Kwalunkwe organizzazzjoni li tixtieq tapplika għal akkreditazzjoni jew għal għotja fl-ambitu tal-Erasmus+ jew tal-Korp Ewropew ta’ Solidarjetà trid
- tirreġistra mas-servizz ġenerali ta’ awtentikazzjoni tal-Kummissjoni Ewropea (EU Login)
- tirreġistra mas-servizz tal-immaniġġjar tal-organizzazzjoni rilevanti
Oħloq kont tal-EU Login
Biex tkun tista’ tirreġistra l-organizzazzjoni tiegħek, l-ewwel trid toħloq kont tal-EU Login. L-EU Login huwa servizz ta’ awtentikazzjoni ġenerali għal firxa wiesgħa ta’ servizzi tal-Kummissjoni Ewropea.
Identifika min jimmaniġġja l-azzjoni tiegħek
Fejn tirreġistra l-organizzazzjoni tiegħek jiddependi mill-azzjoni li fl-ambitu tagħha tkun qed tapplika, u minn min jimmaniġġjaha.
Tista’ tivverifika dan billi tagħti daqqa t’għajn lil-lista tal-azzjonijiet u l-maniġment rispettiv tagħhom.
Għal azzjonijiet ċentralizzati mmaniġġjati mill-Aġenzija Eżekuttiva Ewropea għall-Edukazzjoni u għall-Kultura
L-organizzazzjonijiet għandhom jirreġistraw permezz tal-portal tal-UE għall-Finanzjament u għall-Offerti.
Ladarba tkun irreġistrajt, tirċievi Kodiċi ta’ Identifikazzjoni tal-Parteċipanti (Participant Identification Code, PIC) li jkun fih 9 ċifri. Dan l-identifikatur uniku jintuża mill-Aġenzija Eżekuttiva bħala referenza fi kwalunkwe interazzjoni.
Irreġistra l-organizzazzjoni tiegħek għal azzjoni ċentralizzata
Għal azzjonijiet deċentralizzati mmaniġġjati mill-Aġenziji Nazzjonali
L-organizzazzjonijiet għandhom jirreġistraw permezz tal-pjattaforma tal-Erasmus+ u l-Korp Ewropew ta’ Solidarjetà.
Ladarba tkun irreġistrajt, tirċievi ID tal-Organizzazzjoni li tista’ tużaha meta tapplika għal akkreditazzjoni jew għotja.
Irreġistra l-organizzazzjoni tiegħek għal azzjoni deċentralizzata
Jekk diġà pparteċipajt f’xi azzjoni tal-Erasmus+ u tal-Korp Ewropew ta’ Solidarjetà mmaniġġjata minn Aġenzija Nazzjonali, tista’ tfittex għall-ID tal-Organizzazzjoni tiegħek fl-istess pjattaforma.
Privatezza
Biex issir taf kif nużaw u nittrattaw id-data personali tiegħek, aqra l-istqarrija ta’ privatezza tagħna.