Dírítear ar an leathanach seo ar threoir a thabhairt d’eagraíochtaí chun iarratas a dhéanamh ar dheontais agus ar ghlaonna faoi Erasmus+ agus faoin gCór Dlúthpháirtíochta Eorpach.
Más spéis leat iarratas a dhéanamh mar dhuine aonair ar cheann de na cláir sin, féach ‘Conas páirt a ghlacadh’.
Cuir d’iarratas i gcomparáid leis an Treoirleabhar
Déanfar d’iarratas a mheas ar bhonn na gcritéar ar a bhfuil cur síos sa Treoirleabhar.
Nuair atá iarratas á scríobh agat, ba cheart duit dá bhrí sin eolas a chur ar na ranna a bhaineann le d’iarratas, na ranna maidir le gníomhaíochtaí sonracha agus eolas eile d’iarratasóirí ina measc.
Foirmeacha iarratais
Beidh ort foirm iarratais ar leith a líonadh isteach, ach sin ag brath ar cén chuid den chlár is mian leat cur isteach uirthi.
I gcás gníomhaíochtaí díláraithe a ndéanann na Gníomhaireachtaí Náisiúnta bainistiú orthu, déan iarratas trí leathanach Erasmus+ agus trí leathanach an Chóir Dlúthpháirtíochta Eorpaigh.
I gcás gníomhaíochtaí láraithe a bhainistíonn an Ghníomhaireacht Feidhmiúcháin Eorpach um Oideachas agus Cultúr, tabhair cuairt ar an leathanach ‘Conas deontas a fháil’ de chuid na Gníomhaireachta Feidhmiúcháin.
Cé hiad féin?
Féadfaidh tú féachaint cén ghníomaíocht atá á bainistiú ag Gníomhaireachtaí Náisiúnta (díláraithe) nó ag an nGníomhaireacht Feidhmiúcháin (láraithe).
Féach cé a bhainistíonn an ghníomhaíocht agus cá háit is ceart iarratas a dhéanamh
Ná déan dearmad
Déan deimhin de gur chláraigh tú d’eagraíocht cheana féin sula dtosaíonn tú ar d’iarratas.
Iarratas a dhéanamh le comhpháirtí tionscadail
Cuidíonn an cuardach comhpháirtí ar an tairseach ‘Maoiniúchán agus Tairiscintí’ de chuid an Aontais leat comhpháirtithe féideartha a chuardach do do thogra.
Tar éis duit iarratas a dhéanamh
Féach an méid a tharlóidh