Leis an ngníomhaíocht seo tacaítear le soláthraithe oideachais aosaigh agus le heagraíochtaí eile atá gníomhach i réimse an oideachais aosaigh ar mian leo gníomhaíochtaí soghluaisteachta foghlama a eagrú le haghaidh foghlaimeoir fásta agus baill foirne san oideachas aosach.
Oideachas aosach
Gach foirm d’oideachas aosach nach oideachas gairme é, bíodh sé ina oideachas foirmiúil, seachfhoirmiúil nó neamhfhoirmiúil (féach ‘VET’ le haghaidh gairmoiliúint leantach).
Foghlaimeoir fásta
Aon duine fásta, tar éis dó oideachas nó oiliúint tosaigh a chríochnú nó mura bhfuil baint aige leis a thuilleadh, a fhilleann ar roinnt cineálacha foghlama leantaí nach foghlaim ghairme í (foghlaim fhoirmiúil, sheachfhoirmiúil nó neamhfhoirmiúil).
Is éard atá i gceist le creidiúnú Erasmus ná uirlis le haghaidh eagraíochtaí sa ghairmoideachas agus sa ghairmoiliúint, san oideachas scoile agus san oideachas aosach ar mian leo dul i mbun malartú agus comhar trasteorann. Má dhámhtar creidiúnú Erasmus deimhnítear leis sin go bhfuil plean curtha ar bun ag an iarratasóir chun gníomhaíochtaí soghluaisteachta ardcháilíochta a chur chun feidhme mar chuid d’iarracht leathan chun a n‑eagraíocht a fhorbairt. Tugtar Plean Erasmus ar an bplean sin agus is cuid lárnach den iarratas ar chreidiúnú Erasmus é.