Skip to main content

Erasmus+

EU programme for education, training, youth and sport

Search the guide

Tíortha incháilithe

Glacann Ballstáit an Aontais páirt iomlán i ngach gníomhaíocht den Chlár Erasmus+. Ina theannta sin, i gcomhréir le hAirteagal 19 de Rialachán Erasmus+, tá na tíortha seo a leanas nach bhfuil san Aontas comhlachaithe leis an gclár:

  • comhaltaí de Chomhlachas Saorthrádála na hEorpa (CSTE) atá ina gcomhaltaí den Limistéar Eorpach Eacnamaíoch (EEA): An Eilvéis, Íoslainn agus Lichtinstéin;
  • stáit aontacha, tíortha is iarrthóirí agus tíortha is iarrthóirí ionchasacha: Poblacht na Macadóine Thuaidh, Poblacht na Tuirce agus Poblacht na Seirbia.

Is éard a ghairfear ar Bhallstáit an Aontais agus ar na tríú tíortha thuasluaite agus atá comhlachaithe leis an gclár ná ‘Ballstáit an Aontais agus tríú tíortha ach atá comhlachaithe leis an gClár’.

Ina theannta sin, i gcomhréir le hAirteagal 20 den Rialachán, is féidir le heintitis dhlíthiúla ó thríú tíortha nach bhfuil comhlachaithe leis an gClár a bheith incháilithe i ngníomhaíochtaí Erasmus+ i gcásanna a bhfuil údar cuí leo agus chun leas an Aontais (dá ngairtear ‘tríú tíortha nach bhfuil comhlachaithe leis an gClár’) anseo feasta.

Ballstáit an Aontais Eorpaigh Agus tríú tíortha ach atá comhlachaithe leis an gClár

Is féidir leis na tíortha seo a leanas páirt iomlán a ghlacadh i ngach Gníomhaíocht de chuid Chlár Erasmus+:

Ballstáit an Aontais Eorpaigh (AE)1

An Bheilg, An Bhulgáir, An tSeicia , An Danmhairg, An Ghearmáin, An Eastóin, Éire An Ghréig, An Spáinn, An Fhrainc, An Chróit, An Iodáil, An Chipir, An Laitvia, An Liotuáin, Lucsamburg, An Ungáir, Málta, An Ísiltír, An Ostair, An Pholainn, An Phortaingéil, An Rómáin, An tSlóivéin, An tSlóvaic, An Fhionlainn, An tSualainn

Tríú tíortha ach atá comhlachaithe leis an gClár2

  • An Mhacadóin Thuaidh
  • An tSeirbia
  • An Íoslainn
  • Lichtinstéin
  • An Iorua
  • An Tuirc

Tríú tíortha nach bhfuil comhlachaithe leis an gClár

Is féidir leis na tíortha seo a leanas páirt a ghlacadh i nGníomhaíochtaí áirithe de chuid an chláir, faoi réir critéir nó coinníollacha sonracha (féach Cuid B den Treoir seo chun an liosta beacht ar na tíortha incháilithe le haghaidh gach gníomhaíochta sonraí a fháil). Déanfar maoiniú a leithdháileadh ar eagraíochtaí sna tíortha laistigh dá gcríocha mar a aithnítear sa dlí idirnáisiúnta. Ní mór don mhaoiniú cloí le haon srian ar chúnamh seachtrach ón Aontas arna fhorchur ag an gComhairle Eorpach. Ní mór na hiarratais a bheith i gcomhréir le luachanna foriomlána an Aontais a bhaineann leis an meas ar dhínit an duine, leis an tsaoirse, leis an daonlathas, leis an gcomhionannas, leis an smacht reachta agus leis an meas ar chearta an duine, lena n‑áirítear cearta daoine ar de ghrúpaí mionlaigh iad mar a fhoráiltear in Airteagal 2 den Chonradh ar an Aontas Eorpach.

Tá na tríú tíortha nach bhfuil comhlachaithe leis an gClár i ngrúpa nua de réir ionstraimí gníomhaíochta seachtraí an Aontas, is iad sin an Ionstraim um Chomharsanacht, Forbairt agus Comhar Idirnáisiúnta – Ionstraim na hEorpa Domhanda (NDICI-an Eoraip Dhomhanda)3  agus an Ionstraim um Chúnamh Réamhaontachais (IPAIII)4 .

Na Balcáin Thiar (Réigiún 1)

An Albáin, an Bhoisnia agus an Heirseagaivéin, an Chosaiv5 , Montainéagró

Comharsanacht an Oirthir (Réigiún 2)

An Airméin, an Asarbaiseáin, an Bhealarúis6 , Críoch na hÚcráine mar a aithnítear leis an dlí idirnáisiúnta, an Mholdóiv, an tSeoirsia

Tíortha i nDeisceart na Meánmhara (Réigiún 3)

An Ailgéir, an Éigipt, Iosrael7 , an Iordáin, an Liobáin, an Libia, Maracó, an Phalaistín8 , an tSiria9 ​​​​​​​, an Túinéis

Cónaidhm na Rúise (Réigiún 4)

Críoch na Rúise mar a aithnítear leis an dlí idirnáisiúnta

Réigiún 5 An Áise10

  • An Bhanglaidéis, an Bhútáin, an Chambóid, Daon‑Phoblacht Dhaonlathach (DPD) na Cóiré, an India, an Indinéis, Laos, Maenmar, an Mhalaeisia, an Mhongóil, Neipeal, na hOileáin Fhilipíneacha, an Phacastáin, an tSín, Srí Lanca, an Téalainn agus Vítneam
  • Tíortha agus críocha ardioncaim11 : Brúiné, Hong Cong, Macao, Poblacht na Cóiré, an tSeapáin, Singeapór agus an Téaváin

Réigiún 6 An Áise Láir12

An Afganastáin, an Chasacstáin, an Chirgeastáin, an Táidsíceastáin, an Tuircméanastáin, an Úisbéiceastáin

Réigiún 7 An Meánoirthear

  • Éimin, an Iaráin, an Iaráic
  • Tíortha ardioncaim: Aontas na nÉimíríochtaí Arabacha, an Araib Shádach, Bairéin, Catar, Cuáit, Óman

Réigiún 8 An tAigéan Ciúin13

  • Cireabaití, an Mhicrinéis, Nárú, Niue, Oileáin Cook, Oileáin Sholomón, Poblacht Dhaonlathach Thíomór Thoir, Poblacht Fhidsí, Poblacht Oileáin Marshall, Poblacht Oileáin Palau, Stát Neamhspleách Nua‑Ghuine Phapua, Stát Neamhspleách Shamó, Tonga, Tuvalu, Vanuatú
  • Tíortha ardioncaim: An Astráil, an Nua‑Shéalainn

Réigiún 9 An Afraic Fho-Shahárach14 ​​​​​​​ [ft/]Is príomhthíortha imirce nach bhfuil comhlachaithe leis an gClár iad na tíortha a leanas nach bhfuil san Aontas: An Aetóip, an Afraic Theas, Buircíne Fasó, an Bhurúin, an Cósta Eabhair, an Ghaimbia, an Ghuine, Mailí, an Mháratáin, an Nigéir, an Nígir, an tSeineagáil, an tSúdáin, an tSúdáin Theas

An Aetóip, an Afraic Theas, Angóla, Beinin, an Bhotsuáin, Buircíne Fasó, an Bhurúin, Camarún, an Chéinia, an Congó, an Cósta Eabhair, Daon‑Phoblacht Dhaonlathach an Chongó, Djibouti, an Eiritré, Esuaitíní, an Ghabúin, Gána, an Ghaimbia, an Ghuine, Guine Bissau, an Ghuine Mheánchiorclach, an Libia, Leosóta, Madagascar, Mailí, an Mhaláiv, an Mháratáin, Mayotte, Mósaimbíc, an Namaib, an Nigéir, an Nígir, Oileáin Chomóra, Oileán Mhuirís, Poblacht na hAfraice Láir, Poblacht Aontaithe na Tansáine, Poblacht Dhaonlathach an Chongó, Rinn Verde, Ruanda, an tSaimbia, São Tomé agus Príncipe, Sead, an tSeineagáil, na Séiséil, Siarra Leon, an tSiombáib, an tSomáil, an tSúdáin, an tSúdáin Theas, an Tansáin, Tóga, Uganda.

Réigiún 10 Meiriceá Laidineach

An Airgintín, an Bholaiv, an Bhrasaíl, an Cholóim, Cósta Ríce, Eacuadór, Guatamala, Hondúras, Meicsiceo, Nicearagua, Panama, Paragua, Peiriú, an tSalvadóir, an tSile, Urugua agus Veiniséala

Réigiún 11 Muir Chairib15

Antigua agus Barbúda, na Bahámaí, Barbadós, an Bheilís, Cúba, Doiminice, Greanáda, an Ghuáin, Háítí, Iamáice, Oileán na Tríonóide agus Tobága, an Phoblacht Dhoiminiceach, Saint Lucia, San Uinseann agus na Greanáidíní agus Suranam

Réigiún 12 Na Stáit Aontaithe agus Ceanada

Stáit Aontaithe Mheiriceá, Ceanada

Ní chumhdaítear na tíortha seo a leanas nach bhfuil san Aontas agus nach bhfuil comhlachaithe leis an gClár faoi ionstraimí gníomhaíochta seachtraí:

Réigiún 13

Andóra, Monacó, San Mairíne, Stát Chathair na Vatacáine

Réigiún 14

An Eilvéis, Oileáin Fharó, an Ríocht Aontaithe

Chun tuilleadh eolais a fháil, féach an tuairisc mhionsonraithe ar Ghníomhaíochtaí an Chláir i gCuid B den Treoir seo. 

Ceanglais maidir le ceadanna víosaí agus cónaithe

D’fhéadfadh a bheith ar rannpháirtithe i dtionscadail Erasmus+ víosa a fháil chun fanacht ar an gcoigríoch i mBallstáit an Aontais agus i dtríú tíortha ach atá comhlachaithe leis an gClár nó i dtríú tír nach bhfuil comhlachaithe leis an gClár a óstálann an ghníomhaíocht. Tá gach eagraíocht rannpháirteach freagrach as a chinntiú go mbeidh na húdaruithe is gá (víosaí gearrfhanachta nó fadfhanachta nó ceadanna cónaithe) in ord sula ndéantar an ghníomhaíocht phleanáilte. Moltar go láidir go n‑iarrfar na húdaruithe ar na húdaráis inniúla i bhfad roimh ré, ós rud é go bhféadfadh sé tarlú go mairfeadh an próiseas ar feadh roinnt seachtainí. Féadfaidh Gníomhaireachtaí Náisiúnta agus an Ghníomhaireacht Feidhmiúcháin breis comhairle agus tacaíochta a thabhairt maidir le víosaí, ceadanna cónaithe, slándáil shóisialta, srl. Tá eolas ginearálta ar Thairseach Inimirce an Aontais faoi cheadanna víosaí agus cónaithe le haghaidh gearrfhanachtaí agus fadfhanachtaí araon: https://ec.europa.eu/immigration/

  • 1 De réir Airteagal 33.2 de Chinneadh (AE) 2021/1764 ón gComhairle an 5 Deireadh Fómhair 2021 maidir le tíortha agus críocha thar lear a chomhlachú leis an Aontas Eorpach, agus an caidreamh idir an tAontas Eorpach ar thaobh amháin, agus an Ghraonlainn agus Ríocht na Danmhairge ar an taobh eile (Cinneadh maidir leis an gComhlachas Thar Lear, agus an Ghraonlainn san áireamh) (EUR-Lex - 32021D1764 - GA - EUR-Lex (europa.eu)) cinnteoidh an tAontas go mbeidh daoine aonair agus eagraíochtaí ó thíortha agus críocha thar lear nó chucusan incháilithe do Erasmus+, faoi réir rialacha an Chláir agus na socruithe atá infheidhme maidir leis an mBallstát lena bhfuil na tíortha agus críocha thar lear sin nasctha. Ciallaíonn sin go bhfuil daoine aonair agus eagraíochtaí ó thíortha agus críocha thar lear rannpháirteach sa chlár de réir an stádais ‘Ballstát den Aontas nó tríú tíortha ach atá comhlachaithe leis an gClár’, arb é an ‘Ballstát den Aontas nó an tríú tír ach atá comhlachaithe leis an gClár’ an Ballstát lena bhfuil siad nasctha. Tá liosta de na tíortha agus críocha thar lear le fáil ag: https://ec.europa.eu/international-partnerships/where-we-work/overseas-countries-and-territories_en ↩ back
  • 2 Faoi réir shíniú na gComhaontuithe Comhlachais idir an tAontas Eorpach agus na tíortha sin. ↩ back
  • 3 Iris Oifigiúil L 209/2021 (europa.eu) ↩ back
  • 4 https://eur-lex.europa.eu/eli/reg/2021/1529 ↩ back
  • 5 Tá an t‑ainmniú sin gan dochar do sheasaimh maidir le stádas, agus tá sé i gcomhréir le UNSCR 1244 agus tuairim CBI maidir le Dearbhú Neamhspleáchais na Cosaive. ↩ back
  • 6 I gcomhréir leis na Conclúidí ón gComhairle an 12 Deireadh Fómhair 2020 agus i bhfianaise na bainte a bhí ag an mBealarúis le hionradh míleata na Rúise in aghaidh na hÚcráine, a aithníodh i gConclúidí na Comhairle Eorpaí i mí Feabhra 2022, chuir an tAontas stop leis an idirphlé le hionadaithe comhlachtaí poiblí agus fiontar faoi úinéireacht stáit sa Bhealarúis. I gcás ina dtiocfaidh athrú ar chúrsaí féadfar machnamh a dhéanamh air sin arís. Idir an dá linn, leanann an tAontas de bheith i dteagmháil le gníomhairí neamhstáit, áitiúla agus réigiúnacha agus, a mhéid is féidir, chuir sé dlús faoin tacaíocht dóibh, lena n‑áirítear faoi chuimsiú an chláir seo de réir mar is iomchuí. ↩ back
  • 7 Beidh feidhm leis na critéir incháilitheachta atá leagtha amach i bhfógra Uimh. 2013/C‑205/05 (IOAE C‑205 an 19/07/2013, lgh. 9‑11) ón gCoimisiún maidir le gach gníomhaíocht a chuirtear chun feidhme tríd an Treoirleabhar seo, lena n‑áirítear maidir le tríú páirtithe a fhaigheann tacaíocht airgeadais i gcásanna ina mbaineann an ghníomhaíocht ábhartha le tacaíocht airgeadais do thríú páirtithe ó thairbhithe deontais i gcomhréir le hAirteagal 204 de Rialachán Airgeadais an Aontais. ↩ back
  • 8 Ní fhorléireofar an t‑ainmniú seo mar aitheantas ar Stát na Palaistíne agus tá sé gan dochar do sheasaimh aonair na mBallstát maidir leis an tsaincheist seo. ↩ back
  • 9 I gcomhréir leis na Conclúidí ón gComhairle i mí Aibreáin 2018 maidir leis an tSiria, níl bunaíochtaí poiblí Siriacha incháilithe chun maoiniú a fháil faoi Erasmus+. ↩ back
  • 10 Is féidir na tíortha is lú forbairt ó na tíortha sin a aimsiú ag: https://www.oecd.org/dac/financing-sustainable-development/development-finance-standards/DAC-List-of-ODA-Recipients-for-reporting-2024-25-flows.pdf ↩ back
  • 11 Áirítear leis sin tíortha agus críocha de réir liosta tíortha Ardioncaim ECFE agus tá sé gan dochar do stádas nó do cheannasacht aon chríche, do theorannú imeallchríoch agus teorainneacha idirnáisiúnta agus d’ainm aon chríche, cathrach nó limistéir. ↩ back
  • 12 Mar atá thuas ↩ back
  • 13 Mar atá thuas ↩ back
  • 14 Mar atá thuas ↩ back
  • 15 Is féidir na tíortha is lú forbairt ó na tíortha sin a aimsiú ag:https://www.oecd.org/dac/financing-sustainable-development/development-finance-standards/DAC-List-of-ODA-Recipients-for-reporting-2024-25-flows.pdf ↩ back