Chun deontas ón Aontas a iarraidh faoi Chlár Erasmus+, ní mór d’iarratasóirí úsáid a bhaint as na foirmeacha sonracha le haghaidh gach gníomhaíocht:

I gcás gníomhaíochtaí atá á mbainistiú ag an Gníomhaireacht Feidhmiúcháin, ní mór iarratais a chur isteach go leictreonachtríd an Tairseach um Dheiseanna Cistiúcháin agus Tairisceana i dtaca leis an nGlao ábhartha ar thograí¹ . Ní mór iarratais (lena n‑áirítear iarscríbhinní agus doiciméid tacaíochta) a chur isteach agus úsáid á baint as na foirmeacha a sholáthraítear sa Chóras Aighneachta Tairiscintí. Chun breis eolais a fháil faoin bpróiseas le hiarratais a chur isteach (agus gnéithe TF san áireamh), féach an Lámhleabhar ar Líne atá le fáil ag https://ec.europa.eu/info/funding-tenders/opportunities/docs/2021-2027/common/guidance/om_en.pdf.

I gcás gníomhaíochtaí atá á mbainistiú ag Gníomhaireachtaí Náisiúnta Erasmus+, ní mór iarratais (agus iarscríbhinní agus doiciméid tacaíochta san áireamh) a chur isteach go leictreonachtrí na foirmeacha iarratais atá le fáil sa rannán Deiseanna ar shuíomh gréasáin Erasmus+ agus an Chóir Dlúthpháirtíochta Eorpaigh² . Chun breis eolais a fháil faoin bpróiseas le hiarratais a chur isteach, féach treoracha Erasmus+ agus an Chóir Dlúthpháirtíochta Eorpaigh atá le fáil ag https://wikis.ec.europa.eu/display/NAITDOC .

I gcás tionscadail arna gcur isteach ag cuibhreannas, cuireann an comhordaitheoir aon iarratas amháin isteach le haghaidh an tionscadail thar ceann na gcomhaltaí uile. Ní mór an t‑iarratas a chur faoi bhráid na Gníomhaireachta Náisiúnta nó Feidhmiúcháin (féach na ranna ‘Cén áit ar féidir iarratas a dhéanamh?’ le haghaidh gach Gníomhaíochta i gCuid B den Treoir seo).

Ní ghlacfar le hiarratais a chuirtear isteach sa phost, le seirbhís cúiréireachta, facs nó ríomhphost.

I gcás gníomhaíochtaí a bhainistíonn an Ghníomhaireacht Náisiúnta, ní mór an fhoirm leictreonach a líonadh isteach i gceann de na teangacha oifigiúla a úsáidtear i mBallstáit den Aontas agus i dtríú tíortha atá comhlachaithe leis an gClár. I gcás gníomhaíochtaí a bhainistíonn an Ghníomhaireacht Feidhmiúcháin, ní mór d’iarratasóirí an fhoirm a líonadh isteach i gceann de theangacha oifigiúla an Aontais. Mar sin féin, ba cheart achoimre an tionscadail a bheith i mBéarla i gcónaí.

Ní mór iarratais a chur faoi bhráid Gníomhaireacht Náisiúnta amháin nó na Gníomhaireachta Feidhmiúcháin, agus an Ghníomhaireacht sin amháin. I gcás tíolacthaí iolracha den iarratas céanna sa bhabhta roghnúcháin céanna chuig an nGníomhaireacht Náisiúnta nó chuig an nGníomhaireacht Feidhmiúcháin chéanna, measfaidh an Ghníomhaireacht Náisiúnta nó Feidhmiúcháin mar a bheith bailí an leagan deiridh a cuireadh isteach roimh an sprioc‑am. I gcás ina gcuirtear na hiarratais chéanna nó iarratais an‑chomhchosúla de chuid na heagraíochta céanna is iarratasóir nó an chuibhreannais chéanna faoi bhráid Gníomhaireachtaí Náisiúnta éagsúla an iliomad uaireanta, is féidir go ndiúltófar go huathoibríoch do na hiarratais uile (féach an roinn maidir le dámhachtain neamhcharnach).

Cloígh leis an sprioc‑am

Ní mór an t‑iarratas a chur isteach faoin sprioc‑am a leagtar amach le haghaidh gach Gníomhaíochta. Sonraítear na sprioc‑amanna chun tionscadail a chur isteach le haghaidh gach Gníomhaíochta i gCuid B, ‘Critéir Incháilitheachta’, den Treoir seo.

Iarratasóirí atá bunaithe i dtíortha i gcrios ama eile, ba cheart dóibh an difríocht ama a chur san áireamh go cúramach ionas nach ndiúltófar dá n‑iarratas.

Footnote

1. Téigh chuig na foirmeacha iarratais trí rannán Thairseach an Aontais um Dheiseanna Cistiúcháin agus Tairisceana maidir le Glaonna ar thograí ag  https://ec.europa.eu/info/funding-tenders/opportunities/portal/screen/opportunities/calls-for-proposals?order=DESC&pageNumber=1&pageSize=50&sortBy=startDate&isExactMatch=true&status=31094501,31094502&frameworkProgramme=43353764 . ↩ back
2. Téigh chuig na foirmeacha iarratais tríd an roinn Deiseanna ar leathanach Erasmus+ agus an Chóir Dlúthpháirtíochta Eorpaigh ag  https://webgate.ec.europa.eu/erasmus-esc/index/ . ↩ back