Iarrtar ar na hiarratasóirí ionchasacha uile a bhfuil sé i gceist acu togra tionscadail a chur isteach chun tacaíocht airgeadais a fháil ón Aontas faoi Chlár Erasmus+ an roinn seo a léamh go cúramach a dréachtaíodh i gcomhréir leis na forálacha is infheidhme de Rialachán (AE, Euratom) 2024/2509 ó Pharlaimint na hEorpa agus ón gComhairle an 23 Meán Fómhair 2024 is infheidhme maidir le buiséad ginearálta an Aontais Eorpaigh¹ (dá ngairtear ‘Rialachán Airgeadais an Aontais’ anseo feasta). 

Maidir leis na forálacha conarthacha agus airgeadais uile ag a bhfuil feidhm maidir leis na deontais a dhámhtar, cuirtear i láthair sna comhaontuithe deontais samplacha iad, ar comhaontuithe iad a chuirtear ar fáil le haghaidh tionscadail arna gcur chun feidhme ag an nGníomhaireacht Feidhmiúcháin (EACEA) i dTairseach an Aontais um Dheiseanna Cistiúcháin agus Tairisceana² agus i gcás tionscadail arna gcur chun feidhme ag na Gníomhaireachtaí Náisiúnta ar shuíomh gréasáin na Gníomhaireachta Náisiúnta Erasmus+ ábhartha³ . I gcás neamhréireachtaí leis an eolas a chuirtear i láthair sa Treoir seo, tá tosaíocht ag forálacha na gcomhaontuithe deontais samplacha ar fhorálacha Chuid C.

Footnote

1. Rialachán (AE, Euratom) Uimh. 2024/2509 ó Pharlaimint na hEorpa agus ón gComhairle an 23 Meán Fómhair 2024 maidir leis na rialacha airgeadais is infheidhme maidir le buiséad ginearálta an Aontais (athmhúnlú) IO L 2024/2509, 26.0.2024. Tá Rialachán Airgeadais an Aontais le fáil ag:  https://eur-lex.europa.eu/legal-content/GA/TXT/?uri=OJ:L_202402509 ↩ back
2. Tairseach an Aontais um Dheiseanna Cistiúcháin agus Tairisceana: https://ec.europa.eu/info/funding-tenders/opportunities/portal/screen/home ↩ back
3. Gníomhaireachtaí Náisiúnta Erasmus+:  https://erasmus-plus.ec.europa.eu/ga/contacts/national-agencies?facets__permanent%7Cfield_eac_topics=1964 ↩ back