Skip to main content

Erasmus+

EU programme for education, training, youth and sport

Tweġiba għall-mistoqsijiet tiegħek

Hawn taħt għandek issib it-tweġibiet għal uħud mill-aktar mistoqsijiet li saru dwar il-programm Erasmus+. Din hi biss għażla għalhekk jekk jogħġbok iċċekkja t-taqsima Opportunitajiet jew ikkuntattja lit-taqsima Kuntatt, jekk ma tistax issib dak li qed tfittex.

Ibbrawżja l-mistoqsijiet biex tara jekk it-tweġiba li qed tfittex diġà teżistix.

Qed tfittex informazzjoni dwar l-impatt tal-coronavirus fuq l-attivitajiet ta’ Erasmus+ u tal-Korp Ewropew ta’ Solidarjetà? Iċċekkja l-paġna dwar l-impatt tal-coronavirus.

Mistoqsijiet frekwenti

Individwi minn pajjiżi mhux tal-UE jistgħu jipparteċipaw fil-biċċa l-kbira tal-opportunitajiet jekk huma minn Pajjiż tal-programm. Jeżistu wkoll xi opportunitajiet, bħal iżda mhux limitati għal Lawrja Master Konġunta tal-Erasmus Mundus, miftuħin għal ċittadini minn Pajjiżi sħab; se jkollok bżonn tiċċekkja l-paġni ta’ opportunità għal għal aktar informazzjoni, billi l-eliġibilità tvarja bejn l-opportunitajiet.

L-organizzazzjonijiet mill-biċċa l-kbira tal-pajjiżi tad-dinja, inklużi l-biċċa l-kbira tal-pajjiżi tal-Afrika, jistgħu jipparteċipaw fil-Programm. L-eliġibilità tvarja minn opportunità għal opportunità għalhekk hu l-aħjar li tivverifika l-informazzjoni fil-paġna ta’ opportunità, jew fil-Gwida tal-Programm.

Il-proċess ta’ applikazzjoni għal Erasmus+ ivarja skont jekk intix individwu jew organizzazjoni u jiddependi fuq jekk l-opportunità ta’ finanzjament hix immaniġġjata mill-Aġenziji Nazzjonali jew mill-Aġenzija Eżekuttiva għall-Edukazzjoni, l-Awdjoviżiv u l-Kultura. Aktar informazzjoni dwar il-proċess ta’ applikazzjoni, inklużi templates u formoli ta’ applikazzjoni mudell, jinsabu fit-taqsima Kif tapplika.

L-għodda tal-Kalkulatur tad-Distanza. Id-distanzi kollha se jintwerew bħala linja dritta.

L-informazzjoni dwar is-Sistema Ewropea għall-Akkumulazzjoni u t-Trasferiment ta' Kredits hi disponibbli fis-sit web tal-Edukazzjoni u t-Taħriġ.

L-organizzazzjonijiet mill-biċċa l-kbira tal-pajjiżi tad-dinja, inklużi l-biċċa l-kbira tal-pajjiżi tal-Afrika, jistgħu jipparteċipaw fil-Programm. L-eliġibilità tvarja minn opportunità għal opportunità għalhekk hu l-aħjar li tivverifika l-informazzjoni fil-paġna ta’ opportunità, jew fil-Gwida tal-Programm.

L-Aġenziji Nazzjonali huma disponibbli fil-Pajjiżi tal-programm biss; pajjiżi oħrajn għandu mnejn ikollhom Uffiċċju Nazzjonali ta’ Erasmus+. Jekk dan mhux il-każ, jekk int individwu, l-aħjar li tikkuntattja l-istituzzjoni jew l-organizzazzjoni ta’ edukazzjoni, taħriġ, żgħażagħ jew sport tiegħek. Jekk tirrappreżenta organizzazzjoni, tista’ tikkuntattja l-Kummissjoni Ewropea permezz ta’ EuropeDirect.

L-organizzazzjonijiet li jixtiequ jieħdu sehem fl-Erasmus+ iridu l-ewwel jirreġistraw. 

Fejn tirreġistra se jiddependi fuq jekk l-azzjoni li għaliha tixtieq tapplika hijiex ġestita mill-Aġenzija Eżekuttiva għall-Edukazzjoni, l-Awdjoviżiv u l-Kultura (EACEA) jew minn Aġenzija Nazzjonali

Ara r-Reġistrazzjoni tal-Organizzazzjonijiet għal aktar informazzjoni.