Is éard is aidhm do dheiseanna soghluaisteachta foghlama soghluaisteacht mac léinn, ball foirne, oiliúnaithe, printíseach, oibrithe deonacha, oibrithe don óige agus daoine óga a éascú.
Is é an ról atá ag na heagraíochtaí sa phróiseas seo na deiseanna sin a eagrú do dhaoine aonair. Ar na buntáistí a bheidh ann do na heagraíochtaí tá cumas méadaithe feidhmiúcháin ar an leibhéal idirnáisiúnta, scileanna feabhsaithe bainistíochta, teacht ar bhreis deiseanna maoinithe agus breis tionscadal, cumas méadaithe chun tionscadail a réiteach, a bhainistiú agus a leanúint, punann deiseanna do mhic léinn agus do bhaill foirne na n-eagraíochtaí rannpháirteacha a bheidh níos tarraingtí agus an deis chun tionscadail nuálacha a fhorbairt i gcomhar le comhpháirtithe ar fud an domhain.
Mic léinn agus baill foirne i réimse an ardoideachais
Féadfaidh eagraíochtaí mic léinn agus baill foirne a sheoladh chuig tíortha rannpháirteacha ar an gcoigríoch nó glacadh le mic léinn ó institiúidí sna tíortha sin. Féadfaidh baill foirne teagasc a dhéanamh ar an gcoigríoch nó oiliúint a chur ar fáil ansin; chomh fada le mic léinn agus iarrthóirí Dochtúireachta de féadfaidh siad sin tréimhse oiliúna a chur isteach ar an gcoigríoch nó cuid dá gcúrsa léinn a dhéanamh ann.
Faigh tuilleadh eolais maidir le conas mic léinn a óstáil nó a sheoladh go dtí tír eile
Creidiúnú Erasmus
Uirlis le haghaidh eagraíochtaí ar mian leo tús a chur le malartú agus comhar trasteorann. Tá creidiúnú ar fáil do gach eagraíocht ar mian leo gníomhaíochtaí soghluaisteachta a eagrú ar bhonn rialta.
Faigh tuilleadh eolais faoin bpróiseas creidiúnaithe
Foghlaimeoirí agus baill foirne i réimse an ghairmoideachais agus na gairmoiliúna
Féadfaidh eagraíochtaí printísigh nó mic léinn a sheoladh ar an gcoigríoch le haghaidh tréimhsí gairmoiliúna nó glacadh leo agus iad ar cuairt chucu chomh maith le baill foirne a sheoladh ar an gcoigríoch chun múinteoireacht a dhéanamh nó oiliúint a chur ar fáil.
Faigh tuilleadh eolais faoi dheiseanna d’eagraíochtaí gairmoideachais agus gairmoiliúna
Baill foirne oideachais scoile
Féadfaidh scoileanna baill foirne a sheoladh agus a ghlacadh le teagasc a dhéanamh nó le aghaidh forbairt ghairmiúil.
Faigh tuilleadh eolais faoi dheiseanna d’eagraíochtaí oideachais scoile
Baill foirne i réimse an oideachais aosach
Tá deiseanna ann d'eagraíochtaí oideachais aosach baill foirne a sheoladh ar an gcoigríoch, nó glacadh le baill foirne agus iad ar cuairt chucu, chun múinteoireacht a dhéanamh, nó oiliúint agus cúrsaí a chur ar fáil.
Faigh tuilleadh eolais faoi dheiseanna do sholáthraithe oideachais aosaigh
Daoine óga agus oibrithe don óige
Féadfaidh eagraíochtaí iarratas a dhéanamh ar thionscadail a reáchtáil. I gcás daoine óga, áirítear orthu sin malartuithe ógra, a ligfeadh do ghrúpaí daoine óga maireachtáil agus obair a dhéanamh le chéile ar feadh tréimhse suas le trí seachtaine. Chomh fada le hoibrithe don óige, tionscadail dírithe ar an oiliúint nó ar an líonrú atá i gceist.
Faigh tuilleadh eolais faoi dheiseanna do ghrúpaí daoine óga