Skip to main content

Erasmus+

EU programme for education, training, youth and sport
Search the guide

Din il-paġna web għadha ma tirriflettix il-kontenut tal-Gwida tal-Programm Erasmus+ 2022. Madankollu, tista’ tiddawnlowdja l-gwida sħiħa għall-2022 bħala PDF fil-lingwa li għażilt permezz ta’ “Download” li tinsab fuq il-lemin ta’ din il-paġna.

Pajjiżi eliġibbli

L-Istati Membri tal-UE jieħdu sehem fil-Programm Erasmus+. Barra minn hekk, skont l-Artikolu 16 tar-Regolament Erasmus+, il-pajjiżi terzi li ġejjin huma assoċjati mal-programm[1]:

  • membri tal-Assoċjazzjoni Ewropea tal-Kummerċ Ħieles (EFTA) li huma membri taż-Żona Ekonomika Ewropea (ŻEE): in-Norveġja, l-Iżlanda u l-Liechtenstein;
  • il-pajjiżi aderenti, il-pajjiżi kandidati u l-kandidati potenzjali: ir-Repubblika tal-Maċedonja ta’ Fuq, ir-Repubblika tat-Turkija u r-Repubblika tas-Serbja;

L-Istati Membri tal-UE u l-pajjiżi terzi msemmija hawn fuq assoċjati mal-programm minn hawn ’il quddiem se jissejħu “Pajjiżi tal-Programm”.

Barra minn hekk, skont l-Artikolu 17 tar-Regolament, entitajiet minn pajjiżi terzi oħra mhux assoċjati mal-Programm jistgħu jkunu eliġibbli f’azzjonijiet tal-Erasmus+ f’każijiet debitament iġġustifikati u fl-interess tal-Unjoni (minn hawn ’il quddiem imsejħa “Pajjiżi Sħab”).

Pajjiżi tal-Programm

Il-pajjiżi li ġejjin jistgħu jieħdu sehem b’mod sħiħ fl-Azzjonijiet kollha tal-Programm Erasmus+:

L-Istati Membri tal-Unjoni Ewropea (UE)[2]

Il-Belġju

Il-Bulgarija

Ir-Repubblika Ċeka

Id-Danimarka

Il-Ġermanja

L-Estonja

L-Irlanda

Il-Greċja

Spanja

Franza

Il-Kroazja

L-Italja

Ċipru

Il-Latvja

Il-Litwanja

Il-Lussemburgu

L-Ungerija

Malta

In-Netherlands

L-Awstrija

Il-Polonja

Il-Portugall

Ir-Rumanija

Is-Slovenja

Is-Slovakkja

Il-Finlandja

L-Iżvezja

Pajjiżi tal-Programm Mhux fl-UE[3]

Ir-Repubblika tal-Maċedonja ta’ Fuq

Is-Serbja

L-Iżlanda

Liechtenstein

In-Norveġja

It-Turkija

Pajjiżi Sħab

Il-pajjiżi li ġejjin jistgħu jieħdu sehem f’ċerti Azzjonijiet tal-Programm, soġġetti għal kriterji jew kundizzjonijiet speċifiċi (għal aktar informazzjoni, jekk jogħġbok ikkonsulta l-Parti B ta’ din il-Gwida). Il-finanzjament se jiġi allokat għal organizzazzjonijiet fil-pajjiżi fi ħdan it-territorji tagħhom kif rikonoxxut mil-liġi internazzjonali. L-applikanti u l-parteċipanti jridu jirrispettaw kwalunkwe restrizzjoni li jkun hemm fuq l-għajnuna esterna tal-UE imposta mill-Kunsill Ewropew. L-applikazzjonijiet għandhom ikunu konformi mal-valuri ġenerali tal-UE tar-rispett għad-dinjità tal-bniedem, il-libertà, id-demokrazija, l-ugwaljanza, l-istat tad-dritt u r-rispett għad-drittijiet tal-bniedem, inklużi d-drittijiet ta’ persuni li jappartjenu għal minoranzi kif previst fl-Artikolu 2 tat-Trattat tal-Unjoni Ewropea.

Il-Pajjiżi Sħab elenkati hawn taħt huma raggruppati skont l-istrumenti finanzjarji tal-Azzjoni Esterna tal-UE.

Il-Balkani tal-Punent

(Reġjun 1)

L-Albanija; Il-Bożnija-Ħerzegovina; Il-Kosovo[4]; Il-Montenegro

Il-Pajjiżi tas-Sħubija tal-Lvant

(Reġjun 2)

L-Armenja; L-Ażerbajġan; Il-Belarussja; Il-Georgia; Il-Moldova; It-Territorju tal-Ukrajna kif rikonoxxut mil-liġi internazzjonali

Il-Pajjiżi tan-Nofsinhar tal-Mediterran

(Reġjun 3)[5]

L-Alġerija; L-Eġittu; L-Iżrael; Il-Ġordan; Il-Libanu; il-Libja; Il-Marokk; Il-Palestina[6]; Is-Sirja; It-Tuneżija

Il-Federazzjoni Russa (Reġjun 4)

It-Territorju tar-Russja kif rikonoxxut mil-liġi internazzjonali

Reġjun 5[7]

Andorra, Monaco, San Marino, l-Istat tal-Belt tal-Vatikan

Reġjun 6[8]

L-Asja

L-Afganistan, il-Bangladesh, il-Butan, il-Kambodja, iċ-Ċina, ir-Repubblika Demokratika Popolari tal-Korea, l-Indja, l-Indonesja, il-Laos, il-Malasja, il-Maldive, il-Mongolja, il-Mjanmar, in-Nepal, il-Pakistan, il-Filippini, is-Sri Lanka, it-Tajlandja u l-Vjetnam

Reġjun 7[9]

L-Asja

Il-Każakistan, il-Kirgiżistan, it-Taġikistan, it-Turkmenistan, l-Użbekistan

Reġjun 8[10]

L-Amerika Latina

L-Arġentina, il-Bolivja, il-Brażil, il-Kolombja, il-Costa Rica, Kuba, l-Ekwador, El Salvador, il-Gwatemala, il-Honduras, il-Messiku, in-Nikaragwa, il-Panama, il-Paragwaj, il-Perù, il-Venezwela

Reġjun 9[11]

L-Iran, l-Iraq, il-Jemen

Reġjun 10[12]

L-Afrika t’Isfel

Reġjun 11

AKP

L-Angola, Antigwa u Barbuda, il-Baħamas, il-Barbados, il-Beliże, il-Benin, il-Botswana, il-Burkina Faso, il-Burundi, il-Kamerun, Cape Verde, ir-Repubblika Ċentru-Afrikana, iċ-Ċad, Komoros, il-Kongo, ir-Repubblika Demokratika tal-Kongo, il-Gżejjer Cook, il-Djibouti, Dominica, Repubblika Dominicana, il-Guinea Ekwatorjali, l-Eritrea, l-Etjopja, il-Fiġi, il-Gabon, il-Gambja, il-Ghana, il-Ginea-Bissau, il-Gujana, Ħaiti, ir-Repubblika tal-Kosta tal-Avorju, il-Ġamajka, il-Kenja, Kiribati, il-Lesoto, il-Liberja, il-Madagascar, il-Malawi, Mali, il-Gżejjer Marshall, il-Mauritania, Mauritius, l-Istati Federali tal-Mikroneżja, il-Możambik, in-Namibja, Nauru, in-Niġer, in-Niġerja, Niue, Palau, Papua New il-Ginea, ir-Rwanda, Saint Kitts u Nevis, Saint Lucia, Saint Vincent u l-Grenadini, Samoa, Sào Tome u Principe, is-Senegal, is-Seychelles, Sierra Leone, il-Gżejjer Solomon, is-Somalja, is-Sudan t’Isfel, is-Sudan, is-Suriname, l-Eswatini, ir-Repubblika Demokratika ta’ Timor Leste, it-Tanzanija, it-Togo, Tonga, Trinidad u Tobago, Tuvalu, l-Uganda, Vanuatu, iż-Żambja, iż-Żimbabwe.

Reġjun 12[13]

Industrijalizzati: Pajjiżi tal-Kooperazzjoni tal-Golf

Il-Bahrain, il-Kuwajt, l-Oman, il-Qatar, l-Arabja Sawdija, l-Emirati Għarab Magħquda.

Reġjun 13[14]

Pajjiżi industrijalizzati oħrajn

L-Awstralja, il-Brunej, il-Kanada, iċ-Ċilì, Hong Kong, il-Ġappun, (ir-Repubblika tal-Ġappun), il-Korea, il-Macao, in-New Zealand, Singapore, it-Tajwan, l-Istati Uniti tal-Amerika, l-Urugwaj.

Reġjun 14[15]

Il-Gżejjer Faeroe, l-Iżvizzera, ir-Renju Unit.

Għal iktar informazzjoni, jekk jogħġbok ikkonsulta d-deskrizzjoni dettaljata tal-Azzjonijiet tal-Programm fil-Parti B ta’ din il-Gwida.

Rekwiżiti rigward il-viża u l-permessi ta’ residenza

Il-parteċipanti fil-proġetti ta’ Erasmus+ jistgħu jkunu meħtieġa jiksbu viża biex imorru joqogħdu fil-Pajjiż tal-Programm jew fil-Pajjiż Sieħeb li jospita l-attività. L-organizzazzjonijiet parteċipanti kollha huma responsabbli għall-iżgurar li l-awtorizzazzjonijiet meħtieġa (viżi jew permessi ta’ residenza għal soġġorn qasir jew fit-tul) jkunu nkisbu qabel ma sseħħ l-attività ppjanata. Huwa rrakkomandat ferm li l-awtorizzazzjonijiet jintalbu mingħand l-awtoritajiet kompetenti minn żmien twil qabel, peress li l-proċess jista’ jieħu bosta ġimgħat. L-Aġenziji Nazzjonali u l-Aġenzija Eżekuttiva jistgħu jagħtu parir u appoġġ ulterjuri rigward il-viżi, il-permessi ta’ residenza, is-sigurtà soċjali, eċċ. Il-Portal tal-Immigrazzjoni tal-UE jinkludi informazzjoni ġenerali dwar il-viża u l-permessi ta’ residenza, kemm għal soġġorni qosra kif ukoll għal dawk fit-tul: https://ec.europa.eu/immigration/

  1. Soġġett għall-iffirmar tal-Ftehimiet ta’ Assoċjazzjoni bejn l-Unjoni Ewropea u dawk il-pajjiżi.

  2. Skont l-Artikolu 33.3 tad-Deċiżjoni tal-Kunsill 2013/755/UE dwar l-Assoċjazzjoni tal-PTEE mal-Unjoni Ewropea li ġiet adottata fil-25 ta’ Novembru 2013 (https://eur-lex.europa.eu/LexUriServ/LexUriServ.do?uri=OJ:L:2013:344:0001:0118:MT:PDF), l-Unjoni għandha tiżgura li individwi u organizzazzjonijiet li ġejjin minn jew sejrin lejn Pajjiżi u Territorji Ekstra-Ewropej (PTEE) għandhom ikunu eliġibbli għal Erasmus+, soġġetti għar-regoli tal-Programm u l-arranġamenti li japplikaw għall-Istat Membru li miegħu jkunu konnessi dawn il-PTEE. Dan ifisser li l-individwi u l-organizzazzjonijiet mill-PTEE jkunu qed jipparteċipaw fil-programm bi status ta’ “Pajjiż tal-Programm”, fejn il-“Pajjiż tal-Programm” ikun l-Istat Membru li miegħu jkunu konnessi. Il-lista ta’ PTEE tista’ tinstab fuq: https://ec.europa.eu/international-partnerships/where-we-work/overseas-countries-and-territories_en

  3. Soġġett għall-iffirmar tal-Ftehimiet ta’ Assoċjazzjoni bejn l-Unjoni Ewropea u dawk il-pajjiżi.

  4. Din id-deżinjazzjoni hija mingħajr preġudizzju għall-pożizzjonijiet dwar l-istatus, u hija konformi mal-UNSCR 1244 u mal-Opinjoni tal-QIĠ dwar id-dikjarazzjoni ta’ indipendenza tal-Kosovo.

  5. Il-kriterji ta’ eliġibbiltà fformulati fl-avviż tal-Kummissjoni Nru 2013/C-205/05 (ĠUUE C-205 tad-19/07/2013, pp. 9-11) għandhom japplikaw għall-azzjonijiet kollha implimentati permezz ta’ din il-Gwida tal-Programm, inkluż fir-rigward ta’ partijiet terzi li jirċievu appoġġ finanzjarju fil-każijiet fejn l-azzjoni rispettiva tkun tinvolvi appoġġ finanzjarju mogħti lil partijiet terzi minn benefiċjarji tal-għotja b’konformità mal-Artikolu 204 tar-Regolament Finanzjarju tal-UE.

  6. Din id-deżinjazzjoni ma għandhiex tiġi interpretata bħala rikonoxximent ta’ Stat tal-Palestina u hija mingħajr preġudizzju għall-pożizzjonijiet individwali tal-Istati Membri dwar din il-kwistjoni.

  7. Pajjiżi mhux koperti mill-Istrumenti ta’ Azzjoni Esterna.

  8. Klassifikazzjoni użata fil-qafas tal-Istrument ta’ Viċinat, ta’ Żvilupp u ta’ Kooperazzjoni Internazzjonali (NDICI) u l-Istrument propost għall-Assistenza ta’ Qabel l-Adeżjoni (IPA III).

  9. Bħal ta’ hawn fuq.

  10. Bħal ta’ hawn fuq.

  11. Bħal ta’ hawn fuq.

  12. Bħal ta’ hawn fuq.

  13. Klassifikazzjoni li tinuża fil-qafas tal-Istrument tas-Sħubija (PI).

  14. Klassifikazzjoni li tintuża fil-qafas tal-Istrument tas-Sħubija (PI).

  15. Pajjiżi mhux koperti mill-Istrumenti ta’ Azzjoni Esterna.

.foot {font-size: 0.8em; margin-left: 2.5em; border-top: 1px solid black;} table, td, tr{border: 1px solid black; cellpadding="1"; cellspacing="1";} table{margin-bottom: 30px;}