Céim 1: Clárú
Mura bhfuil an méid sin déanta cheana, ní mór do gach iarratasóir clárú ar https://webgate.ec.europa.eu/erasmus-esc .
Le haghaidh gníomhaíochtaí a bhainistíonn an Ghníomhaireacht Feidhmiúcháin
Chun clárú ar an Tairseach um Dheiseanna Cistiúcháin agus Tairisceana, ní mór d’ionadaí dlíthiúil an iarratasóra na bearta seo a leanas a dhéanamh:
- Cuntas úsáideora a chruthú, mar a ghairtear de, cuntas EU Login (mura bhfuil cuntas ag an duine atá ina ionadaí don iarratasóir cheana féin). Is féidir cuntais nua EU Login a chruthú ar an suíomh gréasáin seo a leanas: https://webgate.ec.europa.eu/cas/
- Dul isteach ar an Tairseach um Dheiseanna Cistiúcháin agus Tairisceana ag: https://ec.europa.eu/info/funding‑tenders/opportunities/portal/screen/home agus clárú (más infheidhme) thar ceann na heagraíochta/an ghrúpa ar a ndéanann siad ionadaíocht. Tá Treoraíocht agus Ceisteanna Coitianta le fáil ar an tairseach.
Ní gá don iarratasóir clárú ach uair amháin trí Chlár Rannpháirtithe an Choimisiúin Eorpaigh1 . Nuair atá an clárú críochnaithe, gheobhaidh an t‑iarratasóir Cód Aitheantais Rannpháirtí2 . Aitheantóir uathúil naoi ndigit atá sa chód agus tá sé riachtanach chun iarratais a chur isteach, cuireann sé ar chumas an iarratasóra an fhoirm iarratais a líonadh isteach ar bhealach níos simplí (is é sin ach uimhir an chóid a chur isteach ar an bhfoirm, léireofar go huathoibríoch san fhoirm an t‑eolas uile a sholáthair an t‑iarratasóir ag céim an chlárúcháin).
Le haghaidh gníomhaíochtaí a bhainistíonn Gníomhaireachtaí Náisiúnta Erasmus+
Chun clárú ar chóras clárúcháin eagraíochta Erasmus+ agus an Chóir Dlúthpháirtíochta Eorpaigh, ní mór d’ionadaí dlíthiúil an iarratasóra na bearta seo a leanas a dhéanamh:
- Cuntas a chruthú ar EU Login (mura bhfuil cuntas ag an iarratasóir). Is féidir cuntais nua EU Login a chruthú ar an suíomh gréasáin seo a leanas: https://webgate.ec.europa.eu/cas/eim/external/register.cgi;
- Dul isteach sa chóras clárúcháin eagraíochta le haghaidh Erasmus+ agus an Chóir Dlúthpháirtíochta Eorpaigh https://webgate.ec.europa.eu/erasmus‑esc/index/ agus clárú (más infheidhme) thar ceann an ghrúpa/na heagraíochta ar a ndéanann sé ionadaíocht.
Ní gá don iarratasóir clárú ach uair amháin. Nuair atá an clárú críochnaithe, gheobhaidh an t‑iarratasóir sainaitheantas eagraíochta.
Is féidir le hiarratasóir a shainaitheantas eagraíochta a sheiceáil nó cuid den eolas atá nasctha léi a athrú tríd an gcóras clárúcháin eagraíochta le haghaidh Erasmus+ agus an Chóir Dlúthpháirtíochta Eorpaigh.
Ach an Sainaitheantas Eagraíochta a chur isteach san fhoirm, lódálfar an t‑eolas uile a sholáthair an t‑iarratasóir ag céim an chlárúcháin agus léireofar an t‑eolas sin san fhoirm
Cruthúnas ar an stádas dlíthiúil
Mar chuid den phróiseas clárúcháin, ní mór d’iarratasóirí na doiciméid seo a leanas a uaslódáil freisin:
- foirm an Eintitis Dhlítheanaigh (atá le híoslódáil ó shuíomh gréasáin an Choimisiúin Eorpaigh ag: http://ec.europa.eu/budget/contracts_grants/info_contracts/legal_entities/legal_entities_en.cfm). I gcás cuibhreannais, ba cheart do gach ball den chuibhreannas foirm an Eintitis Dhlítheanaigh a sholáthar;
- foirm an tSainaitheantais Airgeadais (atá le híoslódáil ó shuíomh gréasáin an Choimisiún Eorpaigh ag: http://ec.europa.eu/budget/contracts_grants/info_contracts/financial_id/financial_id_en.cfm). Líon isteach an fhoirm a bhaineann leis an tír ina bhfuil an banc, fiú amháin má tá an t‑iarratasóir cláraithe go hoifigiúil i dtír eile. I gcás cuibhreannais, níor cheart foirm an tSainaitheantais Airgeadais a sholáthar ach amháin le haghaidh an chomhordaitheora.
I gcás deontais os cionn EUR 60 000, d’fhéadfaí go mbeadh ceangal ar iarratasóirí doiciméid shonracha a uaslódáil chun cruthúnas a thabhairt ar a n‑acmhainn airgeadais. Tá tuilleadh sonraí sa roinn ‘Critéir Roghnúcháin’ thíos.