Profil tal-applikant

• Istituzzjonijiet ta’ edukazzjoni għolja fi kwalunkwe pajjiż tad-dinja

• Dawk stabbiliti f’Pajjiżi tal-Programm Erasmus+ għandu jkollhom Karta tal-Erasmus għal Edukazzjoni Għolja (ECHE)

Tul ta’ żmien: 3 snin

Għotja massima: €1,200,000 għal kull network

X’jikkwalifika bħala Network Jean Monnet fl-Edukazzjoni Għolja?

Żewġ tipi ta’ networks tematiċi kbar jistgħu jikkwalifikaw:

1. Network li jiffoka fuq suġġett ta’ politika interna speċifika tal-UE. Jeħtieġ minimu ta’ 12-il istituzzjoni tal-edukazzjoni għolja minn 7 Stati Membri differenti tal-UE u pajjiżi mhux tal-UE assoċjati mal-Programm.

2. Network li jiffoka fuq kwistjonijiet ta’ politika barranija li jindirizzaw prijorità speċifika waħda. Jeħtieġ minimu ta’ 12-il istituzzjoni ta’ edukazzjoni għolja b’mill-anqas 6 parteċipanti minn pajjiżi mhux tal-UE mhux assoċjati mal-Programm u ffinanzjati minn strumenti ta’ azzjoni esterna tal-UE. In-network dwar kwistjonijiet ta’ politika barranija għandu jinkludi l-parteċipazzjoni ta’ organizzazzjonijiet rilevanti f’pajjiżi appoġġjati.

X’inhu mistenni minn Network Jean Monnet fl-Edukazzjoni Għolja?

• jiġbor, jixxerja u jiddiskuti: sejbiet tar-riċerka, kontenut tal-korsijiet, esperjenzi, prodotti (studji, artikli, eċċ.), fost is-sħab

• jistabbilixxi għodda li tippermetti lis-sħab jixxerjaw ix-xogħlijiet akkademiċi tagħhom u jwettqu eżerċizzji ta’ evalwazzjoni bejn il-pari, filwaqt li jikkummentaw ukoll dwar dokumenti mibgħuta

• regolarment jagħmel għażla tal-aktar riżultati innovattivi u interessanti li għandhom jiġu pprovduti lill-Kummissjoni

L-għan aħħari tan-networks tematiċi hu li jipprovdu feedback regolari (eż. newsletter online) dwar il-prattiki l-aktar avvanzati u innovattivi fil-qasam, filwaqt li jappoġġjaw u jżidu l-valur tad-dibattitu.

Proċess tal-applikazzjoni

Għal aktar informazzjoni dwar il-proċess tal-applikazzjoni, jekk jogħġbok żur

• Il-Gwida tal-Programm Erasmus+ – għal informazzjoni dettaljata (kriterji tal-applikazzjoni, skedi ta’ żmien, fondi disponibbli)

• Aġenzija Eżekuttiva Ewropea għall-Edukazzjoni u għall-Kultura (EACEA) – l-applikazzjonijiet attwali huma mmaniġġjati mill-aġenzija eżekuttiva

• Aġenziji Nazzjonali – il-punt ta’ dħul lokali tiegħek biex tfittex linji gwida ta’ appoġġ dwar il-proċess ta’ applikazzjoni

Application process

For more information about the application process, please visit

• The Erasmus+ Programme Guide – for detailed information (application criteria, timelines, funds available)
• European Education and Culture Executive Agency (EACEA) – the actual applications are managed by the executive agency
• National Agencies – your local entry point to seek support guidelines on the application process