Próifíl an iarratasóra

Scoileanna agus soláthraithe gairmoideachais agus gairmoiliúna (ISCED 1 – 4) i ngach tír atá rannpháirteach sa chlár Erasmus+. Ní féidir le daoine aonair cur isteach air.

Fad tréimhse: 3 bliana

Ní mór tionscnamh foghlama Jean Monnet de chuid an Aontais a chur i bhfeidhm ar feadh 40 uair an chloig ar a laghad in aghaidh na scoilbhliana ar feadh 3 bliana as a chéile.

Uasmhéid an deontais: €30,000 (méid arb ionann agus uasmhéid 80% de na costais iomlána)

Cén cineál tionscnaimh foghlama atá incháilithe mar thionscnamh foghlama Jean Monnet de chuid an Aontais?

Ba cheart do scoileanna agus soláthraithe gairmoideachais agus gairmoiliúna cleachtais mhúinteoireachta a fhorbairt sa seomra ranga atá bunaithe ar ábhar/ábhair ar leith maidir leis an Aontas Eorpach (luachanna, stair, an chaoi a bhfeidhmíonn an tAontas, an éagsúlacht chultúrtha, i measc ábhair eile). Ní mór na gníomhaíochtaí a theagasc le linn na scoilbhliana agus d’fhéadfadh seachtainí tionscadal, cuairteanna staidéir agus gníomhaíochtaí tumoideachais eile a bheith mar chuid díobh.

Féadfaidh soláthraithe taithí foghlama a chruthú as a stuaim féin nó le tacaíocht ó institiúidí ardoideachais nó eagraíochtaí ábhartha eile (eagraíochtaí neamhrialtasacha, comhlachais, etc.).

Na torthaí ionchasacha

A bhuí le tionscnamh, ba cheart go mbeadh scoileanna agus soláthraithe gairmoideachais agus gairmoiliúna in ann an méid seo a leanas a bhaint amach:

• múinteoirí a chumasú le teagasc faoin Aontas trí úsáid a bhaint as modhanna spreagúla agus chun fíricí agus eolas maidir leis an Aontas Eorpach a chur i láthair na bhfoghlaimeoirí

• torthaí foghlama a fheabhsú i dtaca le gnóthaí an Aontais

• litearthacht a neartú san Aontas

• suim a chothú san Aontas Eorpach agus an bhunchloch a leagan síos chun rannpháirtíocht daltaí agus mac léinn a fheabhsú sa phróiseas daonlathach, sin agus iad a chumasú ar bhealach níos fearr le bheith ina saoránaigh ghníomhacha

An próiseas chun iarratas a dhéanamh

Chun tuilleadh eolais a fháil faoin bpróiseas iarratais, tabhair cuairt orthu seo

• Treoirleabhar Erasmus+, áit a gcuirtear eolas mionsonraithe ar fáil (na critéir iarratais, amlínte, na cistí atá ar fáil)

• An Ghníomhaireacht Feidhmiúcháin Eorpach um Oideachas agus Cultúr (EACEA) – is í an ghníomhaireacht feidhmiúcháin a dhéanann na hiarratais féin a bhainistiú

• Gníomhaireachtaí Náisiúnta – an pointe teagmhála áitiúil chun treoracha tacaíochta a fháil maidir leis an bpróiseas iarratais