bhí cothrom le 75 nó níos mó ná sin, tograí nach féidir a mhaoiniú faoi Erasmus+ de bharr easpa buiséid faoin nglao seo ar thograí, féadfar deimhniú ar Shéala Barr Feabhais a bhronnadh air chun dearbhú a thabhairt maidir le cáilíocht an togra agus chun maoiniú eile ar an leibhéal náisiúnta nó réigiúnach a éascú. 

Is deimhniú lipéid cáilíochta é an Séala Barr Feabhais a bhronntar ar thograí tionscadail ardcháilíochta nach féidir a mhaoiniú faoi Erasmus+ toisc nach bhfuil cistí leordhóthanacha ann⁷³ . Leagtar síos leis an lipéad cáilíocht an togra agus éascaítear an cuardach le haghaidh maoiniú malartach leis. Féadfaidh comhlachtaí maoinithe ar leibhéal náisiúnta nó réigiúnach cinneadh a dhéanamh togra an tionscadail ag a bhfuil Séala a mhaoiniú go díreach ar bhonn an phróisis meastóireachta ardcháilíochta arna dhéanamh ag saineolaithe neamhspleácha an Choimisiúin, gan próiseas meastóireachta iomlán nua a dhéanamh. Le bronnadh an tSéala Barr Feabhais, d’fhéadfaí maoiniú malartach ó Chiste Forbraíochta Réigiúnaí na hEorpa (CFRE) nó ó Chiste Sóisialta na hEorpa Plus (CSE+) a éascú freisin⁷⁴ . 

Ba cheart iarratasóirí a chur ar an eolas nach dtugtar ráthaíocht maidir le maoiniú uathoibríoch eile le bronnadh deimhniú Séala Barr Feabhais, toisc go bhfuil an cinneadh maidir le maoiniú féideartha tograí tionscadail is sealbhóir Séala go hiomlán faoi lánrogha Údaráis Bainistíochta na gCistí Beartais Comhtháthaithe, faoi CFRE nó CSE+, nó comhlachtaí maoiniúcháin eile ar an leibhéal náisiúnta nó réigiúnach.  

Má thugann an t‑iarratasóir réamh‑údarú san fhoirm iarratais, féadfar sonraí an togra tionscadail is sealbhóir Séala a roinnt le hÚdaráis Bainistíochta na gCistí Beartais Comhtháthaithe ar leibhéal náisiúnta nó réigiúnach trí na Gníomhaireachtaí Náisiúnta, agus rialacha lena rialaítear rúndacht an togra agus cosaint sonraí pearsanta á gcomhlíonadh ina n‑iomláine. 

Leanann an ghníomhaíocht seo samhail maoiniúcháin cnapshuime. Cinnfear méid na ranníocaíochta cnapshuime aonair le haghaidh gach deontais bunaithe ar bhuiséad measta na gníomhaíochta atá beartaithe ag an iarratasóir. Socróidh an t‑údarás deonúcháin an méid ar bhonn bhuiséad measta an tionscadail, ar thoradh na meastóireachta agus ar ráta maoiniúcháin 80 %.

Is é EUR 4 000 000 an deontas uasta ón Aontas in aghaidh an tionscadail. 

Ní cheadaítear tacaíocht airgeadais do thríú páirtithe i bhfoirm deontas nó duaiseanna.

Ní cheadaítear costais le haghaidh iniúchtaí airgeadais.

Ceadaítear costais oibrithe deonacha. Is i bhfoirm costas aonaid a bheidh siad mar a shainmhínítear sa Chinneadh ón gCoimisiún maidir le costais aonaid le haghaidh oibrithe deonacha⁷⁵  

Ceadaítear costas aonaid FBM le haghaidh úinéirí FBM. Ba cheart iad a bheith i bhfoirm costas aonaid, mar a shainmhínítear sa Chinneadh ón gCoimisiún maidir le costais aonaid le haghaidh úinéirí FBManna⁷⁶ .

Sa phacáiste oibre ábhartha, ba cheart costais le haghaidh cruinniú bliantúil amháin ar a laghad a chuimsiú (ionadaí amháin ó gach comhpháirtí iomlán den tionscadal) atá eagraithe nó molta ag an gCoimisiún Eorpach/an Ghníomhaireacht Feidhmiúcháin Eorpach um Oideachas agus Cultúr chun dea‑chleachtais agus foghlaim fhrithpháirteach a mhalartú idir Ionaid Barr Feabhais Gairme.

Ní mór d’iarratasóirí tábla buiséid mionsonraithe a líonadh isteach de réir na foirme iarratais, agus na pointí seo a leanas á gcur san áireamh: 

1. Ba cheart an oiread mionsonraí agus is gá a bheith sa bhuiséad ón tairbhí/ó na tairbhithe agus é eagraithe i bpacáistí oibre comhleanúnacha (agus iad roinnte mar a leanas: ‘bainistiú tionscadail’, ‘oiliúint’, ‘eagrú imeachtaí’, ‘ullmhú agus cur chun feidhme na soghluaisteachta’, ‘cumarsáid agus scaipeadh’, ‘dearbhú cáilíochta’, srl. mar shampla);
2. Leis an togra ní mór tuairisc a thabhairt ar na gníomhaíochtaí a chumhdaítear le gach pacáiste oibre;
3. Ní mór d’iarratasóirí miondealú ar an gcnapshuim a sholáthar ina dtogra lena léirítear an scair in aghaidh an phacáiste oibre (agus, laistigh de gach pacáiste oibre, an scair atá sannta do gach tairbhí agus eintiteas cleamhnaithe);
4. Sna costais ar a dtugtar tuairisc is féidir costais ball foirne, costais taistil agus chothaithe, costais trealaimh agus fochonraitheoireachta mar aon le costais eile (mar shampla scaipeadh eolais, foilsiú, aistriú) a chumhdach.

Déanfar meastóireacht ar thograí de réir na bpróiseas meastóireachta caighdeánach le cuidiú ó shaineolaithe inmheánacha agus/nó seachtracha. Déanfaidh na saineolaithe measúnú ar cháilíocht na dtograí de réir na gceanglas a shainítear sa ghlao agus thionchar, cháilíocht agus éifeachtúlacht mheasta na gníomhaíochta.

I ndiaidh na meastóireachta ar an togra, cinnfidh an t‑oifigeach údarúcháin méid na cnapshuime, agus torthaí an mheasúnúcháin a rinneadh á gcur san áireamh. 

Socrófar paraiméadair an deontais (uasmhéid deontais, ráta maoiniúcháin, costais incháilithe iomlána, srl.) sa chomhaontú deontais. Féach Cuid C den Treoir Cláir seo, an roinn ‘Costais dhíreacha incháilithe’. 

Déanfar meastóireacht ar éachtaí an tionscadail de réir na dtorthaí a chuirtear i gcrích. Leis an scéim maoiniúcháin sin, féadfar díriú ar na haschuir seachas ar na hionchuir, rud a chuirfeadh béim ar cháilíocht agus leibhéal gnóthachtála cuspóirí intomhaiste.

Tugtar tuairisc ar níos mó mionsonraí i samhail an Chomhaontaithe Deontais atá le fáil ar Thairseach an Aontais um Dheiseanna Cistiúcháin agus Tairisceana.

Footnote

1. https://eur-lex.europa.eu/legal-content/EN/TXT/?uri=CELEX%3A32020H1202%2801%29 ↩ back
2. https://www.cedefop.europa.eu/files/osnabrueck_declaration_eu2020.pdf ↩ back
3. Féach an bróisiúr maidir le  scileanna gairmoideachais agus gairmoiliúna  don  lá atá inniu ann agus don todhchaí ↩ back
4. https://commission.europa.eu / publications/communication-skills-and-talent-mobility_en ↩ back
5. https://eur-lex.europa.eu/legal-content/EN/TXT/?uri=C E LEX:32018H0502(01) ↩ back
6. Is é an sainmhíniú atá ar  éiceachórais scileanna  foirmithe sóisialta réigiúnacha nó earnála ina bhforbraítear agus ina n‑úsáidtear cumas an duine chun críocha táirgeachta (Finegold 1999). Bunghnéithe na  n éiceachóras scileanna sin is ea timpeallachtaí gnó agus samhlacha gnó comhlachaithe, creataí institiúideacha/beartas, modhanna chun saothar a úsáid, struchtúr na bpost, chomh maith leis an leibhéal scileanna agus córas lena bhfoirmiú ( Buchanan et al. 2001 ). Féach  Treoraíocht le haghaidh cur chuige éiceachórais scileanna maidir le forbairt an luchta saothair ↩ back
7. Beartas um Fhorbairt Réigiúnach  – Forbairt réigiúnach , is téarma leathan é sin ach is féidir é a mheas mar iarracht ghinearálta chun éagothromaíochtaí réigiúnacha a laghdú trí thacaíocht a thabhairt (fostaíocht agus giniúint saibhris) do ghníomhaíochtaí eacnamaíocha i réigiúin. ↩ back
8. Nuálaíocht , is é sin cur chun feidhme táirge (earra nó seirbhís) nua nó táirge (earra nó seirbhís) ar a ndearnadh feabhas suntasach, nó cur chun feidhme próisis, modha margaíochta nua, nó modha eagraíochtúil nua i gcleachtais ghnó, in eagrú ionaid oibre nó i gcaidrimh sheachtracha. ↩ back
9. Speisialú Cliste , is cur chuige áitbhunaithe é arb é is saintréith dó réimsí straitéiseacha a shainaithint le haghaidh idirghabhála bunaithe ar an anailís ar bhuanna agus acmhainn an gheilleagair agus ar Phróiseas Fionnachtana Fiontraíochta a bhfuil go leor páirtithe leasmhara rannpháirteach ann. Is cur chuige oscailte agus lena gcuimsítear tuiscint leathan ar an nuálaíocht. ↩ back
10. Braislí  tionsclaíocha, is grúpaí d’fhiontair speisialaithe, FBManna de ghnáth, agus gníomhairí gaolmhara a dtacaítear leo i suíomh a oibríonn i gcomhar go dlúth iad. Tá thart ar 3,000 braisle speisialaithe san Eoraip. Aithníonn beartas tionsclaíoch athnuaite an Aontais na braislí mar uirlis chumhachtach chun tacú le nuálaíocht thionsclaíoch. Féach  Ardán Comhair do Bhraislí Fiontar Eorpacha  (ECCP). ↩ back
11. Féach  Education in the knowledge triangle ↩ back
12. Mar a shainmhínítear sa  Mholadh ón gComhairle an 22 Bealtaine 2018 maidir le príomhinniúlachtaí  i dtaca le foghlaim ar feadh an tsaoil ↩ back
13. Féach obair Fhondúireacht Oiliúna na hEorpa dar teideal  Public-Private Partnerships for inclusive skills development ↩ back
14. Féach mar shampla  an Chomhpháirtíocht Eorpach um Nuáil (EIP‑AGRI)  talmhaíochta a oibríonn chun feirmeoireacht agus foraoiseacht iomaíoch inbhuanaithe a chothú. ↩ back
15. Féach 14 éiceachóras thionsclaíocha mar a thuairiscítear sa  Teachtaireacht ón gCoimisiún maidir le Stráitéis Tionsclaíochta Nua 2020 a Thabhairt Cothrom le Dáta , chomh maith le SWD(2021) 351, Tuarascáil Bhliantúil ar an Margadh Aonair 2021 ↩ back
16. Féach Dearbhú Bheirlín maidir le  hOideachas le haghaidh SFI ↩ back
17. https://new-european-bauhaus.europa.eu/index_ga ↩ back
18. Mar shampla EQF, EQAVET, an Moladh ón gComhairle maidir le Creat Eorpach do Phrintíseachtaí Ardchaighdeáin agus Éifeachtacha, an Moladh ón gComhairle maidir le príomhinniúlachtaí, srl. ↩ back
19. https://ec.europa.eu/social/BlobServlet?docId=25692&langId=ga ;  https://ec.europa.eu/social/BlobServlet?docId=25693&langId=ga ;  https://ec.europa.eu/social/BlobServlet?docId=26252&langId=ga ;  https://ec.europa.eu/social/BlobServlet?docId=26951&langId=en ↩ back
20. Is féidir gníomhaíochtaí eile a chomhaontaítear i measc na gcomhpháirtithe a chur leo freisin. ↩ back
21. Féach obair Cedefop maidir le  Scileanna don mhargadh saothair , agus  Meaitseáil scileanna ↩ back
22. https://ec.europa.eu/social/main.jsp?catId=1415&langId=en ↩ back
23. Mar a shainmhínítear sa  Mholadh ón gComhairle an 22 Bealtaine 2018 maidir le príomhinniúlachtaí i dtaca le foghlaim ar feadh an tsaoil ↩ back
24. Féach foilseacháin Cedefop maidir le ‘ Digital, greener and more resilient ’ and on ‘ The green employment and skills transformation ’ as well as the      ESCO   taxonomy of skills for the green transition . ↩ back
25. ILO Guide on making  TVET and skills development inclusive for all ↩ back
26. Trí uirlisí  Faisnéis Scileanna  atá ann cheana, cuir i gcás na cinn a chuireann  uirlis OVATE  Cedefop ar fáil a fhorbairt, agus tionscnaimh Scileanna eile arb é is aidhm dóibh oiliúint atá ábhartha don mhargadh saothair a sholáthar (mar shampla,  Comhshocrú um Scileanna  agus an Treoirphlean Earnálach) ↩ back
27. Féach  Process model for the cooperation between gairmoideachais agus gairmoiliúna and HE institutions  agus an staidéar atá le teacht ó ECFE maidir le ‘Pathways to Professions: Understanding higher vocational and professional tertiary education systems’. ↩ back
28. Féach Michele Schweisfurtha in  Learner-Centred Education in International Perspective ↩ back
29. Féach      sampla  na Fionlainne. ↩ back
30. Lena gcuimsítear ‘idirnáisiúnú sa bhaile’, a shainmhínítear mar ‘comhtháthú fiúntach d’éirimí idirnáisiúnta agus idirchultúrtha sa churaclam foirmiúil agus neamhfhoirmiúil do na mic léinn uile laistigh de thimpeallachtaí foghlama intíre’.  Féach Beelen & Jones , 2015 ↩ back
31. Féach foilseachán ETF ‘A handbook for policy makers and social partners’ maidir le f oghlaim obairbhunaithe ↩ back
32. Tuairiscítear i bpróifílí Láir Gairme Eorpaigh tacair príomhthorthaí foghlama a thagann le próifílí gairme atá coitianta agus ábhartha maidir le cláir ghairmoideachais agus ghairmoiliúna náisiúnta ar fud thíortha an Aontais i réimsí ceirde/gairme sonracha. ↩ back
33. Féach staidéar Cedefop maidir le      Comparing Vocational Education and Training Qualifications ↩ back
34. https://eur-lex.europa.eu/legal-content/EN/TXT/?uri=CELEX%3A32022H0627%2802%29&qid=1656349729862 ↩ back
35. Is spásanna oibre comhoibríocha iad spásanna déantóirí don déanamh, don fhoghlaim, don fhionnachtain agus don chomhroinnt (féach      Tuarascáil JRC ) ↩ back
36. Féach  The state of positive education  agus      IPEN International positive education network ↩ back
37. Féach páipéar Margherita Bacigalupo dar teideal  Competence frameworks as orienteering tools ↩ back
38. An Creat Inniúlachta Digití do Shaoránaigh ↩ back
39. EntreComp an  creat um inniúlacht fiontraíochta ↩ back
40. An  creat Eorpach um príomhinniúlacht phearsanta, shóisialta agus ag foghlaim conas foghlaim ↩ back
41. Féach an  creat Eorpach um inniúlacht inbhuaine , ‘GreenComp’, agus  Greening Technical and Vocational Education and Training:  Treoraíocht Phraictiúil le haghaidh Institiúidí ↩ back
42. An t‑eolas maidir le SELFIE don Fhoghlaim Obairbhunaithe  ar líne ↩ back
43. Féach  Déan do scileanna digiteacha a thástáil  | Europass ↩ back
44. Is gníomhaíocht atá beartaithe sa  Phlean Gníomhaíochta don Oideachas Digiteach  é EDSC ↩ back
45. Féach an sampla  Tionscnamh Barr Feabhais MBO na hÍsiltíre ↩ back
46. Tá staidéar déanta ag JRC  maidir leis an tslí a gcothaítear cruthaitheacht in LLL  lena      n áirítear sa ghairmoideachas agus gairmoiliúint ↩ back
47. Chun samplaí a fheiceáil, féach Tábla 3 i staidéar JRC, Creativity – a transversal skill for lifelong learning [An Chruithaitheacht - scil trasnaí don fhoghlaim ar feadh an tsaoil]. ↩ back
48. Féach  Obair Cedefop maidir le  forbairt ghairmiúil múinteoirí agus oiliúnóirí ↩ back
49. Féach      Conclúidí ón gComhairle      maidir le soghluaisteacht múinteoirí agus oiliúnóirí a fheabhsú, go háirithe soghluaisteacht Eorpach, le linn a n‑oideachais agus a n‑oiliúna tosaigh agus inseirbhíse ↩ back
50. Féach freisin tionscnamh an Aontais maidir le  hAcadaimh Múinteoirí ↩ back
51. Féach  rianú conairí foghlama agus gairme céimithe gairmoideachais agus gairmoiliúna  chun cáilíocht an tsoláthair gairmoideachais agus gairmoiliúna a fheabhsú,  mapáil beart rianaithe céimithe gairmoideachais agus gairmoiliúna , chomh maith le  mapáil riocht na mbeartas agus na gcleachtas rianaithe céimithe , agus an      Moladh ón gComhairle  maidir le rianú céimithe ↩ back
52. Féach  Líonra Euroguidance , an  Rún ón gComhairle  maidir le feabhsú ról na treoraíochta ar feadh an tsaoil i straitéisí foghlama ar feadh an tsaoil, an foilseachán,  Investing in career guidance  chomh maith le obair Cedefop maidir le  Lifelong Guidance ↩ back
53. Féach obair Cedefop maidir le  Bailíochtú na foghlama seachfhoirmiúla agus neamhfhoirmiúla , chomh maith leis an      Moladh ón gComhairle  maidir le bailíochtú na foghlama seachfhoirmiúla agus neamhfhoirmiúla ↩ back
54. An Chomhghuaillíocht Eorpach do Phrintíseachtaí - Fostaíocht, Gnóthaí Sóisialta agus Cuimsiú - An Coimisiún Eorpach (europa.eu) ↩ back
55. Féach  an Comhshocrú um Scileanna ↩ back
56. Féadfar a áireamh leis sin bunú agus oibriú Comhghuaillíochtaí Oiliúna (féach      samhail na hOstaire ) agus ionaid Oiliúna Idir Cuideachtaí ITC (féach  samhail na Gearmáine ). Féach freisin  sampla na hÍsiltíre maidir le comhpháirtíochtaí idir Gnó agus Oideachas san earnáil TCF ↩ back
57. Féach sampla choláistí agus institiúidí Cheanada a bhaineann úsáid as      taighde feidhmeach  chun a gcumas a neartú maidir le nuáil agus leas a bhaint as a naisc láidre sa phobal agus sa tionscal, agus foilseachán NCVER,  Developing VET applied research : céimeanna i dtreo ról an ghairmoideachas agus na gairmoiliúna a fheabhsú sa chóras oideachais chomh maith le      FBManna agus TAFEnna ag oibriú i gcomhair trí thaighde feidhmeach le haghaidh fás ↩ back
58. Féach an sampla ó Fraunhofer maidir le      haistriú eolais ó thaighde institiúidí go cuideachtaí príobháideacha ↩ back
59. Féach      Beartas luachála an Aontais Eorpaigh : torthaí taighde a chur ag obair don tsochaí agus an      Commission recommendation on a code of practice on industry-academia co-creation for knowledge valorisation  [Moladh ón gCoimisiún maidir le cód cleachtais i ndáil le comhchruthú idir an earnáil tionsclaíochta agus an saol acadúil ar mhaithe le luachshocrú eolais] ↩ back
60. Féach  GO-international – A practical guide on strategic internationalisation in VET ↩ back
61. Féach  Caighdeáin Cháilíochta Erasmus  – tionscadal soghluaisteachta – gairmoideachas agus gairmoiliúint, daoine fásta, scoileanna agus samhlacha le haghaidh  Comhaontuithe soghluaisteachta agus foghlama ↩ back
62. Féach      Practical guide on Entrepreneurial learning for TVET institutions  ó UNESCO-UNEVOC ↩ back
63. Féach      EntreComp : an creat um inniúlacht fiontraíochta. Féach  JA Europe  maidir le daoine a ullmhú le haghaidh fostaíochta agus fiontraíochta ↩ back
64. Féach an tuarascáil deiridh maidir le  Fiontraíocht i nGairmoideachas agus Gairmoiliúint , sampla  phlean náisiúnta gníomhaíochta na hOstaire  le haghaidh oideachais fiontraíochta, agus  A guide for fostering entrepreneurship education ↩ back
65. Féach an sampla de  Sommer der Berufsausbildung  na Gearmáine ↩ back
66. Féach an sampla  Campa samhraidh ,  Campa teicneolaíochta , agus  Campa samhraidh do pháistí atá faoi mhíchumas . ↩ back
67. Neamhspleáchas oideolaíochta, airgeadais agus bainistíochta oibriúcháin a chur san áireamh, neamhspleáchas a thagann le sásraí éifeachtacha freagrachta. Féach freisin GEORG SPÖTTL in  Uathriail (Gairm) Scoileanna mar Fhreagra ar Athruithe Struchtúrtha ↩ back
68. Féach samplaí  Cheanada agus Shingeapór ↩ back
69. Féach  Pobail Cleachtais na nIonad Barr Feabhais Gairme (copcoves.eu) ↩ back
70. Féach  OECD Education GPS , agus  Funding Mechanisms for Financing Vocational Training:  Creat Analíse ↩ back
71. https://eur-lex.europa.eu/legal-content/EN/TXT/PDF/?uri=uriserv:OJ.C_.2020.417.01.0001.01.ENG ↩ back
72. https://www.cedefop.europa.eu/files/osnabrueck_declaration_eu2020.pdf ↩ back
73. Airteagal 32(3) de Rialachán Erasmus+ (AE) 2021/817 ↩ back
74. Airteagal 73(4) de Rialachán na bhForálacha Coiteanna (CPR) (AE) 2021/1060,  EUR-Lex - 32021R1060 - GA - EUR-Lex (europa.eu) . ↩ back
75. https://ec.europa.eu/info/funding-tenders/opportunities/docs/2021-2027/common/guidance/unit-cost-decision-volunteers_en.pdf ↩ back
76. unit-cost-decision-sme-owners-natural-persons_en.pdf (europa.eu) ↩ back